Hormatly Prezidentimiz Arkadagly Gahryman Serdarymyzyň öňe süren “Watan diňe halky bilen Watandyr! Döwlet diňe halky bilen döwletdir!” diýen şygaryny ýol-ýörelge edinýän türkmen halky eziz Watanymyzyň gülläp ösmeginiň hatyrasyna döredijilikli zähmet çekýär. Zähmet ýeňişleri, taryhy wakalary bilen şöhratlanýan “Garaşsyz, baky Bitarap Türkmenistan — bedew batly at-myradyň mekany” diýlip atlandyrylan ýylymyzda-da tutanýerli zähmet joş urup, Garaşsyz döwletimiziň ösüşli menzilleri has-da abadan geljege uzaýar. Şanly ýylymyzda ýetilýän belent sepgitler, dabarasy dag aşan taryhy wakalaryň buýsançly ýaňy il-günümizde ýokary ruhubelentligi döretdi. Ak şäherimiz Aşgabatdaky Maslahat köşgünde geçirilen Türkmenistanyň Halk Maslahatynyň mejlisi, Garaşsyzlygymyzyň 35 ýyllyk baýramynyň dabarasy, “Awaza” milli syýahatçylyk zolagynda geçirilen GDA-nyň döwlet Baştutanlarynyň Geňeşiniň mejlisi hem-de Hazar ekologiýa sammiti “Garaşsyz, baky Bitarap Türkmenistan — bedew batly at-myradyň mekany” şygarly ýylymyzyň taryhy wakalary bolup, Garaşsyz, Bitarap Türkmenistanymyzyň taryhyna altyn harplar bilen ýazyldy. Üstünliklere beslenýän ýylymyzyň ýeňişli menzillerine goşantly bolmak her birimiziň jana-jan borjumyzdyr. Gurbangül MÄDENOWA.

Berkarar döwletiň täze eýýamynyň Galkynyşy döwründe Gahryman Arkadagymyzyň beýik başlangyçlaryny üstünlikli dowam edýän hormatly Prezidentimiz Arkadagly Gahryman Serdarymyzyň parasatly baştutanlygynda Garaşsyz, Bitarap Türkmenistanymyz bedew batly öňe barýar. Ýurdumyzyň milli ykdysadyýetiniň ähli pudaklarynda gazanylýan ýokary görkezijiler ykdysady ösüşlerimize itergi berýär. Mälim bolşy ýaly, döwlet Baştutanymyzyň tagallalary bilen hususyýetçilik çygrynyň durnukly ösdürilmeginde belent sepgitlere eýe bolunýar. Indi telekeçilik kuwwatly öndüriji güýç hökmünde kemala gelip, Garaşsyz döwletimiziň ösüş-özgerişlerine saldamly goşandyny goşýar. Şeýle möhüm tagalla bilen bagly işlerde welaýatymyzyň telekeçilerem uly işleri bitirýärler. Aýratynam, “Täze aý önümleri” hojalyk jemgyýetiniň telekeçileri ilaty ýokary hilli azyk önümleri bilen üpjün etmekde gowy netijeleri gazanýarlar. Önümçilik kuwwatlyklary döwrebap kärhanalaryň hasabyna giňeldilýär. Mary etrabynyň Täze güýç geňeşliginiň çäginde tejribeli telekeçi Guwançmyrat Orazowa bölünip berlen 3,5 gektar meýdanda süýdi gaýtadan işleýän döwrebap kärhananyň gurluşygy tamamlanylyp, ulanylmaga berildi. Täze kärhananyň binalarynyň we desgalarynyň gurluşygyna zerur bolan gurluşyk materiallar we harytlar Türkiýe döwletiniň “EMKA METAL ÇELIK ÝAPI SANAÝI WE TICARET LIMITED ŞIRKETI” kompaniýasy bilen baglaşylan şertnama esasynda satyn alyndy. 50 müň tonna süýdi gaýtadan işlemäge mümkinçiligi bolan kärhananyň gurluşyk-gurnama işleri “Täze aý önümleri” hojalyk jemgyýetiniň gurluşykçylary tarapyndan ýerine ýetirildi. Döwrebap kärhanada oturdylan ýokary öndürijilikli enjamlar Türkiýe, Germaniýa döwletleriniň öňdebaryjy tehnologiýaly enjamlarydyr. Bu kärhanada öndüriljek süýt önümleri üçin çig mallaryň esasy bölegi ýerli sygyr süýdi bolup, çig mallaryň beýleki görnüşlerini Türkiýe, Daniýa, Russiýa, Malaýziýa, Hytaý ýaly döwletlerden getirmek göz öňünde tutulýar. Bu ýerde her ýylda gaýtadan işlenilmeli 50 müň tonna süýtden 3 müň tonna gury süýt, 1050 tonna mesge ýagy, 8 müň tonna gatyk-gaýmak önümlerini öndürmek göz öňünde tutulýar. Şeýle hem kärhanada bir-bir ýarym tonna aralygynda peýnir hem-de 10 müň tonna doňdurma öndürip, alyjylara hödürlemek meýilleşdirilýär. Kärhanada şu önümleri öndürmek üçin bolsa her günde 140-150 tonna süýt gerek bolar. Görşümiz ýaly, täze kärhananyň uly geljegi guwanç duýgusyny döredýär. Çünki, telekeçilerimiz yhlas-tagallalary bilen azyk bolçulygyny döretmekde uly işleri bitirýärler. Baýram AMANOW.

Berkarar döwletiň täze eýýamynyň Galkynyşy döwründe beýleki pudaklar bilen bir hatarda ýurdumyzyň oba hojalygyny ösdürmäge aýratyn üns berilýär. Hormatly Prezidentimiz oba hojalygynda alnyp barylýan işleri ünsden düşürmezligi geçirýän iş maslahatlarynda aýratyn belläp geçýär. Hormatly Prezidentimiziň halkymyzy tutuş ýylyň dowamynda ter gök önümler bilen üpjün etmek baradaky tabşyryklarynyň ýerine düşýändigine ýurdumyzyň ak bazarlaryna, söwda nokatlaryna baranyňda hem aýdyň göz ýetirýärsiň. Munuň özi bolsa rysgyny toprakdan alýan daýhanlaryň zähmet çekip, ondan ýokary hasyl almak üçin döredilip berilýän mümkinçiliklerden ýerlikli peýdalanýandyklarynyň aýdyň alamatydyr. Zähmetsöýer ýer eýeleri pagtanyň, bugdaýyň, gök önümleriň bereketli hasylyny ýetişdirip, Watanymyzyň oba hojalygynyň ösüşine mynasyp goşant goşýarlar. Şeýle-de ýer eýeleri topragy gurplandyrmak, girdejilerini artdyrmak maksady bilen ikinji ekin bolan aralyk ekinleri hem ekip, bol hasyl ýetişdirýärler. Tutanýerlilik görkezýän ýer eýeleri her ýyl gant şugundyryndan ýokary hasyl almagy başarýarlar. “Garaşsyz, baky Bitarap Türkmenistan — bedew batly at-myradyň mekany” ýylynda hem welaýatymyzyň kärendeçileri gant şugundyrynyň bol hasylyny ýetişdirmek ugrunda aladalanýarlar. Welaýatymyzda gant şugundyrynyň agramly bölegi Garagum etrabynyň ekerançylyk meýdanlarynda ekilýär. Etrabyň kärendeçileri bu ekiniň bol hasylyny kemala getirmekde ýeterlik tejribe topladylar. «Maryşeker» açyk görnüşli paýdarlar jemgyýeti bilen şertnama baglaşan etrabyň hasyl ussatlary otag, ýekeleme, iýmitlendiriş, suw tutmak işlerini agrotehnikanyň talaplaryna görä ýerine ýetirip, bu günki günde bol hasyl ýetişdirdiler. Kärendeçilere ekiniň idegini ýetirmekde daýhan birleşikleri, şeýle hem “Maryşeker” açyk görnüşli paýdarlar jemgyýeti tehnikalary bilen ýakyndan ýardam berýärler. Watanymyzyň ykdysady ösüşine hemişe mynasyp goşant goşmagy maksat edinýän şugundyrçy kärendeçiler özleri hakynda edýän aladalary üçin Arkadagly Gahryman Serdarymyza alkyş sözlerini aýdýarlar. Durdynabat BAÝRAMOWA.

Türkmenistanda sanly ykdysadyýeti ösdürmekde tutumly işleriň bady artýar. Sanly ykdysadyýetiň ösdürilmegi, innowasion tehnologiýalaryň ornaşdyrylmagy ýurdumyzyň ösüşiniň täze belentliklere çykmagyna itergi berýär. Sanly ykdysadyýetiň ornaşdyrylmagy ähli ugurlar bilen birlikde, ýurdumyzyň ylym-bilim ulgamynda-da ýokary netijeleriň gazanylmagynda ähmiýeti juda uludyr. Sanly ulgamyň giň mümkinçilikleri talyplara hünär öwretmekde, bilim bermekde bähbitli şertlere ýol açýar. Soňky ýyllarda hormatly Prezidentimiziň taýsyz tagallalary bilen bilim edaralarynyň maddy-enjamlaýyn binýady döwrebaplaşdyrylýar. Mekdepleriň kämil kompýuterler, multimediýa tehnologiýalary, tehniki serişdeler bilen üpjünçiliginiň ýokarlandyrylmagy ýaşlara bilim bermekde, hünär öwretmekde täze mümkinçilikleri açdy. Talyp ýaşlaryň şu günki ösen tehnologiýalaryň çylşyrymly syrlaryny ykjam ele almaklary ugrunda ähli tagallalary edýäris. Şu tagallalarymyzda sanly ulgamyň netijeli taraplary has ýokary görkezijilere mümkinçilik döredýär. Gaýgysyz ATABAÝEW.

     Mary welaýatynyň Baýramaly şäheriniň Medeniýet öýünde her ýylyň 3-nji noýabrynda ýurdumyzda giňden bellenilýän Gurluşyk we senagat toplumynyň işgärleriniň güni mynasybetli Mary welaýat häkimliginiň, Baýramaly şäher we Baýramaly etrap häkimlikleriniň, welaýat Zenanlar bölüminiň, Demokratik we Agrar partiýalarynyň welaýat komitetleriniň, Kärdeşler arkalaşyklarynyň welaýat birleşmesiniň, Ýaşlar guramasynyň welaýat geňeşiniň hem-de welaýat Medeniýet müdirliginiň bilelikde gurnamaklarynda dabara geçirilip, ol uly ruhubelentlige beslendi. Baýramçylyk dabarasyna Türkmenistanyň Mejlisiniň deputatlary, welaýat, şäher, etrap halk maslahatlarynyň agzalary,  welaýatyň gurluşyk we senagat kärhanalarynyň işgärleri, jemgyýetçilik guramalarynyň, bilim, medeniýet ulgamlarynyň wekilleri gatnaşdylar. Dabaranyň dowamynda hormatly Prezidentimiziň parasatly ýolbaşçylygynda Berkarar Watanymyzyň milli ykdysadyýetiniň  ähli ulgamlarynda ýetilen belent sepgitler dogrusynda giňişleýin gürrüň edildi. Baýramçylyk dabarasynda çykyş edenler Berkarar döwletiň täze eýýamynyň Galkynyşy döwründe ýurdumyzda täze döwrebap kärhanalaryň,ýaşaýyş,durmuş maksatly jaýlaryň yzygiderli gurulýandygyny we ozalky bar bolan kärhanalarda düýpli durkuny täzeleýiş, abatlaýyş işleriniň geçirilýändigini buýsançly bellediler. Bu döwrebap kärhanalaryň häzirki zamanyň tehnikalary,sanly ulgam bilen enjamlaşdyrylmagy netijesinde ýerli çig mallardan bäsleşige ukyply, ýokary hilli, ekologiýa taýdan arassa täze senagat,gurluşyk önümleriniň öndürilýändigini nygtap bellediler hem-de dabara gatnaşanlary baýramçylyk mynasybetli mähirli gutladylar.Bu baýramçylyk dabarasynda welaýatyň gurluşyk we senagat kärhanalarynyň öňdebaryjy işgärlerine hormatly Prezidentimiziň adyndan gymmat bahaly baýramçylyk sowgatlary dabaraly ýagdaýda gowşuryldy. Dabaranyň dowamy welaýatyň estrada aýdymçylarynyň, tans toparlarynyň egsilmez ruhubelentlige beslenen çykyşlary bilen utgaşdy. Ýerine ýetirilen joşgunly çykyşlar tomaşaçylarda ýakymly duýgulary oýardy. Ýaňlanan aýdym – sazlarda, ýerine ýetirilen döwrebap tanslarda şan-şöhraty dünýä dolýan asuda,erkana ata Watanymyz,hormatly Prezidentimiziň alyp barýan il-ýurt bähbitli belent tutumly işleri,Berkarar döwletiň täze eýýamynyň Galkynyşy döwri, ,,Garaşsyz,baky Bitarap Türkmenistan-bedew batly at-myradyň mekany”ýyly joşgun bilen wasp edildi.Ýokary ruhubelentlikde geçirilen baýramçylyk dabarasynda göwünlere şatlyk paýlan çykyşlaryň ählisi halkymyzy erkana durmuşda ýaşadýan hormatly Prezidentimiz Arkadagly Gahryman Serdarymyzyň hem-de türkmen halkynyň Milli Lideri  Gahryman Arkadagymyzyň adyna alkyş sözleri bolup ýaňlandy. Sapardurdy Ýaýlymow.

Ajaýyp zamanamyzda hormatly Prezidentimiziň taýsyz tagallasy bilen ýaş nesilleriň zehinini ýüze çykarmakda ençeme işler durmuşa geçirilýär. Olaryň döwrebap bilim almagy, döwür bilen aýakdaş gitmegi, innowasion tehnologiýalardan oňat baş çykarmagy ugrunda uly aladalar edilýär. Mekdeplerde lingafon otaglarydyr multimediýa tagtalary bolup, olaryň kömegi bilen mugallymlar ýaş nesillere bilim berýärler. Diňe bir uly ýaşly okuwçylaryň däl, eýsem, başlangyç synp okuwçylarynyň hem kompýuterden baş çykarmagy üçin her täze okuw ýylynda 1-nji synpa gelýän okuwçylara noutbuk kompýuterleri sowgat berilýär. Biz — mugallymlar hem okuwçylaryň ukyp-başarnygyny, zehinini ýüze çykarmak maksady bilen olaryň arasynda ençeme bäsleşikleri yzygiderli guraýarys. Maral HOJAMUHAMMEDOWA.

Aslynda, ýaş nesil hakda edilýän şu günki alada bagtyýar ertirimiziň aladasydyr. Munuň özi mugallymyň päk zähmetiniň datly miwesiniň has-da abadan geljegimiziň bilimli, edep-terbiýeli, zähmetsöýer ýaşlarynyň kemala gelmeginde jemlenýändigini aňladýar. Has anygyny aýtsak, abadan ertirimiziň aladasy şu günden başlanýar. Şonuň üçinem hormatly Prezidentimiz ýaş nesliň Berkarar döwletiň täze eýýamynyň Galkynyşy döwrüniň ylymly-bilimli, edep-terbiýeli, watansöýüji, zähmetsöýer adamlary bolup ýetişmegini üpjün etmek bilen bagly möhüm wezipeleri öňde goýýar. Ýurdumyzyň bilim ulgamynyň işi döwrüň talabyna laýyklykda kämilleşdirilýär. Men okuwçylara fizika dersinden bilim bermek bilen geçýän her bir sapagymyň okuwçylar üçin gyzykly bolmagy ugrunda aladalanýaryn. Munuň üçinem mugallymyň ukyp-başarnygy, işine yhlasy zerur. Hakykatdanam, mugallym işine ökde bolanda haýsy dersdigine garamazdan çagalar sapaga höwes bilen gatnaşýarlar. Fizika dersi boýunça sapak berlende okuw-görkezme esbaplary, tehniki serişdeler dürli tejribeler uly ähmiýete eýe bolýar. Mysal üçin, tehniki serişdeleriň kömegi bilen ol ýa-da beýleki tema degişli synag geçirilende okuwçylarda uly täsir galdyrýar. Olara geçilýän temany ymykly özleşdirmeklerine ýardam edýär. Gülälek AKMYRADOWA.

Hemişe wajyplygyna galýan nesil terbiýesine goşantly bolmagyň guwançly tarapy bilen birlikde, jogapkärçiligem ýeterlik. Bu meseläniň jogapkärçiligi ertirimiziň eşretli bolmagy bilen baglydygynda jemlenýär. Şonuň üçinem döwlet Baştutanymyz ylymly-bilimli, edep-terbiýeli nesli kelama getirmäge gönükdirilen meselä hemişe uly üns berýär. Ýurdumyzda ulanmaga berilýän ylym-bilim edaralarynyň döwrebap binalary bu aýdýanlarymyza subutnamadyr. Ýaş nesle bilim-terbiýe bermekde “Garaşsyz, baky Bitarap Türkmenistan — bedew batly at-myradyň mekany” ýylynda-da uly işler alnyp barylýar. Bilim işgärleri hakda edilýän aladalar olary has tutanýerli zähmet çekmäge galkyndyrýar. Geňeşimiz tarapyndan etrabymyzyň bilim işgärlerine goldaw-ýardam bermekde degerli işler geçirilýär. Olaryň iş we durmuş şertlerini gowulandyrmak, has gowy netijeleri gazanýanlary höweslendirmek işleriň ilerlemegine bähbitli täsirini ýetirýär. Amanbibi BEKIÝEWA.

Bir jaý ussasy öz başlygyna garrylyk dynç alşyna çykmakçydygyny aýdýar. Iş beriji onuň iň soňky binasyny gurmagyny haýyş edipdir. Jaý ussasy ylalaşyp, işe girişipdir, ýöne arzan serişdeleri ulanyp, ýaramaz işläpdir. Haçan-da, jaýy gurup bolanda, hojaýyn oňa açar gowşuryp: — Bu jaý meniň saňa sowgadym — diýipdir. — Eger muny öň bilen bolsadym, jaýy başgaça gurardym — diýip, ussa eden işine utanyp, ökünipdir. Taýýarlan Göwher AKMAMEDOWA.

Hormatly Prezidentimiz Arkadagly Gahryman Serdarymyzyň öňe süren “Watan diňe halky bilen Watandyr! Döwlet diňe halky bilen döwletdir!” diýen şygaryny ýol-ýörelge edinýän türkmen halky eziz Watanymyzyň gülläp ösmeginiň hatyrasyna döredijilikli zähmet çekýär. Zähmet ýeňişleri, taryhy wakalary bilen şöhratlanýan “Garaşsyz, baky Bitarap Türkmenistan — bedew batly at-myradyň mekany” diýlip atlandyrylan ýylymyzda-da tutanýerli zähmet joş urup, Garaşsyz döwletimiziň ösüşli menzilleri has-da abadan geljege uzaýar. Şanly ýylymyzda ýetilýän belent sepgitler, dabarasy dag aşan taryhy wakalaryň buýsançly ýaňy il-günümizde ýokary ruhubelentligi döretdi. Ak şäherimiz Aşgabatdaky Maslahat köşgünde geçirilen Türkmenistanyň Halk Maslahatynyň mejlisi, Garaşsyzlygymyzyň 35 ýyllyk baýramynyň dabarasy, “Awaza” milli syýahatçylyk zolagynda geçirilen GDA-nyň döwlet Baştutanlarynyň Geňeşiniň mejlisi hem-de Hazar ekologiýa sammiti “Garaşsyz, baky Bitarap Türkmenistan — bedew batly at-myradyň mekany” şygarly ýylymyzyň taryhy wakalary bolup, Garaşsyz, Bitarap Türkmenistanymyzyň taryhyna altyn harplar bilen ýazyldy. Üstünliklere beslenýän ýylymyzyň ýeňişli menzillerine goşantly bolmak her birimiziň jana-jan borjumyzdyr. Gurbangül MÄDENOWA.

Ýakynda Ýolöten etrap medeniýet öýünde etrap häkimliginiň, TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň, etrap medeniýet öýüniň bilelikde guramagynda Türkmenistanyň Halk Maslahatynyň nobatdaky mejlisiniň ýokary guramaçylykly geçirilendigine bagyşlanylyp maslahat geçirildi. Maslahata etrap häkimliginiň jogapkär işgärleri, etrap halk maslahatynyň agzalary, TDP-niň etrap komitetiniň we beýleki jemgyýetçilik guramalarynyň işgärleri gatnaşdylar. Maslahatda Ýolöten etrabynyň ýaşaýjysy, Türkmenistanyň Hormatly il ýaşulusy Jumanazar Jumamyradow, TDP-niň etrap komitetiniň partiýa guramaçysy Akmuhammet Agajumaýew, TKA-nyň etrap birleşmesiniň esasy hünärmeni Orazgeldi Gylyjow çykyş etdiler. Olar öz çykyşlarynda ýurdumyzda Türkmenistanyň Halk Maslahatynyň nobatdaky mejlisiniň ýokary guramaçylykly geçirilendigi, Milli Liderimiziň, hormatly Prezidentimiziň taryhy ähmiýetli çykyşy, milli demokratiýamyzyň döwrebap derejede kämilleşdirilişi dogrusynda giňişleýin gürrüň etdiler. Toýly ANYŞOW.

«Garaşsyz, baky Bitarap Türkmenistan — bedew batly at-myradyň mekany” ýylynda «Türkmenistanda ahalteke bedew atlarynyň döwlet goragy hakynda» Türkmenistanyň Kanunynyň kabul edilmegi milli atçylyk medeniýetiniň hukuk esaslaryny has-da pugtalandyrýan möhüm waka boldy. Kabul edilen Kanunyň esasy maksady arassa ganly ahalteke bedewlerini we olaryň genofonduny gorap saklamakdan, baş sanyny artdyrmakdan, şejere ugurlarynyň dowamlylygyny üpjün etmekden hem-de milli atçylyk sungatyny ösdürmekden ybaratdyr. Her bir ahalteke bedewiniň döwlet tarapyndan hasaba alynmagy, Döwlet tohumçylyk kitabyna girizilmegi, çiplenilmegi we gelip çykyşynyň genetiki barlaglar arkaly tassyklanylmagy bu ugurdaky işleriň döwrebap esasda alnyp barylmagyna mümkinçilik berýär. Ahalteke bedewiniň gymmaty onuň tohumçylyk aýratynlyklary bilen bir hatarda, onuň bilen baglanyşykly milli sungatda hem öz beýanyny tapýar. Seýisçilik, atlary bezemek, milli at şaý-seplerini taýýarlamak ýaly gadymy däpler halkymyzyň medeni mirasynyň aýrylmaz bölegidir. Kanun bu däpleri gorap saklamaga, olaryň dowam etdirilmegine we seýisleriň hem-de atşynaslaryň işiniň goldanylmagyna hukuk esasyny döredýär. Milli mirasy goramakda ylym we döwrebap tehnologiýalar möhüm orun eýeleýär. Şoňa görä-de, Kanunda ahalteke bedewleri baradaky golýazmalaryň, taryhy ýazuw çeşmeleriniň we beýleki maglumatlaryň ýygnanylmagy, saklanylmagy we ylmy taýdan öwrenilmegi bilen bir hatarda, sanly maglumat gorlarynyň we beýleki innowasion ulgamlaryň döredilmegi göz öňünde tutulýar. Bu mümkinçilikler ahalteke bedewleriniň taryhyny we tohumçylyk maglumatlaryny bitewi ulgamda jemlemäge şert döreder. Kanun ýaş nesli milli atçylyk medeniýetine çekmek meselesine hem aýratyn ähmiýet berýär. Çagalaryň we ýaşlaryň atlara bolan söýgüsini we sarpasyny ösdürmek, bilim edaralarynda okuw-amaly sapaklary we gezelençleri guramak, şeýle hem atçylyk pudagy üçin hünärmenleri taýýarlamak boýunça işleriň alnyp barylmagy milli atçylygyň geljegine gönükdirilen möhüm ädimlerdir. Türkmen bedewiniň şan-şöhratyny dünýä ýaýmak hem Kanunyň möhüm ugurlarynyň biridir. Halkara duşuşyklarynyň, ylmy maslahatlaryň, bäsleşikleriň we sergileriň geçirilmegi, daşary ýurtlar we halkara guramalary bilen hyzmatdaşlygyň ösdürilmegi ahalteke bedewleriniň dünýä atçylyk giňişligindäki ornunyň has-da pugtalandyrylmagyna hyzmat eder. Arassa ganly ahalteke bedewleriniň halkara derejeli tohumçylyk kitabyny döretmek boýunça başlangyçlaryň goldanylmagy hem bu ugurdaky halkara hyzmatdaşlygyň ähmiýetini görkezýär. Täze Kanun şol beýik mirasyň ygtybarly döwlet goragyny üpjün edýän möhüm hukuk binýadydyr. Asyrlaryň jümmüşinden şu günlere gelip ýeten türkmen bedewiniň şanly ýoluny dowam etdirmekde taýsyz tagallalary edýän Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, döwlet bähbitli işleri hemişe rowaç alsyn! Maksat JANMYRADOW.

Parahatçylygyň we asudalygyň mekany hökmünde dünýäde uly abraýa eýe bolan Garaşsyz, hemişelik Bitarap Diýarymyzda bagtyýar durmuşyň hözirini görüp ýaşaýan agzybir halkymyz hormatly Prezidentimiziň parasatly baştutanlygynda Berkarar döwletiň täze eýýamynyň Galkynyşy döwrüniň her bir ýylyny uly üstünliklere, taryhy wakalara besleýär. Biz ýap-ýaňy şanly senäni — beýik Garaşsyzlygymyzyň 35 ýyllygyny uly dabara bilen belläp geçdik. Ata Watanymyz Garaşsyzlyk ýyllary içinde ösüşiň şöhratly menzillerini geçdi. 35 ýyllyk döwre ser salanyňda, halkyň ýaşaýyş-durmuş şertlerini gowulandyrmak, halkara derejesinde ýurdumyzyň abraý-mertebesini belende galdyrmak boýunça tutumly işleriň durmuşa geçirilendiginiň şaýady bolýarsyň. Garaşsyzlyk ýyllary içinde ýurdumyzy has-da ösdürmäge gönükdirilen giň gerimli maksatnamalar, durmuş-ykdysady, ylym-bilim, medeni, jemgyýetçilik syýasy özgertmeler üstünlikli amala aşyryldy. Ata Watanymyz syýasy, ykdysady we medeni taýdan dünýäniň iň çalt ösýän döwletleriniň birine öwrüldi. Ýurdumyzy ösüşleriň ak ýoly bilen öňe alyp barýan Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun, il-ýurt bähbitli, dünýä ähmiýetli beýik işleri rowaçlyklara beslensin! Myratgeldi ÇARYÝEW.

Ajap eýýamymyzda hormatly Prezidentimiziň baştutanlygynda ýurdumyz ösüş-özgerişleriň aýdyň ýoly bilen has-da bagtyýar ertirine barýar. Garaşsyz döwletimiziň ösüşli ýolunyň üstünliklere beslenmegine türkmen ýaşlary özleriniň mynasyp goşantlaryny goşýarlar. Döwlet Baştutanymyz tarapyndan bagtyýar ertirimiziň eýeleri boljak ýaşlarymyza uly ynam bildirilýär. Şeýle ynam bolsa ýaşlarda ýokary borç duýgusyny döredýär. Döwlet Baştutanymyzyň tagallalary bilen ýurdumyzda ýaşlaryň ylym-bilim almaklaryna, saýlap-seçen hünärleriniň eýeleri bolmaklaryna ähli şertler döredilýär. Eziz Watanymyzyň gülläp ösmeginiň hatyrasyna döredijilikli zähmet çekmeklerine hemme mümkinçilikleriň bardygyny bellemelidiris. Ýaşlaryň hukuklarynyň goralmagyny, ýaşaýyş-durmuş şertleriniň ýokarlandyrylmagyny üpjün etmekde uly işler bitirilip, olaryň talaba laýyk dynç almaklary barada edilýän aladalaram guwanç duýgusyny döredýär. Ýaşlar barada edilýän şeýle tagallalar bolsa türkmen ýaşlaryny has-da döredijilikli zähmet çekip, ajap eýýamymyzyň mynasyp adamlary bolup ýetişmeklerine borçly edýär. Onsoňam, döwlet Baştutanymyz “Ýaşlar — Watanyň daýanjy” atly kitabynda: “Ýaşlar Watanymyzyň kuwwatly güýjüdir, halkymyzyň belent maksatlara ýugrulan nurana geljegidir” diýmek bilen, türkmen ýaşlaryna uly ynam bildirýär. Şu ynamyň aňyrsynda ýokary jogapkärçilik durýar. Ýokary jogapkärçilikden ugur alýan ýaşlar “Garaşsyz, baky Bitarap Türkmenistan — bedew batly at-myradyň mekany” ýylyny uly üstünliklere beslemek ugrunda gujur-gaýratly zähmet çekýärler. Mähri TOÝLYÝEWA.

       Baýramaly şypahanasynda Baýramaly şäher häkimliginiň hem-de Demokratik partiýanyň Baýramaly şäher we Baýramaly, Garagum etrap komitetleriniň bilelikde gurnamaklarynda geçirilen maslahat hem Garaşsyzlyk ýyllary içinde ýurdumyzda gazanylan ösüşlere we şu ýylyň 23-nji sentýabrynda geçirilen Türkmenistanyň Halk maslahatynyň nobatdaky mejlisinden gelip çykýan wezipelere bagyşlandy. Ýaşuly nesliniň wekilleriniň, jemgyýetçilik guramalarynyň işgärleriniň we dürli ulgamlarda zähmet çekýän bagtyýar raýatlaryň gatnaşmaklarynda geçirilen bu maslahatda  edilen çykyşlarda türkmen halkynyň Milli Lideri Gahryman Arkadagymyzyň başlyklyk etmeginde geçirilen halk maslahatynyň nobatdaky mejlisinde täze taryhy eýýamda ýurdumyzda ýaýbaňlandyrylýan oňyn durmuş-ykdysady we demokratik özgertmeleriniň durmuşa ornaşdyrylýanlygy we şol möhüm işleriň halkymyzyň bähbitlerine gönükdirilendigi dogrusynda buýsanç bilen nygtaldy. Şeýle-de maslahatda çykyş edenler Hormatly Prezidentimiziň, Arkadagly Gahryman Serdarymyzyň parasatly ýolbaşçylygynda  diýarymyzyň ähli ulgamlarynda gazanylan üstünlikler, milli mirasymyzyň ösdürilişi, ýaş nesilleri milli ruhda terbiýelemekde alnyp barylýan toplumlaýyn işler barada-da aýratyn durup geçdiler. Maslahata gatnaşanlar ýurdumyzda il-ýurt bähbitli giň möçberli işleri amala aşyrýan Gahryman Arkadagymyza we Hormatly Prezidentimize çyn ýürekden çykýan hoşallyk sözlerini aýtdylar. Merjen Çaryýarowa.

Türkmen halkynyň Milli Lideri Gahryman Arkadagymyzyň başlangyçlaryny mynasyp dowam edýän hormatly Prezidentimiz Arkadagly Gahryman Serdarymyzyň tagallalary bilen ýurdumyzda atçylygy ösdürmekde, ahalteke bedewleriniň şan-şöhratyny dünýä ýaýmakda tutumly işler rowaç alýar. Golaýda etrabymyzdaky 10-njy orta mekdepde etrap boýunça ýokardaky at bilen wagyz-nesihat duşuşygy geçirildi. Ony TDP-niň etrap komiteti, TKA-nyň etrap birleşmesi, etrap bilim bölümi we Türkmenistanyň ylym we bilim işgärleriniň KA-nyň ilkinji guramalarynyň başlyklarynyň etrap geňeşi bilelikde guradylar. Çärä atlary agzalan edaralaryň we guramalaryň işgärleri, orta mekdepleriň mugallymlary, kitaphanaçylar hem-de okuwçylar gatnaşdylar. Duşuşykda TDP-niň etrap komitetiniň başlygy Allanur Sapargeldiýew, TKA-nyň etrap birleşmesiniň başlygy Muhammetberdi Seýitliýew, 10-njy orta mekdebiň kitaphanaçysy Kakabaý Çopanow çykyş etdiler. Olar Gahryman Arkadagymyzyň, döwlet Baştutanymyzyň ýurdumyzda atçylygy ösdürmekde badalga berýän giň möçberli işleri, behişdi bedewlerimiziň şan-şöhraty, dünýä ýüzünde gazanylýan üstünlikler dogrusynda giňişleýin gürrüň etdiler. Türkmen bedewleriniň ýyndamlygy, owadanlygy dogrusynda anyk mysallara salgylanyp, gyzykly gürrüň berdiler. Duşuşykdaky çykyşlar oňa gatnaşanlarda uly täsir galdyrdy. Muhammetberdi KUŞIÝEW.

Şanly ýylymyzyň möhüm wakasy bolan Türkmenistanyň Halk Maslahatynyň nobatdaky mejlisinde kabul edilen çözgütleri, kesgitlenen wezipeleri halkyň arasynda wagyz-nesihat etmek bilen bagly çäreler giň gerime eýe bolýar. Ýakynda “Mary” myhmanhanasynyň mejlisler zalynda welaýat häkimliginiň, TMÝG-niň welaýat, şäher, etrap geňeşleriniň TDEI-niň bilelikde guramaklarynda wagyz-nesihat çäresi geçirildi. “Halk Maslahaty halkyň galkynan ykbaly, döwletiň sarsmaz sütünidir” atly çärä ýokarda atlary agzalan edaralaryň we guramalaryň işgärleri, Türkmenistanyň Mejlisiniň deputatlary, Mary şäher, etrap halk maslahatlarynyň agzalary gatnaşdylar. Çärede TMÝG-niň Mary etrap geňeşiniň başlygy, welaýat halk maslahatynyň agzasy Yklymmyrat Tuwakmyradow, TDEI-niň mugallymy, Türkmenistanyň Mejlisiniň deputaty Merdan Orazmeredow, welaýat saglygy goraýyş müdirliginiň baş hünärmeni, welaýat halk maslahatynyň agzasy Ogulşirin Seýidowa, TMÝG-niň Baýramaly şäher geňeşiniň başlygy Gurbanmyrat Şanazarow, welaýat arassaçylyk we keselleriň ýaýramagyna garşy göreşmek gullugynyň lukman laboranty Maýagözel Akmämmedowa, TMÝG-niň welaýat geňeşiniň hünärmeni Gülşat Çetliýewa çykyş etdiler. Olar Türkmenistanyň Halk Maslahatynyň nobatdaky mejlisiniň döwletimizi ähli ugurlar boýunça ösdürmekdäki ähmiýeti barada gürrüň etdiler. Raýat jemgyýetimizi mundan beýläk-de demokratiýalaşdyrmakda eýeleýän möhüm orny dogrusynda durup geçdiler. Maksat BÄŞIMOW.

Ýakynda Türkmenistanyň Halk Maslahatynyň nobatdaky mejlisiniň üstünlikli geçirilendigini, onda kabul edilen kararlaryň uly ähmiýete eýedigini ýaşlaryň arasynda wagyz etmek maksady bilen Mary etrap medeniýet öýünde «Türkmenistanyň Halk maslahaty: demokratiýanyň dabaralanmagy» atly maslahat geçirildi. Oňa etrabyň dürli edara-kärhanalarynda zähmet çekýän raýatlar gatnaşdylar. Etrap häkimliginiň hem-de etrabyň jemgyýetçilik guramalarynyň bilelikde guramagynda geçirilen maslahatda etrap häkiminiň orunbasary, etrap zenanlar bölüminiň başlygy Bahar Hojamgulyýewa, TMÝG-niň etrap geňeşiniň başlygy, welaýat halk maslahatynyň agzasy Yklymmyrat Tuwakmyradow, TDP-niň etrap komitetiniň partiýa guramaçysy Täzegül Pirsýanowa çykyş etdiler. Olar ýurdumyzda alnyp barylýan beýik işler, umummilli forumdan gelip çykýan wezipeler we kabul edilen kararlar hakynda giňişleýin gürrüň etdiler. Ogulnur BERDIÝEWA.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri