Magtymguly Pyragynyň döredijilik mirasy — umumadamzat gymmatlygy
weather mary 21° C Mary
weather mary 21° C Mary

Habarlar

Iň täze habarlar

Magtymguly Pyragynyň döredijilik mirasy — umumadamzat gymmatlygy

295 27.12.2024

Türkmenistanyň Prezidentiniň «Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny bellemek hakynda» Kararyna laýyklykda, 2024-nji ýylyň ilkinji günlerinden Watanymyzda we daşary ýurtlarda beýik söz ussadynyň adamzadyň ruhy medeniýetiniň hazynasyna giren edebi-filosofik mirasyny öwrenmek, bütin dünýäde wagyz etmek boýunça giň gerimli işler alnyp baryldy.

Türki medeniýetiň halkara guramasy (TÜRKSOÝ) tarapyndan 2024-nji ýylyň «Türki dünýäsiniň beýik şahyry we akyldary Magtymguly Pyragy ýyly» diýlip yglan edilmegi, Magtymgulynyň golýazmalar toplumynyň ÝUNESKO-nyň «Dünýäniň hakydasy» maksatnamasynyň halkara sanawyna girizilmegi, beýik söz ussadynyň doglan gününiň 300 ýyllygynyň 2024-2025-nji ýyllarda ÝUNESKO bilen bilelikde bellenilip geçilýän şanly seneleriň sanawyna goşulmagy nusgawy şahyrymyzyň döredijiliginiň dünýä derejesinde ykrar edilýändiginiň aýdyň güwäsidir. 2024-nji ýylyň «Pähim-paýhas ummany Magtymguly Pyragy» şygarynyň many-mazmuny halkymyzyň watançylyk ruhuny belende götermäge, ýurdumyzyň şöhratyny, halkara abraýyny ýokarlandyrmaga, ýaşlary päk ahlaklylyk ruhunda terbiýelemäge goşant goşmaga, watandaşlarymyzy täze üstünliklere ruhlandyrmaga gönükdirilendir. Gahryman Arkadagymyzyň Magtymguly Pyraga bagyşlap döreden goşgusyndan ugur alnyp, ýylyň şygarynyň «Pähim-paýhas ummany Magtymguly Pyragy» diýlip atlandyrylmagy türkmen halkynyň beýik ogluna hem-de onuň baý edebi mirasyna çuňňur hormatyň nyşanyna öwrüldi.

Ýylyň dowamynda ýurdumyzda köp sanly myhmanlaryň gatnaşmagynda iri halkara çäreler — ýokary okuw mekdeplerinde halkara olimpiadalar, döredijilik we wagyz-nesihat çäreleri, brifingler, mediaforumlar, okuw maslahatlary, sergiler, ylmy-amaly maslahatlar, aýdym-sazly dabaralar geçirildi. 9-njy fewralda geçirilen Ministrler Kabinetiniň giňişleýin mejlisinde hormatly Prezidentimiz Serdar Berdimuhamedow häzirki döwürde Magtymguly Pyragynyň baý edebi mirasyny öwrenmek, dünýä jemgyýetçiligine wagyz etmek boýunça uly işleriň alnyp barylýandygyny belläp, «Türkmenistanyň «Magtymguly Pyragynyň 300 ýyllygyna» atly ýubileý medalyny döretmek hakynda» Türkmenistanyň Kanunyna gol çekdi.

20-nji ýanwarda geçirilen BMG-niň Bilim, ylym we medeniýet meseleleri boýunça guramasynyň (ÝUNESKO) işleri barada Türkmenistanyň milli toparynyň nobatdaky mejlisinde bu şanly sene hem-de 2024-nji ýylyň «Türki dünýäsiniň beýik şahyry we akyldary Magtymguly Pyragy ýyly» diýlip yglan edilmegi bilen baglanyşykly çäreleri geçirmegiň meseleleri ara alnyp maslahatlaşyldy.

18-nji fewralda Türkmenistanyň Daşary işler ministrliginiň Halkara gatnaşyklary institutynda guralan «Magtymguly Pyragynyň parahatçylyk taglymaty we Bitarap Türkmenistanyň diplomatiýasy» atly halkara maslahatda şahyryň garaýyşlarynyň beýleki halklara hormat goýmak, hoşniýetli goňşuçylyk ýörelgelerine, demokratiýa, däp-dessurlara ygrarlylyga esaslanýandygy bellenildi. Bu ýörelgeler Türkmenistanyň Bitaraplygynyň mazmunyny emele getirýär we ýurdumyzyň diplomatiýasynyň parasatlylygynyň, dowamatlylygynyň çeşmesi bolmagyny dowam etdirýär.

17-nji maýda paýtagtymyzyň günorta böleginde Gahryman Arkadagymyzyň başlangyjy esasynda, hormatly Prezidentimiziň tagallalary bilen bina edilen Magtymgulynyň belent başly ýadygärliginiň hem-de «Magtymguly Pyragy» medeni-seýilgäh toplumynyň аçylyş dabarasy boldy. Bu şanly waka 2024-nji ýylda beýik akyldar şahyryň doglan gününiň 300 ýyllygyna bagyşlanyp geçirilýän dabaralaryň özboluşly dowamyna öwrüldi.

Türkmen şahyrynyň ýubileýine bagyşlanan çäreleriň çäklerinde şu ýylyň maýynda «Pähim-paýhas ummany Magtymguly Pyragy» atly halkara ylmy maslahat we medeniýet ministrleri derejesindäki halkara maslahat geçirildi. Her ýylyň 27-nji iýunynda bellenilýän Medeniýet we sungat işgärleriniň hem-de Magtymguly Pyragynyň şygryýet güni şowhunly wakalara baý boldy. Baýramçylygyň çäklerinde sergiler, edebiýat agşamlary, konsertler, mowzuklaýyn maslahatlar, iş maslahatlary, «tegelek stol» duşuşyklary, brifingler guraldy.

Magtymguly Pyragynyň doglan gününiň 300 ýyllygy mynasybetli 11-nji oktýabrda Aşgabatda «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum geçirildi. Onuň çäklerinde beýik söz ussadynyň Köpetdagyň ajaýyp künjeginde bina edilen ýadygärligine gül goýmak dabarasy boldy.

Magtymgulynyň baý mazmunly mirasy Türkmenistanyň daşary syýasatynyň esasyny kesgitledi. Onuň parahatçylyk, adalatlylyk, ynsanperwerlik, dost-doganlyk we ähli halklara hormat goýmak baradaky düýpli pikirleri beýleki döwletler bilen özara gatnaşyklarda möhüm ähmiýete eýe bolýar. Dostlukly döwletler Gündogaryň nusgawy şahyry Magtymguly Pyragynyň ýubileýi mynasybetli halkara çäreleriň geçirilmegine goşant goşup, olara işjeň gatnaşdylar. Şu ýyl Türkmenistanyň Türkiýe Respublikasyndaky, Azerbaýjan Respublikasyndaky, Ukrainadaky, Özbegistan Respublikasyndaky, Gyrgyz Respublikasyndaky, Koreýa Respublikasyndaky, Gruziýadaky, Russiýa Federasiýasyndaky, Ermenistandaky, Rumyniýadaky, Gazagystan Respublikasyndaky, Eýran Yslam Respublikasyndaky, Ýaponiýadaky, Awstriýa Respublikasyndaky, Fransiýadaky, Hytaý Halk Respublikasyndaky, Birleşen Arap Emirliklerindäki, Beýik Britaniýadaky, Owganystandaky, Täjigistan Respublikasyndaky ilçihanalary we konsullyk edaralary beýik akyldaryň doglan gününiň 300 ýyllygyna bagyşlanan halkara ylmy maslahatlary, orta we ýokary okuw mekdeplerinde umumy sapaklary, mowzuklaýyn duşuşyklary, brifingleri, «tegelek stol» maslahatlaryny, filmleriň görkezilişlerini, sergileri, konsertleri geçirdiler.

5-nji ýanwarda Türkmenistanyň Türkiýe Respublikasyndaky ilçihanasy tarapyndan guralan halkara ylmy maslahatda bu şanly senäniň giňden baýram edilmeginiň Gündogaryň beýik akyldar şahyrynyň döredijiliginiň dünýä derejesinde ykrar edilýändiginiň nyşanydygy nygtaldy.

16-njy ýanwarda Türkmenistanyň Azerbaýjan Respublikasyndaky ilçihanasynda geçirilen duşuşyk Oguz han adyndaky «Türkmenfilm» birleşigi tarapyndan Baku şäherinde surata düşürilen «Hakyň guly — Magtymguly» atly dokumental filmiň görkezilmegi bilen tamamlandy.

23-nji ýanwarda Türkmenistanyň Gruziýadaky ilçihanasynda 2024-nji ýylyň «Pähim-paýhas ummany Magtymguly Pyragy» ýyly şygaryna bagyşlanyp «tegelek stoluň» başyndaky duşuşyk geçirildi. Şeýle hem şol gün Türkmenistanyň Ukrainadaky ilçihanasynda geçirilen dabaraly çäräniň dowamynda Gahryman Arkadagymyzyň «Pähim-paýhas ummany Magtymguly Pyragy» atly goşgusy hem-de Magtymgulynyň şygyrlary okaldy, olaryň esasynda döredilen aýdym-sazly çykyşlar ýerine ýetirildi, şahyryň durmuş ýoly barada gürrüň berýän film görkezildi.

25-nji ýanwarda Türkmenistanyň Özbegistan Respublikasyndaky hem-de Gyrgyz Respublikasyndaky ilçihanalarynda guralan mowzuklaýyn brifinglerde Magtymguly Pyragynyň dünýä medeniýetiniň genji-hazynasynyň aýrylmaz bölegine öwrülen döredijilik mirasynyň aýratyn ähmiýetine üns çekildi.

29-njy ýanwarda Türkmenistanyň Rumyniýadaky ilçihanasynda duşuşyk geçirildi. Onuň dowamynda Magtymguly Pyragynyň döredijiliginiň häzirki wagtda dünýäde giňden meşhurdygy, ajaýyp goşgularynyň dünýäniň onlarça diline, şol sanda rumyn diline-de terjime edilendigi nygtaldy.

30-njy ýanwarda Türkmenistanyň Russiýa Federasiýasyndaky ilçihanasy Moskwa şäherinde türkmen nusgawy şahyry, Gündogaryň beýik akyldary Magtymguly Pyragynyň 300 ýyllygy mynasybetli çäre gurady. Çäräniň dowamynda Türkmenistanyň täze taryhy döwürde gazananlary barada gürrüň berýän wideoşekiller görkezildi, şeýle hem Russiýanyň ýokary okuw mekdeplerinde bilim alýan türkmen talyplarynyň ýerine ýetirmeklerinde Magtymguly Pyragynyň watançylyk mazmunly goşgulary okaldy.

3-nji fewralda Türkmenistanyň Koreýa Respublikasyndaky ilçihanasynda 2024-nji ýylyň «Pähim-paýhas ummany Magtymguly Pyragy» şygaryna bagyşlanyp duşuşyk geçirildi.

8-nji fewralda Türkmenistanyň Russiýa Federasiýasyndaky ilçihanasy Sankt-Peterburg şäherinde türkmen edebiýatynyň nusgawy şahyry Magtymguly Pyragynyň 300 ýyllygy mynasybetli duşuşyk gurady.

13-14-nji fewralda Türkmenistanyň Ermenistan Respublikasyndaky ilçihanasy tarapyndan Ermenistanyň Suratkeşler birleşigi bilen bilelikde 2024-nji ýylyň «Pähim-paýhas ummany Magtymguly Pyragy» ýyly diýlip yglan edilmegine, şeýle hem beýik söz ussadynyň doglan gününiň 300 ýyllygyna bagyşlanan fotosurat sergisi geçirildi. 20-nji fewralda Ýerewan döwlet uniwersitetinde «Magtymgulynyň filosofik mirasy Türkmenistanyň daşary syýasat doktrinasynyň esasydyr» atly umumy sapak geçirildi. 11-12-nji martda bolsa bu ýokary okuw mekdebinde Magtymguly Pyragynyň ömrüne we döredijiligine bagyşlanan halkara ylmy-usuly maslahat, çeper okaýyşlar, umumy sapak guraldy.

15 — 25-nji fewralda Türkmenistanyň ilçihanasynyň guramagynda Rumyniýanyň Milli kitaphanasynda «Magtymguly Pyragy — türkmen danasy, dünýäniň akyldary we şahyry» ady bilen geçirilen halkara maslahatyň hem-de serginiň dowamynda Rumyniýanyň Milli telewideniýesi tarapyndan türkmen şahyrynyň ömür we döredijilik ýoly, Watanymyzyň gazanan üstünlikleri barada taýýarlanan wideoşekiller görkezildi. Şeýle-de talyplar dürli dillerde beýik nusgawy şahyryň goşgularyny okadylar.

23-nji fewralda Türkmenistanyň Gazagystan Respublikasynyň Aktau şäherindäki konsullygynda şu ýylyň «Pähim-paýhas ummany Magtymguly Pyragy» şygaryna we türkmeniň akyldar şahyrynyň doglan gününiň 300 ýyllygyna bagyşlanan brifing geçirildi.

4-nji martda Türkmenistanyň Ukrainadaky ilçihanasy tarapyndan Kiýew şäherinde «Pähim-paýhas ummany Magtymguly Pyragy» ady bilen çäre geçirildi. Onda Kiýewiň orta we çagalar sazçylyk mekdepleriniň döredijilik toparlary Magtymgulynyň hem-de Mollanepesiň goşgularyna türkmen we ukrain dillerindäki aýdym-sazly kompozisiýalary ýerine ýetirdiler.

12-nji we 16-njy martda Türkmenistanyň Eýran Yslam Respublikasyndaky ilçihanasy Ykdysady Hyzmatdaşlyk Guramasynyň Medeniýet instituty bilen hyzmatdaşlykda Tähran şäherinde beýik türkmen şahyrynyň doglan güni mynasybetli dabaraly çäre hem-de sergi gurady.

13-nji martda Wenanyň Diplomatik akademiýasynda Türkmenistanyň Awstriýa Respublikasyndaky ilçihanasy bilen hyzmatdaşlykda «Magtymguly Pyragynyň mirasy we Ýewropada türkmen medeniýeti» atly halkara ylmy maslahat geçirildi.

15-nji martda ýurdumyzyň Ýaponiýadaky ilçihanasynyň başlangyjy bilen Magtymguly Pyragynyň ýubileý senesi mynasybetli Sukuba uniwersitetinde we degişli orta mekdepde bilim ugurly çäreleriň toplumy hem-de sergi geçirildi.

Fewral we mart aýlarynda Türkmenistanyň BMG-niň Ženewadaky edarasynyň ýanyndaky hemişelik wekilhanasy Milletler Köşgünde Magtymguly Pyragynyň 300 ýyllyk ýubileýine bagyşlanan medeni çäreleri gurady.

Söz ussadynyň ýubileý senesine bagyşlanyp, mart aýynda Türkmenistanyň Koreýa Respublikasyndaky ilçihanasy tarapyndan Singapuryň dolandyryşy ösdürmek institutynyň talyplary üçin umumy sapak geçildi. Hytaý Halk Respublikasynda kabul edişlik, ýurdumyzyň Fransiýadaky ilçihanasy tarapyndan bolsa Mezon-Laffit şäherinde döredijilik çäresi geçirildi.

«Russiýanyň Ýazyjylar birleşigi» bütinrussiýa jemgyýetçilik guramasynyň Lipesk oblast guramasy hem-de Russiýa Federasiýasynyň Prezidentiniň ýanyndaky Halk hojalygy we döwlet gullugy akademiýasy bilen bilelikde, Türkmenistanyň bu ýurtdaky ilçihanasynyň ýardam bermeginde 21-nji martda sanly ulgam arkaly «Magtymguly Pyragynyň rus edebiýatyna täsiri» atly halkara ylmy maslahat guraldy.

Şahyryň ýubileýini baýram etmegiň çäklerinde şu ýylyň aprel — iýun aýlarynda Türkmenistanyň ABŞ-daky ilçihanasynyň hem-de ýurdumyzyň BMG-niň ýanyndaky hemişelik wekilhanasynyň bilelikde guramagynda Waşington şäherinde edebiýat agşamy, sergiler, poçta markasynyň tanyşdyrylyş dabarasy, küşt we futbol ýaryşlary, köpçülikleýin welosipedli ýöriş geçirildi.

Türkmenistanyň daşary döwletlerdäki diplomatik wekilhanalarynyň guramagynda Rumyniýada, Ermenistanda, Beýik Britaniýada, Pakistan Yslam Respublikasynda, Saud Arabystany Patyşalygynda, Gruziýada, Birleşen Arap Emirliklerinde, Russiýada, Germaniýa Federatiw Respublikasynda, Gazagystanda, Fransiýada we Hindistanda sport çäreleriniň hem geçirilendigini bellemelidiris. Maý-iýun aýlarynda Medeniýet we sungat işgärleriniň hem-de Magtymguly Pyragynyň şygryýet güni mynasybetli Türkmenistanyň Türkiýedäki, Russiýa Federasiýasyndaky, Özbegistan Respublikasyndaky we Ukrainadaky ilçihanalary tarapyndan Magtymguly Pyragynyň bu ýurtlardaky ýadygärliklerine gül goýmak dabaralary geçirildi.

Iýul — oktýabr aýlarynda Türkmenistanyň Gruziýadaky, Özbegistan Respublikasyndaky, Belarus Respublikasyndaky, Ukrainadaky, Russiýa Federasiýasyndaky, Hytaý Halk Respublikasyndaky, Gyrgyz Respublikasyndaky, Azerbaýjan Respublikasyndaky, Pakistan Yslam Respublikasyndaky, Malaýziýadaky ilçihanalary Gündogaryň beýik akyldar şahyry Magtymguly Pyragynyň doglan gününiň 300 ýyllygy mynasybetli medeni çäreleri, halkara ylmy-amaly maslahatlary, türkmen suratkeşleriniň eserleriniň, foto we kitap sergilerini, döredijilik agşamlaryny, «tegelek stol» maslahatlaryny, konsertleri, şahyryň dürli dillerde neşir edilen goşgular ýygyndylarynyň tanyşdyrylyş dabaralaryny, türkmen milli tagamlaryny taýýarlamak boýunça ussatlyk sapagyny guradylar.

4-nji iýulda Gazagystan Respublikasynyň paýtagty Astanada Magtymguly Pyragynyň ýadygärliginiň açylyş dabarasy, 30-njy sentýabrda Moskwa şäherindäki M.I.Rudomino adyndaky Bütinrussiýa döwlet daşary ýurt edebiýaty kitaphanasynyň çäginde şahyryň heýkeliniň açylyş dabaralary boldy.

1-2-nji noýabrda Türkiýe Respublikasynyň Kappadokiýa sebitinde Magtymguly Pyragynyň doglan gününiň 300 ýyllygyna bagyşlanyp, türkmen we türk baýdaklary hem-de şahyra degişli bannerler bilen bezelen howa şarlarynyň 300-si asmana uçuryldy. Bu çäre Ýewraziýa ykdysady gatnaşyklar assosiasiýasy (EkoAvrasya) tarapyndan belli bir şahsyýetiň hormatyna guralan şeýle möçberdäki ilkinji howa festiwaly hökmünde hasaba alyndy. Şunuň bilen baglylykda, türkmen tarapyna degişli şahadatnama gowşuryldy.

22-nji noýabrda Türkmenistanyň Beýik Britaniýadaky ilçihanasynyň binasynda Gündogaryň beýik akyldar şahyrynyň ýubileý senesine bagyşlanyp döredijilik agşamy we film görkezilişi, onuň iňlis dilindäki eserleriniň sergisi guraldy.

24-nji noýabrda Pekiniň daşary ýurt dilleri uniwersitetinde «Pähim-paýhas ummany Magtymguly Pyragy we Hytaý bilen Merkezi Aziýanyň arasyndaky ynsanperwer gatnaşyklar» atly ylmy maslahat, şeýle hem Magtymguly Pyragynyň saýlanan goşgularynyň hytaý dilindäki täze neşiriniň tanyşdyrylyş dabarasy geçirildi.

29-njy noýabrda Türkmenistanyň Türkiýe Respublikasyndaky ilçihanasynyň binasynda «Magtymguly Pyragy» atly ylmy-barlag merkeziniň açylyş dabarasy hem-de Magtymguly Pyragynyň döredijiligini öwrenmek boýunça türkmen-türk ylmy-barlag jemgyýetçiliginiň birinji mejlisi geçirildi.

Şeýlelikde, Magtymguly Pyragynyň döredijilik mirasy dünýä we sebit halklarynyň milli edebiýatlarynyň, medeniýetleriniň ösüş ýoluny şöhlelendirmegi dowam etdirýär. Dana Pyragynyň belent taglymlary, arzuwlary we pikirleri Berkarar döwletiň täze eýýamynyň Galkynyşy döwründe hormatly Prezidentimiz Serdar Berdimuhamedowyň baştutanlygynda durmuşa geçirilýän özgertmeleriň netijesinde hasyl bolýar. Bu özgertmeler, öz gezeginde, parahatçylygy we howpsuzlygy berkitmäge, durnukly ösüşi üpjün etmäge, medeni-ynsanperwer hyzmatdaşlygy giňeltmäge gönükdirilen parahatçylyk söýüjilikli daşary syýasatymyzyň hem aýdyň beýanydyr.

8
8 08.10.2025
Yhlasly zenan öý-ojagynyň ýylysy

Mary şäher häkimliginiň mejlisler jaýynda  gelin-gyzlaryň arasynda “Yhlasly zenan öý-ojagynyň ýylysy” ady bilen wagyz-nesihat duşuşygy geçirildi.Mary şäher häkimliginiň hem-de zenanlar birleşiginiň Mary şäher bölüminiň,Mary şäher kazyýetiniň,şäher polisiýa bölüminiň bilelikde gurnamaklarynda geçirilen  bu duşuşyga kümüş saçly mährem eneler, şäher zenanlar bölüminiň işjeň agzalary,  welaýatdaky ýokary we  ýörite orta okuw jaýlarynyň zenan  mugallymlary we  talyp gyzlary  gatnaşdylar. Maslahatda çykyş edenler zenanlaryň arasynda Türkmenistanyň kanunçylygynda we halkara hukugynyň umumy ykrar edilen kadalarynda adamyň, raýat hukuklary we azatlyklary,olary goramagyň  usullary we görnüşleri dogrusynda , her bir türkmen maşgalasynda millilik, edep we nesil terbiýesi  hakynda tasirli gürrüň berdiler.Maslahata gatnaşanlar, Gahryman Arkadagymyza, Hormatly Prezidentimiz Arkadagly Gahryman Serdarymyza halkymyzyň aýdyň geljegi ugrynda alyp barýan döwlet syýasaty üçin çäksiz alkyşlaryny buýsanç bilen beýan etdiler. Suwhan KULYÝEW.

8
8 08.10.2025
Halk maslahaty – bagtyýar halkymyzyň Watançylyk ýörelgesi

      Beýik geljegi nazarlaýan eziz Watanymyzda durmuşa geçirilýän işler “Döwlet adam üçindir” diýilýän baş ýörelgeden gözbaş alýar. Köp ugurly döwlet maksatnamalary ýurdumyzyň her bir raýatynyň bähbitlerine gönükdirilýär. Eziz Diýarymyzda döwletli başlangyçlary halkymyz bilen maslahatlaşmak asylly däbe öwrüldi. Şu maksat bilen her ýyl türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň ýolbaşçylygynda ençeme raýatlarymyzyň gatnaşmagynda Türkmenistanyň Halk Maslahatynyň mejlisi geçirilýär. Bu maslahatda ýurdumyzyň geljekki rowaçlyklaryny hem-de halkymyzyň eşretli durmuşyny nazarlaýan maksatnamalaýyn işler ara alnyp maslahatlaşylýar we olar boýunça degişli çözgütler kabul edilýär. Halkara Parahatçylyk we ynanyşmak ýylynda şanly Garaşsyzlygymyzyň 34 ýyllyk toýunyň giňden dabaralanýan günlerinde paýtagtymyzda geçirilen Türkmenistanyň Halk Maslahatynyň mejlisinde türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň kabul eden maksatnamalary, eden taryhy çykyşlarynyň ähmiýeti her bir raýaty begendirýär. Ýokary guramaçylykda geçirilen maslahatda Gahryman Arkadagymyzyň we Arkadagly Gahryman Serdarymyzyň eden çykyşlaryny, döwleti ýörelgelerini halkymyzyň arasynda wagyz etmekde ýurdumyzyň dürli künjeklerinde wagyz-nesihat duşuşyklary, dabaraly çäreler yzygiderli geçirilýär.  Ýaňy ýakynda hem Türkmenistanyň Agrar Partiýasynyň Mary welaýat etrap we Baýramaly etrap  komitetleriniň bilelikde gurnamaklarynda “Halk maslahaty – bagtyýar halkymyzyň Watançylyk ýörelgesi, mizemez göreldesidir” ady bilen  terbiýeçilik ähmiýetli wagyz-nesihat çäresi geçirildi. Çuňňur many-mazmuna ýugrulan bu maslahata Türkmenistanyň Mejlisiniň deputatlary, Mary welaýat halk maslahatynyň agzalary, Agrar partiýanyň işgärleri we işjeň agzalary gatnaşdylar. Dabaranyň dowamynda çykyş edenler Hormatly Prezidentimiziň taýsyz tagallalary netijesinde  halkymyzyň ýaşaýyş – durmuş meselesini barha özgerdip, ýurdumyzy jennet ýaly owadan, dünýäniň öňde barjy döwletleriniň hatarynda tanalmagy ugrunda alyp barýan döwlet ähmiýetli işler dogrusynda, obasenagat toplumyny ösdürip, azyk howpsuzlygyny üpjün etmek we eksport mümkinçilikleri ýokarlandyrmakda öňde goýlan maksatnamalar dogrusynda täsirli gürrüňleri etdiler. Ýurdumyzda oba hojalyk önümlerini öndürijiler maliýe-ykdysady taýdan goldanylýar. Daýhanlara dünýäniň öňdebaryjy oba hojalyk tehnikalaryny  we enjamlaryny satyn almak üçin ýeňillikli esasda karzlar berilýär. munuň özi bolsa oba hojalyk işgärlerini, babadaýhanlary täze zähmet üstünliklere ruhlandyrýar diýip aýratyn belläp geçdiler. Agzybirlik, bir-birege sarpa goýmak, ähli ädimleri maslahatly etmek üstünlikleriň binýadyny düzýär. Şol binýadyň düzüminiň ynamdan berkidilmegi bolsa üstünlikleriň, gazanylýan zähmet ýeňişleriniň dowamlylygyny we netijeliligini üpjün edýär. Türkmenistanyň Halk Maslahaty hem özgerişli zamanamyzda ugur alnan belent maksatlaryň üstünlige beslenmegi üçin halk bilen döwletleriň arasyndaky baglaýjy güýje öwrüldi. Döwlet ähmiýetli meseleleri ara alyp maslahatlaşmak, il-ýurt bähbitli maksatnamalaryň ýerine ýetirilişine halk köpçüligini giňden çekmek, teklipleri işläp taýýarlamak, Garaşsyz, hemişelik Bitarap döwletimiziň mundan beýläkde has-da kuwwatlanmagyna ýardam bermek Türkmenistanyň Halk Maslahatynyň baş maksady we esasy wezipesi bolup durýar diýip, dabarada çykyş edenler buýsanç bilen belläp geçdiler. Maslahata gatnaşanlar Watanymyzy  ösüşleriň ak ýolundan ynamly öňe alyp barýan, halkymyzyň bagtyýar geljegi üçin dünýä nusgalyk işleri durmuşa geçirýän  Milli Liderimiz Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagyny, beýik tutumly işleriniň diňe üstünliklere beslenmegini tüýs ýürekden arzuwladylar.

12
12 08.10.2025
Sagdyn jemgyýet-döwletiň berk binýady

   Türkmenistanyň saglygy goraýyş we derman senagaty işgärleriniň güni mynasybetli Mary welaýat häkimliginiň,  welaýat saglygy goraýyş müdirliginiň,welaýat Arassaçylyk we keselleriň ýaýramagyna garşy göreşmek gullugynyň ,welaýat dermanhana müdirliginiň bilelikde gurnamagynda maslahat geçirildi. "Sagdyn jemgyýet-döwletiň berk binýady” atly bu maslahata welaýatyň saglygy goraýyş ulgamynyň işgärleri gatnaşdylar.Maslahatda çykyp geplän adamlar alym,lukman Gahryman Arkadagymyzyň asylly başlangyçlaryny mynasyp dowam etdirýän Arkadagly Gahryman Serdarymyzyň parasatly ýolbaşçylygynda saglyk ulgamyny ösdürmekde uly işler amala aşyrylýar-diýlip buýsanç bilen bellediler.Raýatlarymyzyň saglygyny goramakda göreldeli zähmet çekýän lukmanlary Türkmenistanyň saglygy goraýyş we derman senagaty işgärleriň güni mynasybetli gutladylar.Ýurdumyzyň ähli ýerlerinde gurulýan hassahanalar,saglyk öýleri,halkymyza ýokary derejede hyzmat edýärler-diýlip buýsanç bilen bellediler.Maslahatyň dowamynda baýramçylyk mynasybetli saglygy goraýyş işgärleriniň birnäçesine ýadygärlik sowgatlary hem gowşuryldy. Maslahata gatnaşanlar ýurdumyzyň saglygy goraýyş we derman senagaty ulgamyny ösdürmekde alyp barýan işleri üçin Türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini aýtdylar. Çarymuhammet SAPAROW.

57
57 03.10.2025
Aýdym-sazly dabara geçirildi

  Türkmenistanyň kärdeşler arkalaşyklarynyň Mary welaýat birleşmesiniň, Mary welaýat saglygy goraýyş müdirliginiň bilelikde gurnamagynda Türkmenistanyň saglygy goraýyş we derman senagaty işgärleriniň güni mynasybetli aýdym-sazly dabara geçirildi.   “Türkmenistan sagdynlygyň we dost-doganlyk gatnaşyklaryň mekany” atly aýdym-sazly baýramçylyk dabarasyna kärdeşler arkalaşyklarynyň işjeň agzalary,welaýatyň saglygy goraýyş ulgamynyň işgärleri gatnaşdylar. Dabarada çykyş eden adamlar saglygy goraýyş ulgamynyň işgärlerini hünär baýramçylyklary mynasybetli gutlap,halkymyzyň saglygyny goramakda, lukmançylyk edaralarynyň işlerini kämilleşdirmekde alyp barýan işleri üçin Hormatly Prezidentimize alkyş sözlerini beýan etdiler.Täze taryhy eýýamda häzirki zaman saglyk öýleri,döwrebap hassahanalar,ylmy-kliniki merkezler gurlup ulanmaga berilýär-diýlip,dabaradaky çykyşlarda aýratyn bellenilip geçildi. Baýramçylyk dabarasynda welaýatyň estrada aýdymçylary çykyş etdiler. Ýerine ýetirilen çykyşlarda Arkadagly Gahryman Serdarymyzyň saglyk ulgamyny ösdürmekde amala aşyrýan rowaç işleri,bu ulgamda gazanylýan üstünlikler  we ýetilýän belent sepgitler joşgunly wasp edildi. Çarymuhammet Saparow.

57
57 03.10.2025
Saglygy goraýyş we Derman senagaty işgärleriniň  güni mynasybetli maslahat geçirildi

     Marynyň Lukmançylyk orta okuw mekdebiniň     gurnamagynda  Saglygy goraýyş we Derman senagaty işgärleriniň  güni mynasybetli maslahat geçirildi. “Saglyk   gyzyldan gymmatly baýlyk”    diýen at bilen geçirlen bu maslahata bu okuw jaýynyň talyplarydyr mugallymlary uly ruhubelentlik bilen gatnaşdylar.   Maslahatda çykyş edenler bagtyýarlyk zamanamyzda Saglyk ulgamynda amala aşyrlan düýpli hem täze özgertmeler, raýatlaryň saglygy goramakda alynyp barylýan işler dogrusynda giňişleýin gürrüň etdiler. Şeýle-de maslahata gatnaşanlar öz halkynyň saglygyny   hemme zatdan ileri tutýan, bagtyýar raýatlarymyzyň saglygyny pugtalandyryp, ömrüni uzaltmak barada taýsyz tagallalary edýän Gahryman Arkadagymyza hem-de Hormatly Prezidentimize    tüýs ýürekden çykýan alkyş sözlerini aýtdylar.

55
55 03.10.2025
Maslahat geçirildi

    Mary myhmanhanasynyň mejlisler jaýynda Türkmenistanyň Demokratik Partiýasynyň Mary welaýat, Mary şäher we Mary etrap komitetleriniň bilelikde gurnamaklarynda döwletimiziň Garaşsyzlygynyň 34 ýyllyk baýramynyň öňüsyrasynda bolup geçen Türkmenistanyň Halk Maslahatynyň mejlisinde kabul edilen taryhy – syýasy ähmiýetli kararlary we çözgütleri halk köpçüligine wagyz – nesihat etmek bilen baglanyşykly maslahat geçirilip, oňa dürli ulgamlarda zähmet çekýän raýatlarymyz uly ruhubelentlik bilen gatnaşdylar. Bu ýerde çykyş edenler döwletli maslahatda il – ýurt bähbitli täze taryhy çözgütleriň kabul edilmegi, ýurdumyzy ösüşleriň täze belentliklerine çykarmak baradaky teklipleriň orta atylmagy halkymyzyň uly goldawyna eýe bolandygyny bellediler. Gahryman Arkadagymyzyň we Arkadagly Gahryman Serdarymyzyň Türkmenistanyň Halk Maslahatynyň mejlisinde taryhy we çuňňur many – mazmunly çykyşlary halkymyzyň ýürek töründe uly orun alyp, ýurdumyzda geljekde amala aşyrylmaly belent maksatly işlere badalga berdi – diýlip, bu maslahatda durlup geçildi. Maslahatyň dowamynda çykyş edenler halkymyzyň ýaşaýyş – durmuş derejelerini ýokarlandyrylmagyny yzygiderli üpjün etmäge gönükdirilen döwlet syýasatyny amala aşyrýan türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini beýan etdiler. Toýmyrat GURBANOW.

33
33 03.10.2025
Ýaşulularyň halkara güni uly dabaralara beslendi

Toýlary toýlara, baýramlary baýramlara ulaşyp, her bir güni uly zähmet üstünlikleri bilen garşylaýan eziz Diýarymyzda ösüşiň ak ýolundan  rowana gelejege alyp barýan Gahryman Arkadagymyzyň, Arkadagly Gahryman Serdarymyzyň saýasynda asuda Watanymyzda Ýaşulularyň halkara güni uly dabaralara beslendi. Şu baýramçylyk mynasybetli welaýatyň Baýramaly şäheriniň medeniýet öýüniň öňündäki toý meýdançasynda geçirilen dabara welaýatyň il sylagly ýaşululary we kümüş saçly eneleri ýokary ruhubelentlikde gatnaşdylar. Olar Halkara ýaşulular güni mynasybetli welaýatyň ussat estrada aýdymçylarynyň, tans toparlarynyň çykyşlaryny el çarpyşmalary bilen gyzgyn garşy aldylar. Ýerine ýetirilen aýdym - sazlarda Watanymyzyň bedew batly ösüşlerini, türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň il-halk, döwlet bähbitli belent tutumly işleri joşgun bilen wasp edildi. Baýramaly şäher Medeniýet öýünde Ýaşulularyň halkara güni mynasybetli Mary welaýat häkimliginiň, Türkmenistanyň Demokratik partiýasynyň welaýat komitetiniň, Türkmenistanyň Magtymguly adyndaky Ýaşlar guramasynyň welaýat Geňeşiniň, Türkmenistanyň Senagatçylar we telekeçiler partiýasynyň welaýat komitetiniň we welaýat medeniýet müdirliginiň gurnamaklarynda geçirilen aýdym-sazly baýramçylyk dabarasyna gatnaşýanlary medeniýet öýüniň girelgesinde çagalar sungat mekdebiniň skripkaçylary şowhunly sazlary bilen garşy aldylar. Bu ýerde ýaşulular suratkeşleriň çeken surat sergisine we Milli Lidermiziň hem-de Hormatly Prezidentimiziň kitaplarynyň sergisine aýlanyp gördüler. Soňra medeniýet öýüniň dabaralar jaýynda  welaýatyň il sylagly ýaşululary, kümüş saçly eneleri, welaýatyň syýasy partiýalary we jemgyýetçilik guramalaryň işgärleri we işjeň agzalary hem-de bagtyýar talyplaryň gatnaşmagynda dabara dowam etdi. Dabarada edilen çykyşlarda Türkmen halkynyň Milli Lideri, Türkmenistanyň il Ýaşulusy Gahryman Arkadagymyza hem-de Hormatly Prezidentimiz Arkadagly Gahryman Serdarymyza ýaşululara goýulýan belent sarpa, uly hormat üçin  alkyş sözleri aýdyldy. Her bir türkmen öýüniň  törüni bezeýän ak sakally gojalar we mährem eneler taryhy geçmişimizi, aňyrdan gelýän milli däp-dessurlarymyzy dowam etdirmekde aýratyn orna eýedir  diýip buýsanç bilen bellediler. Berkarar döwletimiziň täze eýýamynyň Galkynyşy döwrüniň toý baýramlarynyň ýaraşygy bolan dili senaly ýaşulular, kümüş saçly eneler ähli babatda görelde mekdebidir. Edilen buýsançly çykyşlarda asuda, parahat Watanymyzda  ýaşuly nesle aýratyn hormat, sarpa goýulýandygy, olara Gahryman Arkadagymyz, Arkadagly Gahryman Serdarymyz tarapyndan giň şertler we amatly mümkinçilikler döredilýändigi öz beýanyny tapdy. Soňra dabara gatnaşyjylaryň şowhunly el çarpyşmalarynyň astynda hormatly ýaşululara we mährem enelere  welaýatyň syýasy partiýalarynyň we jemgyýetçilik guramalarynyň baýramçylyk sowgatlary gowşuryldy. Aýdym-sazlar bilen dowam eden dabara toý şatlygyna şatlyk goşdy. Welaýatyň medeniýet we sungat ussatlarynyň, aýdym-saz we tans toparlarynyň, estrada aýdymçylarynyň ýerine ýetiren çykyşlary hem täsirli boldy. Olarda asuda Watanymyzyň, parahat ýurdymyzyň, Gahryman Arkadagymyzyň, Arkadagly Gahryman Serdarymyzyň alyp barýan beýik işleriniň, mährem enelerimiziň waspy belentden ýetirildi. Halkymyzyň bagtyýar durmuşda ýaşamaklary ugrynda taýsyz tagallalary edýän Milli Liderimiz, Gahryman Arkadagymyza, Hormatly Prezidentimiz Arkadagly Gahryman Serdarymyza çäksiz alkyşlar beýan edildi.    Halkara parahatçylyk we ynanyşmak ýylynda ýurdumyzda uludan toýlanýan Ýaşulularyň halkara güni mynasybetli dabara gatnaşanlar soňra Mary welaýat kitaphanasyna baryp, ol ýerde döredilen mümkinçilikler bilen tanyşdylar. Welaýatyň ýaşuly nesilleriniň wekilleri ilki bilen bu kitaphananyň giň we ýagty okalga  otaglaryna aýlanyp gördüler we bu ýerde özleri üçin niýetlenilen okalga otagynda Türkmen halkynyň Milli Lideri Gahryman Arkadagymyzyň we Hormatly Prezidentimiz Arkadagly Gahryman Serdarymyzyň  ýiti zehininden syzylyp çykan ajaýyp  eserlerini okap, ruhy lezzet aldylar.      Bu günki baýramçylyk gününde göwünleri galkynan ýaşulular we kümüş saçly eneler gymmatly kitap hazynalaryny özünde jemleýän bu kitaphananyň täsin muzeýine-de baryp, ol ýerde ýerleşdirilen gadymy döwürlere degişli bolan kitap eserlerini synladylar. Kitaphananyň obserwatoriýasynda bolmak bilen myhmanlar ol ýerde asman giňişligindäki jisimleriň täsinliklerini uly gyzyklanma bilen synladylar we olaryň aýratynlyklary dogrusynda kitaphana işgärleriniň  beren gyzykly gürrüňlerini höwes bilen diňlediler.      Soňra hormatly myhmanlary Mary şäherindäki Bagt köşgi toý-dabaralar merkezinde medeniýet, sungat ussatlary garşy aldylar. Ýerine ýetirilen aýdym-sazlarda ýurdumyzda ýaşuly nesle goýulýan belent hormat-sarpa giňden wasp edildi. Bu ýerde ýaşuly nesle halkymyzyň milli naz-nygmatlary hödür edildi. Hormatly myhmanlar ýaşuly nesle goýulýan hormat-sarpa üçin türkmen halkynyň Milli Lideri Gahryman Arkadagymyza, Hormatly Prezidentimiz  Arkadagly Gahryman Serdarymyza alkyş sözlerini aýtdylar. Azat BEGLANOW.

55
55 03.10.2025
Taryhy waka bagyşlanyldy

Halkara parahatçylyk we ynanyşmak ýyly mynasybetli Mary welaýatynyň Arassaçylyk we keselleriň ýaýramagyna garşy göreşmek gullugynyň mejlisler jaýynda maslahat geçirildi. Mary welaýatynyň Saglygy goraýyş müdirliginiň, Mary welaýatynyň Arassaçylyk we keselleriň ýaýramagyna garşy göreşmek gullugynyň bilelikde gurnamagynda geçirlen bu dabaraly maslahata welaýatyň saglyk ulgamynyň işgärleri gatnaşdylar. Geçirlen bu maslahatda çykyş eden adamlar Hormatly Prezidentimiziň parasatly ýolbaşçylygynda Garaşsyz, baky Bitarap ýurdumyzda gazanylýan ösüşler dogrusynda täsirli gürrüňler edildi. Dabaraly maslahata gatnaşanlar döwletimizi ösüşleriň aýdyň maksatly ýollary bilen öňe alyp barýan, eziz Watanymyzyň pajarlap ösmegi üçin taýsyz tagallalar edýän Türkmen Halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem hoşallyk sözlerini aýtdylar Parahat GURBANOW.

29
29 30.09.2025
Şatlyk-şowhuna beslenen dabara

Halkara parahatçylyk we ynanyşmak ýyly mynasybetli ýurdumyzyň ähli ýerlerinde bolşy ýaly Mary welaýatynda hem dürli dabaraly çärelere giň gerim berilýär. Mary welaýatynyň Mary etrabynyň Peşanaly medeniýet öýünde hem “Halkara parahatçylyk we ynanyşmak” ýyly mynasybetli aýdym-sazly dabara geçirildi. Mary etrap häkimliginiň hem-de etrabyň jemgyýetçilik guramalarynyň bilelikde guramaklarynda geçirilen bu dabara ýaşuly nesliň wekilleri, kümüş saçly eneler we bilim ulgamynyň işgärleri uly ruhubelentlikde gatnaşdylar. Şatlyk-şowhuna beslenen dabarada medeniýet we sungat ussatlarynyň aýdym-sazly çykyşlaryna hem giň orun berildi. Etrap medeniýet merkeziniň aýdymçylarynyň we tansçylarynyň belent heňlerde ýerine ýetiren döwrebap aýdymlary, ajaýyp tanslary dabaranyň şatlygyny has-da artdyrdy. Olaryň eşretli zamanamyzy, türkmen Halkynyň Milli Lideri Gahryman Arkadagymyzyň, Arkadagly Gahryman Serdarymyzyň ýurdumyzy gülletmekde alyp barýan rowaç işlerini wasp edip ýerine ýetiren aýdymlary bu ýere ýygnananlaryň göwünlerini  göterip, olara egsilmez ruhy lezzet paýlady. Dursun Ilbegiýewa.

8
8 08.10.2025
Halk maslahaty – bagtyýar halkymyzyň Watançylyk ýörelgesi

      Beýik geljegi nazarlaýan eziz Watanymyzda durmuşa geçirilýän işler “Döwlet adam üçindir” diýilýän baş ýörelgeden gözbaş alýar. Köp ugurly döwlet maksatnamalary ýurdumyzyň her bir raýatynyň bähbitlerine gönükdirilýär. Eziz Diýarymyzda döwletli başlangyçlary halkymyz bilen maslahatlaşmak asylly däbe öwrüldi. Şu maksat bilen her ýyl türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň ýolbaşçylygynda ençeme raýatlarymyzyň gatnaşmagynda Türkmenistanyň Halk Maslahatynyň mejlisi geçirilýär. Bu maslahatda ýurdumyzyň geljekki rowaçlyklaryny hem-de halkymyzyň eşretli durmuşyny nazarlaýan maksatnamalaýyn işler ara alnyp maslahatlaşylýar we olar boýunça degişli çözgütler kabul edilýär. Halkara Parahatçylyk we ynanyşmak ýylynda şanly Garaşsyzlygymyzyň 34 ýyllyk toýunyň giňden dabaralanýan günlerinde paýtagtymyzda geçirilen Türkmenistanyň Halk Maslahatynyň mejlisinde türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň kabul eden maksatnamalary, eden taryhy çykyşlarynyň ähmiýeti her bir raýaty begendirýär. Ýokary guramaçylykda geçirilen maslahatda Gahryman Arkadagymyzyň we Arkadagly Gahryman Serdarymyzyň eden çykyşlaryny, döwleti ýörelgelerini halkymyzyň arasynda wagyz etmekde ýurdumyzyň dürli künjeklerinde wagyz-nesihat duşuşyklary, dabaraly çäreler yzygiderli geçirilýär.  Ýaňy ýakynda hem Türkmenistanyň Agrar Partiýasynyň Mary welaýat etrap we Baýramaly etrap  komitetleriniň bilelikde gurnamaklarynda “Halk maslahaty – bagtyýar halkymyzyň Watançylyk ýörelgesi, mizemez göreldesidir” ady bilen  terbiýeçilik ähmiýetli wagyz-nesihat çäresi geçirildi. Çuňňur many-mazmuna ýugrulan bu maslahata Türkmenistanyň Mejlisiniň deputatlary, Mary welaýat halk maslahatynyň agzalary, Agrar partiýanyň işgärleri we işjeň agzalary gatnaşdylar. Dabaranyň dowamynda çykyş edenler Hormatly Prezidentimiziň taýsyz tagallalary netijesinde  halkymyzyň ýaşaýyş – durmuş meselesini barha özgerdip, ýurdumyzy jennet ýaly owadan, dünýäniň öňde barjy döwletleriniň hatarynda tanalmagy ugrunda alyp barýan döwlet ähmiýetli işler dogrusynda, obasenagat toplumyny ösdürip, azyk howpsuzlygyny üpjün etmek we eksport mümkinçilikleri ýokarlandyrmakda öňde goýlan maksatnamalar dogrusynda täsirli gürrüňleri etdiler. Ýurdumyzda oba hojalyk önümlerini öndürijiler maliýe-ykdysady taýdan goldanylýar. Daýhanlara dünýäniň öňdebaryjy oba hojalyk tehnikalaryny  we enjamlaryny satyn almak üçin ýeňillikli esasda karzlar berilýär. munuň özi bolsa oba hojalyk işgärlerini, babadaýhanlary täze zähmet üstünliklere ruhlandyrýar diýip aýratyn belläp geçdiler. Agzybirlik, bir-birege sarpa goýmak, ähli ädimleri maslahatly etmek üstünlikleriň binýadyny düzýär. Şol binýadyň düzüminiň ynamdan berkidilmegi bolsa üstünlikleriň, gazanylýan zähmet ýeňişleriniň dowamlylygyny we netijeliligini üpjün edýär. Türkmenistanyň Halk Maslahaty hem özgerişli zamanamyzda ugur alnan belent maksatlaryň üstünlige beslenmegi üçin halk bilen döwletleriň arasyndaky baglaýjy güýje öwrüldi. Döwlet ähmiýetli meseleleri ara alyp maslahatlaşmak, il-ýurt bähbitli maksatnamalaryň ýerine ýetirilişine halk köpçüligini giňden çekmek, teklipleri işläp taýýarlamak, Garaşsyz, hemişelik Bitarap döwletimiziň mundan beýläkde has-da kuwwatlanmagyna ýardam bermek Türkmenistanyň Halk Maslahatynyň baş maksady we esasy wezipesi bolup durýar diýip, dabarada çykyş edenler buýsanç bilen belläp geçdiler. Maslahata gatnaşanlar Watanymyzy  ösüşleriň ak ýolundan ynamly öňe alyp barýan, halkymyzyň bagtyýar geljegi üçin dünýä nusgalyk işleri durmuşa geçirýän  Milli Liderimiz Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagyny, beýik tutumly işleriniň diňe üstünliklere beslenmegini tüýs ýürekden arzuwladylar.

55
55 03.10.2025
Maslahat geçirildi

    Mary myhmanhanasynyň mejlisler jaýynda Türkmenistanyň Demokratik Partiýasynyň Mary welaýat, Mary şäher we Mary etrap komitetleriniň bilelikde gurnamaklarynda döwletimiziň Garaşsyzlygynyň 34 ýyllyk baýramynyň öňüsyrasynda bolup geçen Türkmenistanyň Halk Maslahatynyň mejlisinde kabul edilen taryhy – syýasy ähmiýetli kararlary we çözgütleri halk köpçüligine wagyz – nesihat etmek bilen baglanyşykly maslahat geçirilip, oňa dürli ulgamlarda zähmet çekýän raýatlarymyz uly ruhubelentlik bilen gatnaşdylar. Bu ýerde çykyş edenler döwletli maslahatda il – ýurt bähbitli täze taryhy çözgütleriň kabul edilmegi, ýurdumyzy ösüşleriň täze belentliklerine çykarmak baradaky teklipleriň orta atylmagy halkymyzyň uly goldawyna eýe bolandygyny bellediler. Gahryman Arkadagymyzyň we Arkadagly Gahryman Serdarymyzyň Türkmenistanyň Halk Maslahatynyň mejlisinde taryhy we çuňňur many – mazmunly çykyşlary halkymyzyň ýürek töründe uly orun alyp, ýurdumyzda geljekde amala aşyrylmaly belent maksatly işlere badalga berdi – diýlip, bu maslahatda durlup geçildi. Maslahatyň dowamynda çykyş edenler halkymyzyň ýaşaýyş – durmuş derejelerini ýokarlandyrylmagyny yzygiderli üpjün etmäge gönükdirilen döwlet syýasatyny amala aşyrýan türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini beýan etdiler. Toýmyrat GURBANOW.

33
33 03.10.2025
Ýaşulularyň halkara güni uly dabaralara beslendi

Toýlary toýlara, baýramlary baýramlara ulaşyp, her bir güni uly zähmet üstünlikleri bilen garşylaýan eziz Diýarymyzda ösüşiň ak ýolundan  rowana gelejege alyp barýan Gahryman Arkadagymyzyň, Arkadagly Gahryman Serdarymyzyň saýasynda asuda Watanymyzda Ýaşulularyň halkara güni uly dabaralara beslendi. Şu baýramçylyk mynasybetli welaýatyň Baýramaly şäheriniň medeniýet öýüniň öňündäki toý meýdançasynda geçirilen dabara welaýatyň il sylagly ýaşululary we kümüş saçly eneleri ýokary ruhubelentlikde gatnaşdylar. Olar Halkara ýaşulular güni mynasybetli welaýatyň ussat estrada aýdymçylarynyň, tans toparlarynyň çykyşlaryny el çarpyşmalary bilen gyzgyn garşy aldylar. Ýerine ýetirilen aýdym - sazlarda Watanymyzyň bedew batly ösüşlerini, türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň il-halk, döwlet bähbitli belent tutumly işleri joşgun bilen wasp edildi. Baýramaly şäher Medeniýet öýünde Ýaşulularyň halkara güni mynasybetli Mary welaýat häkimliginiň, Türkmenistanyň Demokratik partiýasynyň welaýat komitetiniň, Türkmenistanyň Magtymguly adyndaky Ýaşlar guramasynyň welaýat Geňeşiniň, Türkmenistanyň Senagatçylar we telekeçiler partiýasynyň welaýat komitetiniň we welaýat medeniýet müdirliginiň gurnamaklarynda geçirilen aýdym-sazly baýramçylyk dabarasyna gatnaşýanlary medeniýet öýüniň girelgesinde çagalar sungat mekdebiniň skripkaçylary şowhunly sazlary bilen garşy aldylar. Bu ýerde ýaşulular suratkeşleriň çeken surat sergisine we Milli Lidermiziň hem-de Hormatly Prezidentimiziň kitaplarynyň sergisine aýlanyp gördüler. Soňra medeniýet öýüniň dabaralar jaýynda  welaýatyň il sylagly ýaşululary, kümüş saçly eneleri, welaýatyň syýasy partiýalary we jemgyýetçilik guramalaryň işgärleri we işjeň agzalary hem-de bagtyýar talyplaryň gatnaşmagynda dabara dowam etdi. Dabarada edilen çykyşlarda Türkmen halkynyň Milli Lideri, Türkmenistanyň il Ýaşulusy Gahryman Arkadagymyza hem-de Hormatly Prezidentimiz Arkadagly Gahryman Serdarymyza ýaşululara goýulýan belent sarpa, uly hormat üçin  alkyş sözleri aýdyldy. Her bir türkmen öýüniň  törüni bezeýän ak sakally gojalar we mährem eneler taryhy geçmişimizi, aňyrdan gelýän milli däp-dessurlarymyzy dowam etdirmekde aýratyn orna eýedir  diýip buýsanç bilen bellediler. Berkarar döwletimiziň täze eýýamynyň Galkynyşy döwrüniň toý baýramlarynyň ýaraşygy bolan dili senaly ýaşulular, kümüş saçly eneler ähli babatda görelde mekdebidir. Edilen buýsançly çykyşlarda asuda, parahat Watanymyzda  ýaşuly nesle aýratyn hormat, sarpa goýulýandygy, olara Gahryman Arkadagymyz, Arkadagly Gahryman Serdarymyz tarapyndan giň şertler we amatly mümkinçilikler döredilýändigi öz beýanyny tapdy. Soňra dabara gatnaşyjylaryň şowhunly el çarpyşmalarynyň astynda hormatly ýaşululara we mährem enelere  welaýatyň syýasy partiýalarynyň we jemgyýetçilik guramalarynyň baýramçylyk sowgatlary gowşuryldy. Aýdym-sazlar bilen dowam eden dabara toý şatlygyna şatlyk goşdy. Welaýatyň medeniýet we sungat ussatlarynyň, aýdym-saz we tans toparlarynyň, estrada aýdymçylarynyň ýerine ýetiren çykyşlary hem täsirli boldy. Olarda asuda Watanymyzyň, parahat ýurdymyzyň, Gahryman Arkadagymyzyň, Arkadagly Gahryman Serdarymyzyň alyp barýan beýik işleriniň, mährem enelerimiziň waspy belentden ýetirildi. Halkymyzyň bagtyýar durmuşda ýaşamaklary ugrynda taýsyz tagallalary edýän Milli Liderimiz, Gahryman Arkadagymyza, Hormatly Prezidentimiz Arkadagly Gahryman Serdarymyza çäksiz alkyşlar beýan edildi.    Halkara parahatçylyk we ynanyşmak ýylynda ýurdumyzda uludan toýlanýan Ýaşulularyň halkara güni mynasybetli dabara gatnaşanlar soňra Mary welaýat kitaphanasyna baryp, ol ýerde döredilen mümkinçilikler bilen tanyşdylar. Welaýatyň ýaşuly nesilleriniň wekilleri ilki bilen bu kitaphananyň giň we ýagty okalga  otaglaryna aýlanyp gördüler we bu ýerde özleri üçin niýetlenilen okalga otagynda Türkmen halkynyň Milli Lideri Gahryman Arkadagymyzyň we Hormatly Prezidentimiz Arkadagly Gahryman Serdarymyzyň  ýiti zehininden syzylyp çykan ajaýyp  eserlerini okap, ruhy lezzet aldylar.      Bu günki baýramçylyk gününde göwünleri galkynan ýaşulular we kümüş saçly eneler gymmatly kitap hazynalaryny özünde jemleýän bu kitaphananyň täsin muzeýine-de baryp, ol ýerde ýerleşdirilen gadymy döwürlere degişli bolan kitap eserlerini synladylar. Kitaphananyň obserwatoriýasynda bolmak bilen myhmanlar ol ýerde asman giňişligindäki jisimleriň täsinliklerini uly gyzyklanma bilen synladylar we olaryň aýratynlyklary dogrusynda kitaphana işgärleriniň  beren gyzykly gürrüňlerini höwes bilen diňlediler.      Soňra hormatly myhmanlary Mary şäherindäki Bagt köşgi toý-dabaralar merkezinde medeniýet, sungat ussatlary garşy aldylar. Ýerine ýetirilen aýdym-sazlarda ýurdumyzda ýaşuly nesle goýulýan belent hormat-sarpa giňden wasp edildi. Bu ýerde ýaşuly nesle halkymyzyň milli naz-nygmatlary hödür edildi. Hormatly myhmanlar ýaşuly nesle goýulýan hormat-sarpa üçin türkmen halkynyň Milli Lideri Gahryman Arkadagymyza, Hormatly Prezidentimiz  Arkadagly Gahryman Serdarymyza alkyş sözlerini aýtdylar. Azat BEGLANOW.

55
55 03.10.2025
Taryhy waka bagyşlanyldy

Halkara parahatçylyk we ynanyşmak ýyly mynasybetli Mary welaýatynyň Arassaçylyk we keselleriň ýaýramagyna garşy göreşmek gullugynyň mejlisler jaýynda maslahat geçirildi. Mary welaýatynyň Saglygy goraýyş müdirliginiň, Mary welaýatynyň Arassaçylyk we keselleriň ýaýramagyna garşy göreşmek gullugynyň bilelikde gurnamagynda geçirlen bu dabaraly maslahata welaýatyň saglyk ulgamynyň işgärleri gatnaşdylar. Geçirlen bu maslahatda çykyş eden adamlar Hormatly Prezidentimiziň parasatly ýolbaşçylygynda Garaşsyz, baky Bitarap ýurdumyzda gazanylýan ösüşler dogrusynda täsirli gürrüňler edildi. Dabaraly maslahata gatnaşanlar döwletimizi ösüşleriň aýdyň maksatly ýollary bilen öňe alyp barýan, eziz Watanymyzyň pajarlap ösmegi üçin taýsyz tagallalar edýän Türkmen Halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem hoşallyk sözlerini aýtdylar Parahat GURBANOW.

34
34 30.09.2025
Halk maslahaty – geljegi nurlandyrýan aýgytly ädimler

Ýakynda şäher häkimliginiň mejlisler zalynda  şäher häkimliginiň, şäher halk maslahatynyň hem-de  TMÝG-niň şäher geňeşiniň bilelikde guramagynda «Halk maslahaty – geljegi nurlandyrýan aýgytly ädimler»  ady bilen  maslahat geçirildi. Oňa şäher halk maslahatynyň agzalary, ýaşuly nesliň wekilleri, şäheriň edara-kärhanalarynda zähmet çekýän ýaşlar we talyplar gatnaşdylar. Maslahatda TMÝG-niň şäher geňeşiniň başlygy, şäher halk maslahatynyň başlygy Resul Baýramow çykyş etdi we maslahaty alyp bardy. Şeýle-de, maslahatda Mary şäheriniň ýaşaýjysy, il sylagly ýaşuly Atabaý Jumagulyýew, mährem ene Altyn Mämmedowa, welaýat Polisiýa müdirliginiň polisiýanyň ýol gözegçiligi gullugynyň wagyz-nesihat boýunça gözegçisi Annamuhammet Hümmedow, welaýat statistika müdirliginiň bölüm müdiri Jumageldi Ataýew, TDEI-niň talyby Aýnur Rejepowa çykyş etdiler.  Olar öz çykyşlarynda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň Türkmenistanyň Halk Maslahatynyň nobatdaky mejlisinde eden taryhy çykyşynyň mazmuny hem ähmiýeti, ondan gelip çykýan wajyp wezipeleri durmuşa geçirmekde ýaşlara aýratyn bil baglanylýandygy barada giňişleýin gürrüň etdiler. Annagözel SARYÝEWA.

28
28 30.09.2025
Wajyp wezipä bagyşlandy

Şu günler ýurt boýunça geçirilýän ýol hereketiniň howpsuzlygynyň biraýlygy tamamlanyp barýar. Bu möhüm meselä etrabymyzda-da uly üns berlip, degerli işler geçirildi we geçirilýär. Golaýda etrapdaky 20-nji orta mekdepde “Berkarar döwletde ömrümiz rahat” atly wagyz-nesihat çäresi geçirildi. Bu duşuşygy TDP-niň etrap komiteti, TKA-nyň etrap birleşmesi, TMÝG-niň etrap geňeşi, etrap bilim bölümi, etrabyň polisiýa bölümi bilelikde guradylar. Oňa atlary agzalan guramalaryň we edaralaryň işgärleri, mugallymlardyr okuwçylar gatnaşdylar. Duşuşykda TDP-niň etrap komitetiniň hünärmeni Jennet Taganowa, TKA-nyň etrap birleşmesiniň hünärmeni Eziz Annaýew, TMÝG-niň esasy hünärmeni Gülkamar Muhammetdurdyýewa, etrabyň polisiýa bölüminiň PÝGB-niň kiçi gözegçisi, polisiýanyň uly seržanty Muhammet Hanow çykyş etdiler. Olar hormatly Prezidentimiziň tabşyrygyna laýyklykda geçirilýän biraýlygyň barşynda alnyp barylýan işler barada durup geçdiler. Şeýle işleriň köçe-ýollaryň hadysasyzlygyny gazanmakda uly ähmiýete eýe bolýandygyny belläp geçdiler. Bu möhüm meselede düşündiriş we wagyz-nesihat çäreleriniň ähmiýetiniň üstünde durup geçdiler. Atageldi GURBANOW.

33
33 30.09.2025
Taryhy waka bagyşlanyldy

Golaýda TKA-nyň welaýat birleşmesiniň ýygnaklar zalynda Türkmenistanyň Halk Maslahatynyň mejlisiniň taryhy, syýasy ähmiýetini jemgyýetçilik köpçüliginiň arasynda wagyz etmek maksady bilen TAP-nyň welaýat, etrap, şäher komitetleriniň bilelikde guramagynda “Halk Maslahaty — bagtyýar halkymyzyň Watançylyk ýörelgesi, mizemez göreldesi” atly çäre geçirildi. Oňa TAP-nyň welaýat, etrap, şäher komitetleriniň işjeň agzalary, Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary, Türkmenistanyň Halk Maslahatyna gatnaşan wekiller hem-de Şa serpaýyna eýe bolan kärendeçi daýhanlar gatnaşdylar.  Täsirli geçen wagyz-nesihat çäresinde TAP-nyň welaýat komitetiniň guramaçylyk we syýasy işler bölüminiň müdiri Güljemal Nazarowa, Murgap etrabyndaky 1-nji çagalar bagynyň müdiri, Türkmenistanyň Mejlisiniň deputaty Aýjemal Allanowa, TAP-nyň Baýramaly şäher komitetiniň başlygy, etrap halk maslahatynyň agzasy Selbi Kommanowa, TAP-nyň Ýölöten etrap komitetiniň başlygy Ýagşymyrat Tairow, TAP-nyň Mary şäher komitetiniň başlygy, etrap halk maslahatynyň agzasy Mekan Annadurdyýew, Mary etrabynyň telekeçi-kärendeçisi Türkmenistanyň “Watana bolan söýgüsi üçin” medalynyň eýesi Atamyrat Alyýew çykyş etdiler. Olar 2025-nji ýylyň 19-njy sentýabrynda geçirilen Türkmenistanyň Halk Maslahatynyň Mejlisinde Gahryman Arkadagymyzyň, Arkadagly Gahryman Serdarymyzyň sözlän taryhy çykyşynyň many-mazmuny,  maslahatdan gelip çykýan wezipeler barada giňişleýin durup geçdiler.   Çäräniň ahyrynda Türkmenistan döwletimizi parahat, asuda saklamakda, halkymyzy bagtyýar ýaşatmakda, Watanymyzy ösdürmekde alyp barýan döwletli işleri üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.   Ogulşat BERKELIÝEWA.

31
31 30.09.2025
Halk maslahaty — il agzybirligi

Şu günler Halkara parahatçylyk we ynanyşmak ýylynyň 19-njy sentýabrynda ýokary guramaçylykly geçirilen Türkmenistanyň Halk Maslahatynyň nobatdaky mejlisiniň ähmiýetini halk arasynda, aýratynam, ýaşlaryň arasynda wagyz etmek maksady bilen bilim edaralarynda geçirilýän maslahatlardyr wagyz-nesihat çäreleri giň gerime eýe bolýar.  Ýakynda ýokarda ady agzalan taryhy ähmiýetli foruma bagyşlanylyp orta hünär okuw mekdebimiziň guramagynda mekdebiň mejlisler zalynda «Halk maslahaty — il agzybirligi» atly wagyz-nesihat duşuşygy boldy. Oňa Türkmenistanyň Mejlisiniň deputatlary, Baýramaly şäher halk maslahatynyň agzalary, syýasy-jemgyýetçilik guramalarynyň wekilleri, mekdebimiziň mugallymlarydyr talyp ýaşlary gatnaşdylar. Duşuşygy orta hünär okuw mekdebimiziň direktory Atageldi Kakabaýew açdy we alyp bardy. Wagyz-nesihat duşuşygynda TDP-niň Baýramaly şäher komitetiniň başlygy Agamyrat Seýitberdiýew, Baýramaly etrabyndaky 22-nji orta mekdebiň mugallymy, Türkmenistanyň Mejlisiniň deputaty Maral Garagulowa, şeýle hem mekdebimiziň mugallymy Ýeňiş Myradow çykyş etdiler. Çykyş edenler Türkmenistanyň Halk Maslahatynyň mejlisinde umumadamzat bähbitli başlangyçlaryň rowaçlanmagyna, Watanymyzyň mundan beýläk-de gülläp ösmegine, halkymyzyň eşretli durmuşynyň has-da ýokarlanmagyna gönükdirilen möhüm meseleleriň ara alnyp maslahatlaşylandygy barada giňişleýin durup geçdiler.  Hatyja DARRYNOWA. 

36
36 29.09.2025
Mukaddes Garaşsyzlygymyzyň 34 ýyllygy welaýatymyzda giňden bellenilip geçildi

    Berkarar döwletiň täze eýýamynyň Galkynyşy döwründe ,,Halkara parahatçylyk we ynanyşmak” ýylynda Döwletimiziň mukaddes Garaşsyzlygynyň 34 ýyllyk baýramçylygy Mary welaýatynda-da mynasyp belent toý tutumlary bilen bellenilip geçildi. Baýramçylyk dabaralary welaýatyň ähli etrap, şäher merkezlerinde, obalarynda toý şatlygy bilen utgaşyp, şowhunly çärelere giň gerim berildi. Baýramçylyk gününde welaýat merkezindäki Baş Baýdak meýdançasynyň töweregi ir säherden hasam köp adamly boldy. Mary welaýat, Mary şäher häkimlikleriniň, Demokratik, Agrar, Senagatçylar we telekeçiler partiýasynyň Mary welaýat komitetleriniň, Kärdeşler Arkalaşyklarynyň welaýat birleşmesiniň, Ýaşlar guramasynyň welaýat geňeşiniň, welaýat Zenanlar, Bilim, Saglygy goraýyş we Medeniýet bölümleriniň bilelikde gurnamaklarynda geçirilen bu baýramçylyk dabarasy egsilmejek toý şatlyklaryna beslendi. Mukaddes Garaşsyzlygymyzyň baýramçylygynyň dabarasy baş Baýdak meýdançasynda döwlet Senamyzyň ýerine ýetirilmeginde, mukaddes döwlet Baýdagymyzyň ýokary galdyrylmagy bilen başlandy. Türkmenistanyň Mejlisiniň deputatlarynyň, welaýat Halk maslahatynyň agzalarynyň, welaýatyň ýaşuly nesliniň, kümüş saçly mährem eneleriň, welaýat, şäher, etrap häkimlikleriniň işgärleriniň, jemgyýetçilik guramalarynyň, bilim, saglyk, medeniýet, sport ulgamlarynyň wekilleriniň, talyp ýaşlaryň, welaýatyň köpsanly ýaşaýjylarynyň gatnaşmaklarynda geçirilen bu dabarada baýramçylyk mynasybetli gutlag sözleri aýdyldy. Bu ýerdäki baýramçylyk çykyşlarynda Garaşsyzlyk ýyllary içinde ýurdumyzda gazanylan üstünlikler, ýetilen belent sepgitler we Türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň dünýä nusgalyk beýik başlangyçlary barada buýsançly sözler beýan edildi. Baýramçylyk dabarasynda parahatçylygyň we asudalygyň nyşany bolan ak kepderileriň we dürli görnüşli şarlaryň asmana uçurylmagy toý şatlygyny hasam artdyrdy. Dabaranyň dowamynda welaýatyň medeniýet, sungat ussatlarynyň, estrada aýdymçylarynyň, Marynyň Ýolaman Hummaýew adyndaky ýörite sazçylyk mekdebiniň talyp ýaşlarynyň aýdymdyr sazlary we tanslary giňden ýaýbaňlandyryldy. Halkymyzyň ruhy dünýäsini baýlaşdyrýan aýdym – sazlaryň owazy uzaklara ýaň saldy. Ýerine ýetirilen göwün göteriji çykyşlarda Berkarar döwletiň täze eýýamynyň Galkynyşy döwrüniň, Garaşsyz, baky Bitarap ata Watanymyzyň, Hormatly Prezidentimiziň il-halk, umumyadamzat bähbitli rowaç işleriniň hem-de uly toý – dabaralara beslenýän “Halkara parahatçylyk we ynanyşmak” ýylymyzyň waspy belentden ýetirildi. Baýramçylyk öwüşgininde bezelen baş Baýdak meýdançasynda şirinden – şirin mukamlaryň ýaňlanmagynda ýerine ýetirilen hoş owazly aýdymlar, joşgunly tanslar bu ýere ýygnanan bagtyýar raýatlarymyzyň baýramçylyk şatlygyny artdyryp, göwün guşuny ganatlandyrdy. Döwletimiziň mukaddes Garaşsyzlygynyň 34 ýyllyk baýramçylyk dabarasyna gatnaşan welaýatyň bagtyýar ýaşaýjylary ýurdumyzy batly gadamlaryň ösüşli ýollary bilen öňe alyp barýan we halkymyzyň bagtyýar durmuşyny üpjün etmekde amala aşyrýan belent maksatly işleri üçin Hormatly Prezidentimiz Arkadagly Gahryman Serdarymyza we türkmen halkynyň Milli Lideri Gahryman Arkadagymyza alkyş sözlerini beýan etdiler. Ýurdumyzda uly dabaralar bilen bellenilýän, baş baýramymyz bolan - ýurt Garaşsyzlygynyň 34 ýyllyk baýramy mynasybetli Mary welaýatyndaky ,,Türkmeniň ak öýi” binasynyň öňündäki toý meýdançasynda baýramçylyk dabarasy geçirilip, ony Mary welaýat häkimligi we welaýat medeniýet müdirligi, Türkmenistanyň Demokratik we Agrar partiýalarynyň welaýat komitetleri, Kärdeşler arkalaşyklarynyň welaýat birleşmesi, welaýat Zenanlar bölümi hem-de Ýaşlar guramasynyň welaýat geňeşi bilelikde gurnady. Welaýatyň bagtyýar raýatlarynyň hem-de talyp ýaşlaryň gatnaşmaklarynda ,,Kalbymda Arkadagly Gahryman Serdarymyza alkyşlar,dillerimizde ajap döwrüň aýdymy” ady bilen ýokary ruhubelentlikde geçirilen baýramçylyk dabarasynda welaýatyň döredijilik işgärleriniň döwrebap çykyşlary giňden ýaýbaňlandyryldy. Bu ýerde welaýatyň Kemine adyndaky döwlet drama teatrynyň artistleriniň hem-de birleşen aýdym-saz, tans toparlarynyň Berkarar döwletiň täze eýýamynyň Galkynyşy döwrüniň ösüşlerini, asuda Watanymyzyň Garaşsyzlyk ýyllary içinde gazanan şöhratly ýeňişlerini hem-de şanly Garaşsyzlygymyzyň 34 ýyllyk toýuny wasp edip ýerine ýetiren edebi-sazly kompozisiýasy hemmelerde ruhy galkynyşy döretdi. Çünki Watanymyzyň Garaşsyzlygy halkymyzyň öz ygtyýarlylygyny we bagtyýarlygyny ösdürmekde, dünýä ýurtlary bilen dostana gatnaşyklaryny pugtalandyrmakda esasy sütün bolup durýar. Şeýle bolansoň bu günki baýramçylyk gününde döwrebap öwüşginde bezelen owadan sahnada medeniýet we sungat ussatlarynyň ýerine ýetiren çykyşlarynda halkymyza baky bagtyýarlygy bagyş eden Türkmen halkynyň milli Lideri Gahryman Arkadagymyzyň, Hormatly Prezidentimiz-Arkadagly Gahryman Serdarymyzyň il-ýurt we dünýä ähmiýetli alyp barýan belent maksatly işleri, dost-doganlyk gatnaşyklary, her bir güni beýik ösüşlere beslenýän Garaşsyz, baky Bitarap Diýarymyz, dünýä içre ýaň salan türkmen medeniýeti we päk söýgi has belent heňlerde wasp edildi. Tans toparlarynyň ussatlyk bilen ýerine ýetiren joşgunly tanslary dabaranyň şowhunyny has-da artdyrdy. Hemişelik Bitaraplygymyzyň şanly 30 ýyllyk baýramynyň giňden toýlanjak ýyly bolan ,,Halkara parahatçylyk we ynanyşmak” ýylynda ýurdumyzyň ajaýyp ösüşlerinden ruhlanýan, kalplary Berkarar Watanymyza we Hormatly Prezidentimize buýsançdyr söýgüden doly sungata höwesek çagalar döredijilik toparlarynyň döwrebap aýdym-sazlaram bu günki baýramçylyk dabarasyny göwün göteriji duýgulara besledi. Turuwbaşdan ýokary ruhubelentlik häsiýete eýe bolan baýramçylyk dabarasynda  görkezilen çykyşlar biri-birinden täsirli bolup, olaryň ählisi hem tomaşaçylar tarapyndan dowamly el çarpyşmalar bilen garşylandy. Bu günki geçirilen baýramçylyk dabarasy welaýatyň bagtyýar ilatynyň Türkmen halkynyň milli Lideri Gahryman Arkadagymyza, Hormatly Prezidentimiz - Arkadagly Gahryman Serdarymyza, ata-Watanymyz Türkmenistan diýarymyza hem-de şöhratly Garaşsyzlygymyza bolan ýürek buýsanjynyň aýdyň alamatyna öwrüldi.     Toýmyrat GURBANOW.

893
893 11.05.2025
Bahar paslynyň ajaýyp gözelligi

Bahar paslynyň ajaýyp gözelligi

707
707 11.05.2025
Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

941
941 11.05.2025
Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

776
776 04.05.2025
Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

839
839 03.05.2025
Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýatynda Bütindünýä welosiped güni bellenilip geçildi.

891
891 02.05.2025
Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

682
682 01.05.2025
Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

783
783 12.04.2025
Fotoreportaj: Mary şäheriniň Çagalar çeperçilik mekdebiniň okuwçylarynyň işleri

Fotoreportaj: Mary şäheriniň Çagalar çeperçilik mekdebiniň okuwçylarynyň işleri

Mahabat

Copyright © merw-news.com 2025 | Ähli hukuklar goragly.