Şu ýylyň 29-njy martynda geçiriljek syýasy jemgyýetçilik çäresi bolan Türkmenistanyň Mejlisiniň deputatlarynyň, welaýat, etrap, şäher, halk maslahatlarynyň we Geňeşleriň agzalarynyň saýlawlaryna giňden taýýarlyk görülip, häzirki wagtda dalaşgärler bilen saýlawçylaryň duşuşyklary yzygiderli geçirilýär. 102-nji “Jemgyýet” saýlaw okrugy boýunça Türkmenistanyň Mejlisiniň deputatlygyna dalaşgär Mary welaýatynyň Mary şäher Salgyt bölüminiň Hasap we hasabat  bölüminiň başlygy Jumamyradow Atajan Çarymyradowiç, Türkmenistanyň Mejlisiniň Ylym, bili, medeniýet we ýaşlar syýasaty baradaky komitetiniň baş hünärmeni Nepesowa Zyba Serdarowna, 104-nji “Peşanaly” saýlaw okrugy boýunça Türkmenistanyň Mejlisiniň Daşky gurşawy goramak, tebigatdan peýdalanmak we agrosenagat toplumy baradaky komitetiniň baş hünärmeni Myradowa Jahangül Mämmetorazowna, Mary welaýatynyň Mary şäheriniň 36-njy orta mekdebiniň müdiri Alyýew Begenç Berdimyradowiç we Türkmenistanyň Agrar partiýasynyň Mary welaýat Mary şäher komitetiniň başlygy Annadurdyýew Mekan Çarymyradowiç dagylar bilen duşuşygy Mary etrabynyň 38-nji orta mekdebinde hem-de etrabyň medeniýet öýünde duşuşyklar geçirildi. Bu ýerde ilki bilen dalaşgärleriň ynanlan wekilleri çykyş edip, olar 102-nji “Jemgyýet”, 104-nji “Peşanaly saýlaw okruklary boýunça Türkmenistanyň Mejlisiniň deputatlygyna hödürlenen dalaşgärleriň terjimehallary hem-de durmuş ýollary barada gürrüň berdiler. Soňra dalaşgäriň özileri hem çykyş edip öz maksatnamalary bilen saýlawçylary giňden tanyşdyrdylar.

      Türkmenistanyň Kärdeşler arkalaşyklarynyň Mary welaýat birleşmesiniň gurnamagynda Türkmen halkynyň Milli Lideri, Türkmenistanyň Halk maslahatynyň Başlygy Gahryman Arkadagymyzyň Amerikanyň Birleşen Ştatlaryna bolan dostlukly iş saparynyň netijelerine we “Garaşsyz, baky Bitarap Türkmenistan-bedew batly at-myradyň mekany” ýylyna bagyşlanyp maslahat geçirildi. Bu maslahatda çykyş edenler Türkmen halkynyň Milli Lideri Gahryman Arkadagymyzyň ýakynda Amerikanyň Birleşen Ştatlaryna bolan dostlukly iş saparynyň çäklerinde ýokary derejede geçirilen gepleşikleriň, duşuşyklaryň ýurdumyzy ösdürmekdäki ähmiýet we bu döwlet bilen dostlukly gatnaşyklary pugtalandyrmakdaky orny dogrusynda giňişleýin durup geçdiler. Şeýle hem çykyş edenler Hormatly Prezidentimiziň başda durmagynda diýarymyzda gazanylýan üstünlikler we Berkarar döwletiň täze eýýamynyň galkynyşy döwründe Bitarap watanymyzyň dünýä döwletleri bilen alyp barýan hoşniýetli gatnaşyklary barada-da aýratyn nygtadylar. Maslahata gatnaşanlar türkmen halkynyň milli Lideri Gahryman Arkadagymyza we Arkadagly Gahryman Serdarymyza alkyş sözlerini aýtdylar.  

“Garaşsyz, baky Bitarap Türkmenistan – bedew batly at-myradyň mekany” ýylynda ýol hereketiniň howpsuzlygyny berjaý etmek boýunça wagyz-nesihat çärelerine, okuw sapaklaryna kiçi ýaşly çagalardan başlap, ýaşuly nesliň wekillerine çenli uly ruhubelentlikde gatnaşýarlar. Köçelerde we ýollarda ýol hereketiniň düzgünleriniň berjaý edilmegi ugrunda gözegçilik güýçlendirilip, wagyz-nesihat işleri giňden ýaýbaňlandyrylýar. Şeýle guramaçylykly wagyz-nesihat çäresi Marynyň Lukmançylyk orta okuw mekdebiniň gurnamagynda ýol hereketiniň howpsuzlygyny üpjün etmek boýunça welaýat polisiýa müdirliginiň ýol gözegçilik gullygynyň, Mary welaýat Polisiýa müdirliginiň Ýangyn howpsuzlygy bölüminiň işgärleriniň, Marynyň lukmançylyk orta okuw mekdebiniň professor mugallymlarynyň we talyplarynyň gatnaşmaklarynda wagyz-nesihat duşuşygy geçirildi. Çäräniň dowamynda çykyş edenler raýatlaryň ýollarda awtoulaglar we pyýadalar bilen hereketiň sazlaşygyny  giňden beýan edýän we howpsuz hereketi  ündeýän şeýle hem ýangyn bilen baglanşykly ýüze çykýan we dürli tebigy hadysalaryň öňüni almak boýunça ýerine ýetirilmeli zerur çäreler barada giňişleýin söhbet etdiler. Bilim berýän ulgamlarda ýangyn howpsuzlyk talaplary, talyplaryň arasyna ýangyn söndürmegiň usullary dogrusynda hem çykyşlarda aýratyn nygtaldy. Bu ýerdäki çykyşlarda Gahryman Arkadagymyzyň, Arkadagly Gahryman Serdarymyzyň halkymyzyň saglygyny goramakda alyp barýan belent maksatly işleri dogrusyndaky çykyşlara hem giň orun berildi. Şeýle-de  bu ýerde çykyş edenler ýaşlaryň ahlak taýdan arassa, beden taýdan sagdyn, ruhy taýdan kämil bolup jemgyýetimize gerekli, watanymyza, Hormatly   Prezidentimize wepaly ýaşlar bolup ýetişmeklerini nygtadylar. Göwher Ataýewa.

Asuda Watanymyzda her ýyly mynasyp atlandyrmak asylly däbe öwrülişi 2026-njy ýyl hem “Garaşsyz, baky Bitarap Türkmenistan – Bedew batly at-myradyň mekany” ýylynda hem toý baýramlar, dabaralar, maslahatlar giň gerime eýe bolup, şeýle çäreleriň biri hem welaýatymyzyň Ýolöten etrabynyň medeniýet öýünde Garaşsyzlygymyzyň şanly 35 ýyllygyna bagyşlanyp geçirilen milli kino hepdeliginiň çäklerinde “Kompozitor” türkmen filmine etrabyň jemgyýetçilik we syýasy guramalarynyň, birnäçe edara kärhanalarynyň işgärleri bilen bilelikde tomaşa edildi. Halkara derejede birnäçe baýraga mynasyp bolan bu çeper film, türkmen milli saz sungatynyň jadylaýjy güýjüni, medeni mirasyny we saz eserleri arkaly gahrymanlaryň içki dünýäsini açyp görkezýär.  Kerim Berdimuhamedowyň sazlaryndan peýdalanylan bu eser, türkmen medeniýetini dünýä ýaýmakda möhüm oruna eýe. Filmde türkmen saz medeniýetiniň baý däpleri, milli saz gurallary we türkmen halkynyň ruhy dünýäsi içinde suratlandyrylýar. Tutuş filmiň dowamynda wakalar sazyň utgaşdyrylmagynda beýan edilip, saz esasy gural hökmünde çykyş edýär. “Kompozitor” filmi tomaşaçylaryň söýgüsine we gyzgyn elçalpyşmalaryna mynasyp bolup, olarda ýatdan çykmajak ajaýyp täsirleri galdyrdy. Tomaşaçylar ýurdumyzda milli kino sungatynyň ösmegi üçin giň ýol açýan Milli Liderimiz, Gahryman Arkadagymyza we Hormatly Prezidentimiz Arkadagly Gahryman Serdarymyza alkyş hem hoşallyk sözlerini beýan etdiler. Azat Beglanow.

Garaşsyz, baky Bitarap Türkmenistan döwletimizde hormatly Prezidentimiziň taýsyz tagallalary netijesinde ýaşlary sporta çekmekde giň mümkinçilikler döredilýär. Şol mümkinçiliklerden peýdalanýan ýaşlar bolsa ýurdumyzyň sport abraýyny ösdürmekde özleriniň mynasyp goşantlaryny goşýarlar. Şeýle sporta höwesek ýaşlaryň biri-de Baýramaly şäherindäki 10-njy orta mekdebiň 4-nji synp okuwçysy Agajan Esenowdyr. Agajan erkin göreşe aýratyn üns berýär. Ol bäş ýaşyndan bäri Baýramaly şäherindäki 2-nji sport mekdebiniň ussat tälimçisi Atajan Mämmedowdan tälim alýar.  A. Esenow häzirki wagta çenli etrap, şäher, welaýat, döwlet derejesinde erkin göreş boýunça geçirilen ýaryşlarda öz ussatlygyny görkezip, Hormat hatlarynyň 18-sine, on dört kümüş hem-de iki bürünç medallara mynasyp boldy. Ýaşajyk türgeniň şeýle üstünlikleri diňe bir özüni däl, eýsem, mugallymlaryny, tälimçilerini, ene-atasyny hem guwandyrýar.  

Berkarar döwletiň täze eýýamynyň Galkynyşy döwründe hormatly Prezidentimiziň tagallalary bilen ýaş nesle bilim-terbiýe bermek döwrebaplaşdyrylýar. Okatmagyň usulyýetini kämilleşdirmekde, hilini ýokarlandyrmakda netijeli işlere badalga berilýär. Türkmenistanda umumybilim maksatnamalary boýunça  okatmagyň usulyýetini kämilleşdirmegiň 2028-nji ýyla çenli Konsepsiýasy kabul  edildi.   Bu resminamalaryň maksady bilim bermegiň hilini dünýä ülňülerine  laýyk getirmekden, okatmagyň usulyýetini kämilleşdirmekden, innowasion usullary okuw işine ornaşdyrmakdan ybaratdyr. Şeýle hem resminamada mugallymlaryň döredijilikli başarnyklaryny we ussatlygyny ýokarlandyrmak göz öňünde tutulýar. Bu Konsepsiýada bellenilen wezipeleri durmuşa geçirmekde etrabymyzyň bilim edaralarynda degerli işler alnyp barylýar.  Şeýle çäreleriň täsirliligini gazanmak maksady bilen geňeşimiz tarapyndan goldaw-ýardam berilýär. “Garaşsyz, baky Bitarap Türkmenistan — bedew batly at-myradyň mekany” ýylynda-da bilim-terbiýäniň usulyýetiniň kämilleşdirilmegi ýaş nesle berilýän bilim-terbiýäniň hilini has-da gowulandyrmaga itergi berýär. Çarymyrat ESENOW.  

  Ýurdumyzda gurlup, ulanylmaga berilýän çagalar baglarynda körpe nesillere döwrebap bilim hem terbiýe berilýär. Çagalaryň bilimli, terbiýeli bolup ýetişmeginde irginsiz aladalanýan, işine ökde terbiýeçileriň biri-de Ýolöten etrabyndaky 1-nji çagalar bakja-bagynyň terbiýeçisi Arzygül Hojanyýazowadyr. Arzygül 2020-nji ýylda Hydyr Derýaýew adyndaky Mugallymçylyk mekdebini tamamlap, Türkmenabat şäherindäki 64-nji çagalar bagynda işe başlaýar. Soňra 2022-nji ýylda Ýolöten etrabyndaky 1-nji çagalar bakja-bagynda zähmet ýoluny dowam etdirýär. Ol ýaşlygyna garamazdan, okatmagyň täze usullaryndan peýdalanyp, çagalara sowat öwretmekde, matematikanyň ilkinji düşünjelerini bermekde, dilleri öwretmekde, olary daşky gurşaw, tebigat bilen tanyşdyrmakda yhlasyny gaýgyrman işleýär.  A.Hojanyýazowa 2025-nji ýylda “Ýylyň terbiýeçisi” bäsleşigine gatnaşyp, onuň etrap tapgyrynda baş baýraga, welaýat tapgyrynda bolsa 3-nji orna, ýene-de şol ýylda “Daşary ýurt dillerini öwretmek döwrüň talabydyr” atly bäsleşigiň etrap tapgyrynda 1-nji orna mynasyp boldy. Şeýle-de, Arzygülüň bilim berýän çagalary dürli bäsleşiklere gatnaşyp, baýrakly orunlary eýeleýärler.

Gyş paslynyň dowam edýän günlerinde welaýatymyzyň ekerançylyk meýdanlarynda ýaşyl ýaýlalary ýadyňa salýan bugdaý maýsalary töwerege özboluşly görk goşýar. Kärendeçi daýhanlaryň yhlasly zähmeti bilen geçen ýylyň güýzünde topraga sepilen bugdaý däneleri gyradeň gögerip çykdy. Gallaçy kärendeçiler şu günlerde ak ekine ideg etmek işini guramaçylykly alyp barýarlar.  Gallaçy daýhanlarymyzyň yhlasly zähmet çekmeginiň aňyrsynda hormatly Prezidentimiziň olar üçin döredýän mümkinçilikleri, berýän goldawlary bar. Daşary ýurtlardan satyn alnyp, etrap “Obahyzmat” önümçilik kärhanalaryna berkidilen kuwwatly traktorlaryň kömegi bilen irgözinden ýerler sürlüp, tekizlenip, ekişiň ýokary hilli geçirilmegi kadaly gögeriş gazanylmagyna getirdi. Şeýle aladalar, kömek-goldawlar üçin welaýatymyzyň gallaçylary Arkadagly Gahryman Serdarymyza hoşallyklaryny aýdýarlar.  Hormatly Prezidentimiziň türkmen halkyna Täze ýyl gutlagynda: “Oba hojalygynda geçirýän özgertmelerimiz hem rowaçlyklara beslenýär. Edermen daýhanlarymyz Watan harmanyna 1 million 400 müň tonnadan gowrak ýokary hilli bugdaý hasylyny tabşyryp, şertnamalaýyn borçnamany üstünlikli ýerine ýetirdiler. Ýygnalan bol galla hasyly mähriban halkymyzyň, berkarar Watanymyzyň baýlygydyr, saçaklarymyzyň rysgal-berekedidir. Geljekde hem oba zähmetkeşlerini ykdysady taýdan höweslendirmek, pudagyň maddy-enjamlaýyn binýadyny berkitmek boýunça netijeli çäreleri durmuşa geçireris” diýip, bellemeginde topraga yhlasly daýhanlaryň ýadawsyz zähmetine belent hormat bar. Gallaçy kärendeçiler häzirki günleriň amatly pursatlaryndan peýdalanyp, bugdaý ekilen ýerlere ýerli hem-de mineral dökünleri bermek, ösüş suwuny tutmak işlerini agrotehnikanyň talaplaryna görä, alyp barýarlar. Bu bolsa, bugdaýyň düýpleriniň gurplanmagyna ýardam edýär. “Ak ekine — ýokardan, gök ekine — akardan” diýlişi ýaly, şu günlerde ýagýan ýagyş-ýagmyryň hem bugdaýa örän peýdaly täsiri bar. Nesip bolsa, edilýän aladalaryň netijesinde bugdaýlar ir bahardan ösüp, boý alyp, bereketli hasyl toplar. Orak möwsüminde zähmetsöýer daýhanlar bellenilen meýilnamalaryny üstünlikli ýerine ýetirerler. Daýhanlaryň ýokary öndürijilikli zähmet çekip, toprakdan bol hasyl almagy üçin ähli mümkinçilikleri döredýän, yzygiderli hemaýat-goldawlary berýän Arkadagly Gahryman Serdarymyzyň jany sag, ömri uzak bolsun, il-ýurt bähbitli beýik işleri mydama rowaçlyklara beslensin!  Durdynabat BAÝRAMOWA.  

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň beýik başlangyçlaryndan gözbaşly gojaman Köpetdagyň eteginde kemala gelen Arkadag şäheri milli binagärligiň merjenidir. Gahryman Arkadagymyzyň peder ýoluny üstünlikli dowam edýän hormatly Prezidentimiz Arkadagly Gahryman Serdarymyzyň taýsyz tagallasy, egsilmez yhlasy bilen häzirki wagtda Arkadag şäheriniň gurluşygynyň ilkinji tapgyry üstünlikli dowam etdirilýär.  Bu örän uly taslamanyň birinji tapgyrynyň amala aşyrylmagy bilen sanlyja ýyllaryň içinde gözel keşbi, ýokary amatlyklary bilen dünýäni haýrana goýýan “akylly” şäher — Arkadag şäheri kemala geldi. Bilşimiz ýaly, nusgalyk şäheriň gurluşygynyň birinji tapgyrynyň çäginde durmuş-medeni we beýleki maksatly binalaryň we desgalaryň 336-sy gurlup, ulanylmaga berildi. Şeýle hem “akylly” öý tehnologiýalary ulanylyp gurlan döwrebap 5,7 we 9 gatly, köp öýli ýaşaýyş jaýlary, 2 gatly kotež jaýlar bu nusgalyk şäheriň aýratynlygydyr. Arkadag şäherinde halkara ülňülerine laýyk gelýän köpşahaly ýol-ulag düzümi bolup, giň şaýollar, köçeler we halkalaýyn çatryklar häzirki zaman yşyklandyryş, wideogözegçilik we dolandyryş ulgamlary bilen üpjün edilipdir. Elektrobuslaryň we elektromobil taksileriň döwrebap şäheriň ýaşaýjylaryna edýän ýokary hilli hyzmaty guwanç duýgusyny döredýär. “Akylly” şäher konsepsiýasynyň ýörelgelerine laýyklykda gurlan ajaýyp şäher — Arkadag şäheriniň ýene bir aýratynlygynam bellemelidiris. Has takygy, Türkmenistanyň Kanuny esasynda bu nusgalyk şähere döwlet ähmiýetli şäher diýen hukuk derejesi berildi. Elbetde, munuň özi Garaşsyz, Bitarap döwletimizde halkymyzyň bagtyýar ýaşaýşy, abadan durmuşy, nurana geljegi barada edilýän taýsyz tagallalaryň aýdyň mysalydyr. Şanazar GURBANMYRADOW.  

Şu ýylyň 29-njy martynda geçiriljek syýasy jemgyýetçilik çäresi bolan Türkmenistanyň Mejlisiniň deputatlarynyň, welaýat, etrap, şäher, halk maslahatlarynyň we Geňeşleriň agzalarynyň saýlawlaryna giňden taýýarlyk görülip, häzirki wagtda dalaşgärler bilen saýlawçylaryň duşuşyklary yzygiderli geçirilýär. 102-nji “Jemgyýet” saýlaw okrugy boýunça Türkmenistanyň Mejlisiniň deputatlygyna dalaşgär Mary welaýatynyň Mary şäher Salgyt bölüminiň Hasap we hasabat  bölüminiň başlygy Jumamyradow Atajan Çarymyradowiç, Türkmenistanyň Mejlisiniň Ylym, bili, medeniýet we ýaşlar syýasaty baradaky komitetiniň baş hünärmeni Nepesowa Zyba Serdarowna, 104-nji “Peşanaly” saýlaw okrugy boýunça Türkmenistanyň Mejlisiniň Daşky gurşawy goramak, tebigatdan peýdalanmak we agrosenagat toplumy baradaky komitetiniň baş hünärmeni Myradowa Jahangül Mämmetorazowna, Mary welaýatynyň Mary şäheriniň 36-njy orta mekdebiniň müdiri Alyýew Begenç Berdimyradowiç we Türkmenistanyň Agrar partiýasynyň Mary welaýat Mary şäher komitetiniň başlygy Annadurdyýew Mekan Çarymyradowiç dagylar bilen duşuşygy Mary etrabynyň 38-nji orta mekdebinde hem-de etrabyň medeniýet öýünde duşuşyklar geçirildi. Bu ýerde ilki bilen dalaşgärleriň ynanlan wekilleri çykyş edip, olar 102-nji “Jemgyýet”, 104-nji “Peşanaly saýlaw okruklary boýunça Türkmenistanyň Mejlisiniň deputatlygyna hödürlenen dalaşgärleriň terjimehallary hem-de durmuş ýollary barada gürrüň berdiler. Soňra dalaşgäriň özileri hem çykyş edip öz maksatnamalary bilen saýlawçylary giňden tanyşdyrdylar.

      Türkmenistanyň Kärdeşler arkalaşyklarynyň Mary welaýat birleşmesiniň gurnamagynda Türkmen halkynyň Milli Lideri, Türkmenistanyň Halk maslahatynyň Başlygy Gahryman Arkadagymyzyň Amerikanyň Birleşen Ştatlaryna bolan dostlukly iş saparynyň netijelerine we “Garaşsyz, baky Bitarap Türkmenistan-bedew batly at-myradyň mekany” ýylyna bagyşlanyp maslahat geçirildi. Bu maslahatda çykyş edenler Türkmen halkynyň Milli Lideri Gahryman Arkadagymyzyň ýakynda Amerikanyň Birleşen Ştatlaryna bolan dostlukly iş saparynyň çäklerinde ýokary derejede geçirilen gepleşikleriň, duşuşyklaryň ýurdumyzy ösdürmekdäki ähmiýet we bu döwlet bilen dostlukly gatnaşyklary pugtalandyrmakdaky orny dogrusynda giňişleýin durup geçdiler. Şeýle hem çykyş edenler Hormatly Prezidentimiziň başda durmagynda diýarymyzda gazanylýan üstünlikler we Berkarar döwletiň täze eýýamynyň galkynyşy döwründe Bitarap watanymyzyň dünýä döwletleri bilen alyp barýan hoşniýetli gatnaşyklary barada-da aýratyn nygtadylar. Maslahata gatnaşanlar türkmen halkynyň milli Lideri Gahryman Arkadagymyza we Arkadagly Gahryman Serdarymyza alkyş sözlerini aýtdylar.  

Berkarar döwletiň täze eýýamynyň Galkynyşy döwründe 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» diýlip atlandyrylmagy türkmen halkynyň müňýyllyklardan gözbaş alýan milli gymmatlyklaryna goýulýan belent sarpanyň aýdyň nyşany boldy. Bu şygar halkymyzyň taryhy ykbalynyň, ruhy dünýäsiniň hem-de ýaşaýyş pelsepesiniň jemlenmesi hökmünde ulus-ilimizi galkyndyrdy. Bedew ýylynda Garaşsyzlygymyzyň şanly 35 ýyllygynyň giňden baýram ediljekdigi buýsanjymyzy artdyrýar. Toýlaryň bezegi hasaplanylýan behişdi bedewlerimiz öz gözelligi, okgunly bady şan-şöhratymyzy dünýä ýaýýar. Munuň aýdyň mysaly hökmünde Monako Knýazlygynyň Monte-Karlo şäherinde geçirilen 48-nji halkara sirk sungaty festiwalynda «Galkynyş» milli at üstündäki oýunlar toparynyň gazanan üstünliklerini görkezmek bolar. Bu festiwalda topar sirk sungatyna goşan uly goşandy üçin halkara şahadatnamalar bilen sylaglanyldy. Bu waka şanly ýylyň özboluşly badalgasyna öwrüldi. Şeýle-de, golaýda Gahryman Arkadagymyzyň Köpetdagyň eteginde ýerleşýän Arkadag şäherindäki Aba Annaýew adyndaky Halkara atçylyk akademiýasyna we “Görogly” adyndaky Döwlet atçylyk sirkine baryp görmegi, şol ýerde “At — myrat” okuw merkeziniň çagalary hem-de “Galkynyş” milli at üstündäki oýunlar toparynyň agzalary bilen duşuşmagy ildeşlerimizde uly guwanç we hoşallyk duýgusyny döretdi. Bu duşuşyklar ýaşlaryň bedewlere bolan gyzyklanmasyny has-da güýçlendirdi. Milli Liderimiziň “At — myrat” okuw merkezine Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan 1 million 500 müň manat möçberinde sowgat berilýändigini aýtmagy jemgyýetimizde gyzgyn goldaw tapdy. Bu sahawatly ädim çagalaryň bedewlere bolan söýgüsini artdyrmakda, olaryň kalbynda mähir we watansöýüjilik duýgularyny terbiýelemekde aýratyn ähmiýete eýe boldy. Hormatly Prezidentimiziň «Galkynyş» milli at üstündäki oýunlar toparynyň maddy-enjamlaýyn binýadyny berkitmek maksady bilen bu topary 3 million manat bilen sylaglamak baradaky Karary halkymyzyň göwün guşuny göge göterdi. Bu goldaw toparyň döredijilik mümkinçiliklerini has-da giňeldip, onuň halkara abraýyny ýokarlandyrmaga uly itergi berdi. Behişdi bedewlerimiziň şöhratyna şan goşýan Milli Liderimiz Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak, tutumly işleri hemişe rowaç bolsun! Maksat JANMYRADOW.  

Ajaýyp ýylymyzyň “Garaşsyz, baky Bitarap Türkmenistan — bedew batly at-myradyň mekany” diýlip atlandyrylmagynda giň many-mazmun bar. Çünki türkmen halky bedew atyny sarpalaýar, hormatlaýar. Milli buýsanjyna we guwanjyna öwrülen ahalteke bedewleri türkmen halkynyň gymmatly medeni mirasydyr. Häzirki wagtda ajaýyp bedewlerimiziň sarpasy belent tutulýar. Ahalteke atlarynyň tohum arassalygyny gorap saklamak, olaryň abraýyny dünýä ýaýmak boýunça mynasyp işler alnyp barylýar.  Üstümizdäki ýylyň 16-25-nji ýanwary aralygynda Monako Knýazlygynyň Monte-Karlo şäherinde geçirilen 48-nji halkara sirk sungaty festiwalynda “Galkynyş” milli at üstündäki oýunlar toparyna sirk sungatyna uly goşandy üçin Bütindünýä sirk federasiýasy hem-de Ýewropa Sirk assosiasiýasy tarapyndan halkara şahadatnamalaryň gowşurylmagy ähli türkmen halkyny buýsandyrdy. Bu waka 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýen şygarynyň mazmunyny baýlaşdyryp, oňa aýratyn öwüşgin çaýdy. Şeýle buýsançly wakalara beslenýän Diýarymyzyň mundan beýläk-de gülläp ösmegi ugrunda alnyp barylýan işleriň uly üstünliklere beslenmegini arzuwlaýarys. Tawus DURDYÝEWA.

“Garaşsyz, baky Bitarap Türkmenistan — bedew batly at-myradyň mekany” diýlip yglan edilen ýylymyzda türkmen ili hormatly Prezidentimiziň baştutanlygynda tutanýerli zähmet çekýär. Şu tutumly işlere etrabymyzyň ýaşlary hem saldamly goşantlaryny goşýarlar. Şol bir wagtda biz düşündiriş we wagyz-nesihat çärelerine-de uly üns berýäris.  Golaýda “Marygazçykaryş” müdirliginiň Ýaşaýyş jaý jemagat kontorasynyň ýygnaklar jaýynda “Ogul-atanyň dowamy, ini aganyň arkasy” atly wagyz-nesihat duşuşygy geçirildi. Ony  TMÝG-niň etrap geňeşi TDP-niň etrap komiteti, “Marygazçykaryş” müdirliginiň Ýaşaýyş jaý jemagat kontorasy bilen bilelikde guradylar. Duşuşyga atlary agzalan guramalaryň we edaranyň işgärleri gatnaşdylar. Onda Ýaşaýyş jaý jemagat kontorasynyň başlygy Emir Gowkyýew, TDP-niň Oguzhan etrap komitetiniň partiýa guramaçysy Rahmanberdi Mämmeýew, TMÝG-niň etrap geňeşiniň esasy hünärmeni Sähra Ummalyýewa çykyş etdiler. Olar döwlet Baştutanymyzyň alyp barýan ýaşlar syýasatyndan gelip çykýan wezipeler hakda durup geçdiler. Ýaşlarda watansöýüjiligi, ýokary ahlaklylygy, belent adamkärçiligi, halallygy, ynsaplylygy maşgala mukaddesliginiň ruhunda terbiýelemegiň hemişe derwaýysdygy barada täsirli gürrüň etdiler. Atageldi GURBANOW.

Bilşimiz ýaly, ýakynda hormatly Prezidentimiz Türkmenistanyň Ministrler Kabinetiniň giňişleýin mejlisini geçirip, geçen Halkara we parahatçylyk ýylynyň jemini jemledi. Şu möhüm waka mynasybetli TDP-niň etrap komiteti, TKA-nyň etrap birleşmesi we TMÝG-niň etrap geňeşi tarapyndan maslahat geçirildi. Etrabymyzyň medeniýet öýünde geçirilen maslahata atlary agzalan guramalaryň işgärleri gatnaşdylar. Işjeň ýagdaýda geçen maslahatda TDP-niň etrap komitetiniň partiýa guramaçysy Täzegül Pirsýanowa, TKA-nyň etrap birleşmesiniň başlygy Kakajan Durdyýew, TMÝG-niň etrap geňeşiniň başlygy, welaýat halk maslahatynyň agzasy Yklymmyrat Tuwakmyradow çykyş etdiler. Olar 2025-nji ýylyň jemine bagyşlanan mejlisde bellenilişi ýaly, geçen ýylyň ýokary zähmet üstünliklerine, şanly wakalara beslenendigi barada gürrüň etdiler. Şeýle hem “Garaşsyz, baky Bitarap Türkmenistan — bedew batly at-myradyň mekany” ýylynda öňümizde has jogapkärli wezipeleriň durýandygy dogrusynda durup geçdiler. Parahat HAŞYMOW.  

TKA-nyň welaýat birleşmesiniň mejlisler zalynda TDP-niň welaýat, Mary şäher, Oguzhan, Mary, Wekilbazar, Murgap etrap komitetleriniň bilelikde guramagynda “Bedew batly, şan-şöhratly Watanym!” ady bilen maslahat geçirildi. Maslahata Türkmenistanyň Mejlisiniň deputatlary, welaýat, şäher, etrap halk maslahatlarynyň agzalary, TDP-niň welaýat, şäher, etrap komitetleriniň işgärleri we işjeň agzalary gatnaşdylar. Maslahaty TDP-niň welaýat komitetiniň başlygy Kakageldi Gurbanow alyp bardy. Maslahatda Murgap etrabyndaky 1-nji çagalar bakja-bagynyň müdiri, Türkmenistanyň Mejlisiniň deputaty Aýjemal Allanowa, TDP-niň Wekilbazar etrap komitetiniň başlygy Tawus Gylyjowa, TDP-niň Mary etrap komitetiniň başlygy Muhammetgylyç Nepesow, TDP-niň Murgap etrap komitetiniň başlygy Gurbangül Mädenowa çykyş etdiler. Çykyş edenler şanly ýylymyzyň mynasyp şygar bilen atlandyrylandygy, ýurdumyzyň buýsançly wakalary, türkmen bedewiniň sarpalanyşy dogrusynda giňişleýin gürrüň etdiler. Aýparça AKYMOWA.

“Garaşsyz, baky Bitarap Türkmenistan bedew batly at-myradyň mekany” ýylynyň 29-njy martynda geçiriljek möhüm jemgyýetçilik – syýasy çäresi bolan Türkmenistanyň Mejlisiniň Deputatlarynyň, welaýat, etrap we şäher Halk maslahatlarynyň Geňeşleriniň agzalarynyň saýlawlaryna taýýarlyk işlerine hem giň gerim berildi. Häzirki günlerde ýurdumyzyň ähli künjeklerinde bolşy ýaly Mary welaýatynda hem Halk maslahatlarynyň Geňeşleriniň agzalarynyň saýlawlary boýunça ýerlerde dalaşgärleriň duşuşyk ýygnaklary yzygiderli geçirilýär.  Wekilbazar etrap medeniýet öýünde welaýat Halk maslahatlarynyň Geňeşleriniň agzalarynyň saýlawlary boýunça Türkmenistanyň Demokratik partiýasynyň Wekilbazar etrap komiteti tarapyndan hödürlenen dalaşgärleriň saýlawçylar bilen duşuşygy geçirildi. Duşuşykda dalaşgärleriň ynanylan wekilleri olaryň terjimehaly, şahsy iş başarnyklary bilen tanyşdyrdy. Soňra bu ýerde dalaşgärler aýry-aýry çykyş edip, özleriniň maksatnamalarynyň esasy ugurlaryny beýan etdiler. Duşuşygyň dowamynda dalaşgärler ýurdumyzyň mundan beýläkde gülläp ösmegine mynasyp goşantlaryny goşup, jan aýaman zähmet çekjekdiklerine  ynandyrdylar. Dursun Ilbegiýewa.

Ýakynda welaýat kitaphanasynyň uly mejlisler zalynda Türkmenistanyň diplomatik işgärleriniň güni mynasybetli dabaraly maslahat geçirildi. Oňa Türkmenistanyň Mejlisiniň deputatlary, welaýat, şäher, etrap halk maslahatlarynyň agzalary, welaýatyň edara-kärhanalarynyň, jemgyýetçilik guramalarynyň, köpçülikleýin habar beriş serişdeleriniň wekilleri we talyp ýaşlar gatnaşdylar.  “Garaşsyz, hemişelik Bitarap Türkmenistan: parahatçylygy we durnuklylygy üpjün etmek ýoly bilen” diýlip atlandyrylan dabaraly maslahatyň öň ýanynda oňa gatnaşyjylar kitaphananyň girelgesinde  medeni çykyşlara tomaşa etdiler we surat hem-de kitap sergilerini synladylar.  Dabaraly maslahatda welaýat häkiminiň orunbasary, welaýat zenanlar bölüminiň başlygy Çemen Akyýewa, Türkmenistanyň Daşary işler ministrliginiň welaýat boýunça wekilhanasynyň üçünji sekretary Myrat Ýamşikow, Eýran Yslam Respublikasynyň Mary şäherindäki Baş konsuly Abdolmajid Kamjou, TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow, welaýat baş bilim müdirliginiň bölüm müdiri, welaýat halk maslahatynyň başlygynyň orunbasary Ogulgerek Abdyllaýewa çykyş etdiler.  Çykyş edenler hormatly Prezidentimiziň alyp barýan parasatly içeri hem daşary syýasatynyň uly üstünliklere beslenýändigini, ata Watanymyzyň halkara abraýynyň barha belende galýandygyny uly buýsanç bilen bellediler. Şeýle-de, dünýä döwletleri bilen ýola goýulýan diplomatik gatnaşyklaryň, ykdysady hyzmatdaşlygyň geriminiň barha giňeýändigi dogrusynda durup geçdiler. Dabaraly maslahatda çykyş edenler diplomatik işgärlerini hünär baýramçylygy bilen gutlap, ýurdumyzyň gülläp ösmegi ugrunda taýsyz tagallalary edýän Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak bolmagyny arzuw etdiler.  Sülgün ŞADYÝEWA.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri