Berkarar döwletiň täze eýýamynyň Galkynyşy döwründe Hormatly Prezidentimiziň halkymyzyň ýaşaýyş – durmuş şertlerini ýokarlandyrmak, raýatlarymyzyň saglygy goramak we şäherleriň, etraplaryň, obalaryň keşbini düýpli özgertmek barada amala aşyrýan özgertmeleriniň çäginde saglyk ulgamynda täze gurulýan ylmy kliniki merkezleriň we saglyk öýleriniň sany barha artýar. Türkmenistanyň Saglygy goraýyş we derman senagaty işgärleriniň hünär baýramçylygy mynasybetli Mary welaýatynyň Mary şäheriniň Oguzhan köçesiniň ugrunda durky döwrebaplaşdyrylan, iki gatly Mary şäher 1-nji Saglyk öýüniň binasynyň açylyp ulanylmaga berilmegi hem welaýatyň ähli ilatynyň we saglygy goraýyş ulgamynyň işgärleriniň baýramçylyk şatlygyny goşalandyrdy. Ýurdumyzda iň öňdebaryjy tehnologiýalar bilen enjamlaşdyrylan saglygy goraýyş edaralarynyň gurulmagy, birnäçesiniň durkunyň döwrebaplaşdyrylmagy, olaryň tejribeli hünärmenler bilen üpjün edilmegi ilatyň ýokary hilli saglygy goraýyş hyzmatlary bilen gurşalyp alynmagyna ýardam berýär. Türkmen halkynyň Milli Lideri Gahryman Arkadagymyzyň beýik başlangyçlaryny dowam etdirýän Hormatly Prezidentimiz Arkadagly Gahryman Serdarymyzyň üstünlikli durmuşa geçirýän “Saglyk” döwlet maksatnamasynyň çäginde durky döwrebaplaşdyrylan Mary şäher 1-nji Saglyk öýüniň açylyp ulanylmaga berilmegi hem munuň aýdyň subutnamasydyr. Iki gatdan ybarat bu Saglyk öýüniň edara binasynyň gurluşygyny Mary welaýat häkimliginiň düýpli gurluşyk müdirliginiň buýurmasyna laýyklykda “Yhlasa ynam” hususy kärhanasynyň gurluşykçylary alyp bardylar. Binanyň açylyş dabarasyna welaýat häkimliginiň jogapkär işgärleri, welaýatyň we şäheriň bagtyýar ýaşaýjylary, Türkmenistanyň Mejlisiniň deputatlary, welaýat, şäher halk maslahatynyň agzalary, jemgyýetçilik guramalarynyň ýolbaşçylary, saglygy goraýyş, medeniýet ulgamynyň işgärleri, ýaşuly nesliň wekilleri, kümüş saçly eneler we bagtyýar ýaşlar gatnaşdylar. Saglyk öýüniň açylyş dabarasy täze taryhy eýýamyň toý şatlykly dabaralary bilen dowam etdi. Dabarada welaýatyň medeniýet we sungat işgärleriniň, estrada aýdymçylarynyň, birleşen tans toparlarynyň, saglyk ulgamynyň işgärleriniň ýerine ýetirmeginde belent heňde ýaňlanan aýdymlara, şowhunly çykyşlara we döwrebap tanslara uly orun berildi. Baýramçylyk çykyşlarynda Gahryman Arkadagymyzyň hem-de Arkadagly Gahryman Serdarymyzyň saglygy goraýyş ulgamyny we lukmançylyk hyzmatlaryny kämilleşdirmekde amala aşyrýan döwlet ähmiýetli işleri, saglyk ulgamynda gazanylýan üstünlikler we ýetilen belent sepgitler, lukmanlaryň hünär baýramçylygy joşgunly wasp edildi. Soňra baýramçylyk dabarasynda çykyş eden adamlar dabara gatnaşanlary Saglygy goraýyş we derman senagaty işgärleriniň güni mynasybetli gutlap, saglygy goraýyşda amala aşyrýan düýpli özgertmeleri hem-de şeýle ajaýyp binany gurduryp berendigi üçin türkmen halkynyň Milli Lideri Gahryman Arkadagymyza we Hormatly Prezidentimiz Arkadagly Gahryman Serdarymyza alkyş sözlerini beýan etdiler. Dabaraly pursatda Saglyk öýüniň durky döwrebaplaşdyrylan binasynyň gurluşygynda tapawutlanan hususy kärhananyň gurluşykçylaryna Hormatly Prezidentimiziň adyndan gymmat bahaly sowgatlar gowşuryldy. Ähli amatlyklary bolan Saglyk öýüniň işgärlerine Hormatly Prezidentimiziň sowgat beren “Mersedess” kysymly göçme flýuro enjamly ýeňil awtoulagynyň açarynyň gowşurylmagy bolsa dabaranyň iň şatlykly pursatlarynyň biri bolady. Täze awtoulag halkymyzyň asylly ýörelgelerine eýerilip, üzärlik tütetmek, un sepmek, alaja daňmak däpleri bilen garşylandy. Soňra dabaraly çärä gatnaşan ýaşuly nesliň wekilleri, kümüş saçly eneler we myhmanlar Saglyk öýüniň lukmançylyk hyzmatlary bilen tanyşdylar. Binanyň girelgesinde döwrümiziň saýrak dilli körpeleriniň çaga ýüreginden joşup ýerine ýetiren çykyşlary olarda uly täsir galdyrdy. Ýaşuly nesilleriň wekilleriniň ak halatly körpelere ýörite sowgat gowşurýan pursatlary has-da ýatda galyjy boldy. Binanyň fitobarynda tebigy otlardan taýýarlanan melhem çaýlar ýaşuly nesliň wekillerine hödür edildi. Soňra birinji saglyk öýüniň lukmanlary dabara gatnaşanlara binanyň döwrebaplaşdyrylan we ýokary hilli enjamlar oturdylan lukmançylyk otaglary, olaryň ilatyň saglygyny berkitmekdäki ähmiýeti dogrysynda gürrüň berdiler. Häzirki zaman tilsimatly lukmançylyk enjamlary takyklygy bilen tapawutlanýan barlaglary gysga wagtda geçirmeklige mümkinçilik döredýär. Umumy tutýan meýdany dokuz müň inedördül metre barabar bolan bu bina iki gatdan ybarat bolup, onuň birinji gatynda hasaba alyş, terapewt, newropotolog, endokrinolog, stomatolog, otolarindolog, akuşer – ginekolog, pulmanolog, hirurg, owtomatolog ýaly lukmanlaryň otaglary, çaganyň irki ösüşi we irki dikeldiş otagy şeýle-de şöhle bilen anyklaýyş we barlaghana bölümleri hem-de dermanhana ýerleşýär. Saglyk öýüniň ikinji gaty maşgala lukmanlary üçin niýetlenendir. Bu ýerde mejlisler otagy hem bar. Saglyk öýüniň ähli otaglary we bölümleri tutuşlygyna Ýewropa döwletleriniň, Germaniýanyň, Türkiýäniň dünýä belli kompaniýalarynyň ösen innowasion tehnologiýaly, ýokary tilsimatly lukmançylyk enjamlary bilen üpjün edilipdir. Otaglardaky we bölümlerdäki enjamlar döwrebap barlag we bejeriş işlerini geçirmäge we talabalaýyk alyp barmaga, keselleriň öz wagtynda öňüni almaga uly mümkinçilikler döredýär. Saglyk öýünde gatnawly bejergi almak isleýän näsaglaryň kesellerini döwrebap enjamlaryň kömegi arkaly bejermek üçin hem ähli amatly şertler döredilipdir. Ýurdumyzda kabul edilen milli we döwlet maksatnamasynyň çäginde durky döwrebaplaşdyrylan saglyk öýüniň ýanaşyk ýerleri abadanlaşdyrylyp, daş töwereginde awtoduralga, elektrik we ýyladyş ulgamlary gurlupdyr. Onuň binagärlik keşbi agşamlaryna hem gözel görke beslenip, dürli öwüşginli yşyklary çarýana ýalkym saçyp, şäher gözelligi bilen sazlaşyp, agşamlaryna özboluşly öwüşgin çaýýar. Bu işler milli saglygy goraýyş ulgamyny ösdürmekde, jemgyýetimiziň hem-de döwletimiziň iň ýokary gymmatlygy bolan adamyň abadançylygyny, bagtyýarlygyny üpjün etmekde uly ösüşleriň gazanylýandygyny görkezýär. Saglyk öýüniň hyzmatlar ulgamy bilen tanyşan welaýatyň bagtyýar raýatlary ilatynyň saglygyny berkitmekde, ynsan ömrüniň dowamlylygyny uzaltmakda amala aşyrýan belent maksatly işleri üçin türkmen halkynyň Milli Lideri Gahryman Arkadagymyza we Hormatly Prezidentimiz Arkadagly Gahryman Serdarymyza alkyş sözlerini aýtdylar. Soňra döwrebaplaşdyrylan Saglyk öýüniň ulanylmaga berilmegi we Türkmenistanyň Saglygy goraýyş we derman senagaty işgärleriniň güni mynasybetli toý sadakasy berildi. Onda okalan töwirde il agzybirligi, ýurt parahatçylygy arzuwlanyp, türkmen halkynyň Milli Lideri Gahryman Arkadagymyzyň we Hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak bolmagy, il, ýurt ähmiýetli döwletli işleriniň rowaçlyga beslenmegi dileg edildi. Çarymuhammet Saparow.

Golaýda TKA-nyň welaýat birleşmesiniň mejlisler zalynda TDP-niň welaýat komitetiniň guramagynda Türkmenistanyň Halk Maslahatynyň nobatdaky mejlisinde kabul edilen çözgütleriň many-mazmunyny wagyz-nesihat etmek boýunça maslahat geçirildi. Maslahata Türkmenistanyň Mejlisiniň deputatlary, syýasy partiýanyň we jemgyýetçilik guramalarynyň işgärleri gatnaşdylar. Maslahaty TDP-niň welaýat komitetiniň başlygy Kakageldi Gurbanow alyp bardy. Maslahatda Sakarçäge etrabynyň ýaşaýjysy, Türkmenistanyň Hormatly il ýaşulusy Allaberdi Çaryýew, Baýramaly etrabynyň ýaşaýjysy, Türkmenistanyň Hormatly il ýaşulusy Muhammetmyrat Berdiýew, TKA-nyň welaýat birleşmesiniň utgaşdyryjysy, Türkmenistanyň Hormatly il ýaşulusy Berdimyrat Ýakubow, TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow, TDEI-niň mugallymy, Türkmenistanyň Mejlisiniň deputaty Merdan Orazmeredow, welaýat saglygy goraýyş müdirliginiň başlygy Durdymuhammet Annageldiýew, TDP-niň Mary etrap komitetiniň partiýa guramaçysy, etrap zenanlar bölüminiň başlygynyň orunbasary Täzegül Pirsýanowa, welaýat arassaçylyk we keselleriň ýaýramagyna garşy göreşmek gullugynyň lukmany Maýagözel Akmämmedowa çykyş etdiler. Çykyşlarda ýurdumyzyň syýasy-jemgyýetçilik durmuşynda möhüm waka bolan Türkmenistanyň Halk Maslahatynyň nobatdaky mejlisiniň ýokary guramaçylykly geçirilendigi, halk bähbitli çözgütleriň kabul edilendigi, şeýle-de, hormatly Prezidentimiziň alyp barýan oňyn syýasaty dogrusynda giňişleýin gürrüň edildi. Şemşat RAHMANOWA.

Hünär baýramçylygy mynasybetli Mary şäher iç keselleri hassahanasynyň mejlisler zalynda “Il saglygy — ýurt baýlygy” ady bilen maslahat geçirildi. Welaýat saglygy goraýyş müdirliginiň, welaýat arassaçylyk we keselleriň ýaýramagyna garşy göreşmek gullugynyň, TKA-nyň welaýat birleşmesiniň bilelikde guramagynda geçirilen maslahat diýseň täsirli boldy. Oňa ak ýektaýly lukmanlar gatnaşdylar. Maslahatda TKA-nyň welaýat birleşmesiniň işgärleri Berdimyrat Ýakubow, Gülälek Mämmedowa, TKA-nyň Şatlyk şäher birleşmesiniň başlygy Gurbanmuhammet Babaýew, welaýat arassaçylyk we keselleriň ýaýramagyna garşy göreşmek gullugynyň hünärmeni Ýalkap Akgaýew çykyş etdiler. Olar saglyk ulgamynda gazanylýan üstünlikler hakynda giňişleýin gürrüň edip, ähli saglygy goraýyş işgärlerini hünär baýramçylygy bilen gutladylar. Sülgün ŞADYÝEWA.

Ýakynda Beýik Saparmyrat Türkmenbaşy adyndaky Baýramaly şypahanasynyň öňünde Türkmenistanyň saglygy goraýyş we derman senagaty işgärleriniň güni mynasybetli aýdym-sazly baýramçylyk dabarasy geçirildi. Lukmanlaryň gatnaşmagynda geçirilen dabarada welaýatymyzyň medeniýet we sungat ussatlarynyň ýerine ýetirmeginde baýramçylyk çykyşlaryna tomaşa edildi. Täsirli geçen baýramçylyk dabarasynda ýaňlanan şirin aýdymlarda ata Watanymyzyň, gazanylýan beýik ösüşleriň waspy belentden ýaňlandy.

Geçen ýekşenbede, güýz paslynyň ajaýyp güni welaýatymyzyň atçylyk sport toplumynda nobatdaky at çapyşygy şatlyk-şowhuna, aýdym-saza beslenip geçirildi. Ruhuňy galkyndyryjy aýdym-sazyň owazy astynda bedew janköýerleri özlerini tolgundyran at çapyşyklaryna uly gyzyklanma bilen tomaşa etdiler. Ilkinji at çapyşyk 1000 metr aralyga geçirilip, ikiýaşar saýlama bedewleriň bäşisi gatnaşdyryldy. Onda B.Orazowyň hojalygyna degişli Güller atly dor gysrak ýeňiji bolup, pellehana 1 minut 06,56 sekuntda gelmegi başardy. Tomaşaçylaryň hormatyny gazanan dor gysragy A.Annaýew seýisläp, B.Mämmedow ussatlyk bilen çapyksuwarlyk etdi. Ikinji çapyşyga hem ikiýaşar bedewleriň bäşisi gatnaşdyryldy. 1000 metr aralyga geçirilen çapyşykda Mary döwlet athanasynyň Uçgun atly ak ýal mele aty ýeňiji boldy. K.Garýagdyýewiň seýislän, Ý.Amannazarowyň çapyksuwarlyk eden bu aty bellenilen aralygy 1 minut 12,90 sekuntda geçdi. Üçýaşar atlaryň bäşisi gatnaşan üçünji çapyşyk 1400 metr aralykda geçirildi. D.Amandurdyýewiň öz seýislän hojalyk aty bolan Edepli atly dor at beýlekilerden saýlanyp, 1 minut 40,72 sekuntda pellehana birinji bolup geldi. Bu ata G.Ýazberdiýew ezberlik bilen çapyksuwarlyk etdi. Dördünji çapyşyk hem 1400 metr aralyga geçirilip, oňa üçýaşar atlaryň bäşisi gatnaşdyryldy. Ş.Şamyradowyň hojalyk aty bolan Garajaoglan atly gara at pellehana 1 minut 35,93 sekuntda gelip ýeňiş gazandy. Onuň seýsi D.Amandurdyýew, çapyksuwary G.Ýazberdiýewdir. Çekeleşikli geçen bäşinji çapyşyga dört we ulyýaşar atlaryň bäşisi gatnaşyp, olar 1400 metr aralyga güýç synanyşdylar. Bu gezek R.Läliýewiň hojalyk aty bolan Toýçy atly mele at 1 minut 36,39 sekunt wagt bilen pellehana öň geldi. Ony Ş.Orazgeldiýew seýisläp, B.Mämmedow ezberlik bilen çapyksuwarlyk etdi. Nobatdaky geçirilen at çapyşyklarynda ýeňiji bolan bedewlere serpaýlar ýapylyp, çapyksuwarlara gymmat bahaly sowgatlar dabara bilen gowşuryldy. Sähet HOJAGELDIÝEW.

Ýakynda Mary şäher häkimliginiň mejlisler zalynda Türkmenistanyň Halk Maslahatynyň nobatdaky mejlisiniň üstünlikli geçirilmegi we ondan gelip çykýan wezipeleri ýaşlaryň arasynda wagyz etmek maksady bilen şäher halk maslahatynyň hem-de TMÝG-niň şäher geňeşiniň bilelikde guramagynda «Halk maslahaty: geňeşli iliň döwletli ýoly» ady bilen maslahat geçirildi. Oňa ýaşuly nesliň wekilleri, şäher halk maslahatynyň agzalary we dürli edara-kärhanalarda zähmet çekýän ýaşlar gatnaşdylar. Täsirli geçen maslahatda TMÝG-niň şäher geňeşiniň başlygy, şäher halk maslahatynyň başlygy Resul Baýramow, Garagum etrabynyň ýaşaýjysy, il sylagly ýaşuly Çarygylyç Çaryýarow, şäheriň ýaşaýjysy, mährem ene Amanjemal Berdiýewa, TDEI-niň mugallymy, Türkmenistanyň Mejlisiniň deputaty Merdan Orazmeredow, TDEI-niň talyby Alýoş Amanow we beýlekiler çykyş etdiler. Çykyş edenler gözel paýtagtymyz Aşgabat şäherinde geçirilen taryhy ähmiýetli forumyň üstünlikli geçirilip, onda il-ýurt bähbitli kararlaryň kabul edilendigi hakynda giňişleýin gürrüň berdiler. Şeýle beýik işleriň durmuşa geçirilmeginde uly aladalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler. Göwher KAKAGELDIÝEWA.

Golaýda TMÝG-niň Türkmengala etrap geňeşiniň, etrabyň polisiýa bölüminiň, etrap bilim bölüminiň bilelikde guramagynda etrapdaky daşary ýurt dillerine ýöriteleşdirilen 1-nji orta mekdepde etrapdaky orta mekdepleriň mugallymlarynyň we ýokary synp okuwçylarynyň gatnaşmagynda wagyz-nesihat duşuşygy geçirildi. Duşuşykda TMÝG-niň etrap geňeşiniň baş hünärmeni Ogulnar Annamuhammedowa, etrabyň polisiýa bölüminiň KÝÝIBB-niň müdiri, polisiýanyň kapitany Mekan Durdyýew we jenaýat işlerini agtaryş bölüminiň gözegçisi, polisiýanyň kapitany Atajan Aksakalow, etrap bilim bölüminiň baş hünärmeni Akga Akgaýew çykyş etdiler. Çykyş edenler hormatly Prezidentimiziň ýurdumyzyň geljegi bolan ýaş nesiller hakynda edýän yzygiderli aladalary, ýaşlaryň arasynda hukuk bozulmalaryna garşy göreşmelidigi, ýaşlaryň ylymly-bilimli, edep-terbiýeli bolmalydygy hakynda wagyz-nesihat etdiler. Tylla RAHMEDOWA.

Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň tagallalary bilen ýurdumyzyň oba hojalygy pudagyny ösdürmekde oňyn özgertmeler durmuşa geçirilýär. Jogapkärli möwsümiň dowam edýän günlerinde Türkmenistanyň Demokratik partiýasynyň etrap komitetiniň agzybir işgärleri etrabyň ekerançylyk meýdanlarynda zähmet çekýän kärendeçileri, ýygymçylary ruhlandyrmak maksady bilen dabaraly duşuşyklary yzygiderli geçirýärler. Golaýda etrabyň “Türkmenistan” daýhan birleşiginiň günorta arakesme wagtynda ýygymçylaryň armasyny ýetirmek maksady bilen aýdym-sazly medeni çäre geçirildi. Medeni çärede ýygymçylaryň öňdebaryjylary TDP-niň etrap komiteti tarapyndan sowgatlar bilen sylaglanyldylar. Bu bolsa pagtaçylary has tutanýerli zähmet çekmäge ruhlandyrýar. Gymmatly baýlygymyz bolan “ak altynyň” bol hasylyny ýygnap almakda ähli şertleri we mümkinçilikleri döredip berýän Gahryman Arkadagymyza, Arkadagly Gahryman Serdarymyza etrabymyzyň babadaýhanlary alkyş aýdýarlar. Gahryman Arkadagymyzyň, Arkadagly Gahryman Serdarymyzyň janlary sag, ömürleri uzak bolsun! Gunça WELSÄHEDOWA.

Mälim bolşy ýaly, «Garaşsyz, baky Bitarap Türkmenistan — bedew batly at-myradyň mekany» ýyly hem-de hemişelik Bitaraplygymyzyň 31 ýyllygy mynasybetli Türkmenistanyň Bilim ministrligi, Türkmenistanyň Zenanlar birleşiginiň Merkezi geňeşi, Türkmenistanyň Kärdeşler arkalaşyklarynyň Milli merkezi, Türkmenistanyň Telewideniýe, radiogepleşikler we kinematografiýa baradaky döwlet komiteti bilelikde ýurdumyzyň umumybilim berýän orta mekdeplerinde hereket edýän gyzlar gurnaklarynyň arasynda «Hünärli nesil — röwşen geljek» atly bäsleşigi yglan etdiler. Ýakynda Mary şäheriniň Gowşuthan köçesiniň ugrunda ýerleşýän toý mekanynda bäsleşigiň welaýat tapgyry geçirildi. Oňa bäsleşigiň şäher-etrap tapgyrlarynda ýeňiji bolan orta mekdeplerde hereket edýän gyzlar gurnaklarynyň toparlary gatnaşdylar. Toý mekanynyň sahnasynda guralan milli gymmatlyklarymyzy şöhlelendirýän sergi hemmeleriň ünsüni özüne çekdi, aýratynam, ol okuwçy gyzlarda uly täsir galdyrdy. Bäsleşige gatnaşýan okuwçy gyzlar terbiýeçilik ähmiýetli şygyrlaryň, aýdymlaryň, rowaýatlaryň üsti bilen şahsy ukyplaryny görkezmek, Gahryman Arkadagymyzyň agtygynyň nusgalyk işlerinden görelde alyp, el işlerini ýerine ýetirmek we Milli Liderimiziň «Bereketli türkmen saçagy» atly ajaýyp kitaby boýunça unaş kesmek, tagamyň taýýarlanylyşyny çeper sözler, aýdyşyklardyr nakyllar arkaly beýan etmek ýaly şertler boýunça özara bäsleşdiler. Netijede, ukyp-başarnyklaryny, ussatlyklaryny görkezip, has tapawutly çykyş eden gyzlar gurnaklarynyň toparlary öňe saýlandylar. Mary şäherindäki 16-njy ýöriteleşdirilen orta mekdebiň «Gunça» gyzlar gurnagynyň topary 1-nji, Türkmengala etrabyndaky 9-njy orta mekdebiň «Gunça» gyzlar gurnagynyň topary 2-nji we Oguzhan etrabyndaky 11-nji orta mekdebiň «Dürdäne» gyzlar gurnagynyň topary 3-nji orunlara mynasyp boldular. Ýeňijilere welaýat baş bilim müdirliginiň I derejeli diplomlary hem-de TKA-nyň welaýat birleşmesiniň gymmat bahaly sowgatlarydyr höweslendiriji baýraklary dabaraly ýagdaýda gowşuryldy. 1-nji orna mynasyp bolan topar bäsleşigiň döwlet tapgyryna gatnaşmaga hukuk gazandy. Bahargül MEJIDOWA.

Golaýda TKA-nyň welaýat birleşmesiniň mejlisler zalynda TDP-niň welaýat komitetiniň guramagynda Türkmenistanyň Halk Maslahatynyň nobatdaky mejlisinde kabul edilen çözgütleriň many-mazmunyny wagyz-nesihat etmek boýunça maslahat geçirildi. Maslahata Türkmenistanyň Mejlisiniň deputatlary, syýasy partiýanyň we jemgyýetçilik guramalarynyň işgärleri gatnaşdylar. Maslahaty TDP-niň welaýat komitetiniň başlygy Kakageldi Gurbanow alyp bardy. Maslahatda Sakarçäge etrabynyň ýaşaýjysy, Türkmenistanyň Hormatly il ýaşulusy Allaberdi Çaryýew, Baýramaly etrabynyň ýaşaýjysy, Türkmenistanyň Hormatly il ýaşulusy Muhammetmyrat Berdiýew, TKA-nyň welaýat birleşmesiniň utgaşdyryjysy, Türkmenistanyň Hormatly il ýaşulusy Berdimyrat Ýakubow, TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow, TDEI-niň mugallymy, Türkmenistanyň Mejlisiniň deputaty Merdan Orazmeredow, welaýat saglygy goraýyş müdirliginiň başlygy Durdymuhammet Annageldiýew, TDP-niň Mary etrap komitetiniň partiýa guramaçysy, etrap zenanlar bölüminiň başlygynyň orunbasary Täzegül Pirsýanowa, welaýat arassaçylyk we keselleriň ýaýramagyna garşy göreşmek gullugynyň lukmany Maýagözel Akmämmedowa çykyş etdiler. Çykyşlarda ýurdumyzyň syýasy-jemgyýetçilik durmuşynda möhüm waka bolan Türkmenistanyň Halk Maslahatynyň nobatdaky mejlisiniň ýokary guramaçylykly geçirilendigi, halk bähbitli çözgütleriň kabul edilendigi, şeýle-de, hormatly Prezidentimiziň alyp barýan oňyn syýasaty dogrusynda giňişleýin gürrüň edildi. Şemşat RAHMANOWA.

Ýakynda Mary şäher häkimliginiň mejlisler zalynda Türkmenistanyň Halk Maslahatynyň nobatdaky mejlisiniň üstünlikli geçirilmegi we ondan gelip çykýan wezipeleri ýaşlaryň arasynda wagyz etmek maksady bilen şäher halk maslahatynyň hem-de TMÝG-niň şäher geňeşiniň bilelikde guramagynda «Halk maslahaty: geňeşli iliň döwletli ýoly» ady bilen maslahat geçirildi. Oňa ýaşuly nesliň wekilleri, şäher halk maslahatynyň agzalary we dürli edara-kärhanalarda zähmet çekýän ýaşlar gatnaşdylar. Täsirli geçen maslahatda TMÝG-niň şäher geňeşiniň başlygy, şäher halk maslahatynyň başlygy Resul Baýramow, Garagum etrabynyň ýaşaýjysy, il sylagly ýaşuly Çarygylyç Çaryýarow, şäheriň ýaşaýjysy, mährem ene Amanjemal Berdiýewa, TDEI-niň mugallymy, Türkmenistanyň Mejlisiniň deputaty Merdan Orazmeredow, TDEI-niň talyby Alýoş Amanow we beýlekiler çykyş etdiler. Çykyş edenler gözel paýtagtymyz Aşgabat şäherinde geçirilen taryhy ähmiýetli forumyň üstünlikli geçirilip, onda il-ýurt bähbitli kararlaryň kabul edilendigi hakynda giňişleýin gürrüň berdiler. Şeýle beýik işleriň durmuşa geçirilmeginde uly aladalary edýän Gahryman Arkadagymyza, Arkadagly Gahryman Serdarymyza alkyş sözlerini beýan etdiler. Göwher KAKAGELDIÝEWA.

Golaýda Peşanaly şäherçesindäki medeniýet öýünde etrap häkimliginiň, TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň bilelikde guramagynda Türkmenistanyň Halk Maslahatynyň nobatdaky mejlisiniň ýokary guramaçylykly geçirilendigine bagyşlanylyp, “Ösüşli Watanymyzda halk bähbitli çözgütler” ady bilen maslahat geçirildi. Maslahata etrap häkimliginiň jogapkär işgärleri, syýasy partiýanyň, jemgyýetçilik guramalarynyň işgärleri we işjeň agzalary gatnaşdylar. Maslahatda etrap häkiminiň orunbasary, etrap zenanlar bölüminiň başlygy Bahar Hojamgulyýewa, etrabyň Jemgyýet geňeşliginiň ýaşaýjysy, il sylagly ýaşuly Çary Saparow, etrabyň ýaşaýjysy, mährem ene Aýnagözel Baýramowa, etrap häkimliginiň bölüm müdiri, etrap halk maslahatynyň başlygy Oraz Nepesow, TDP-niň etrap komitetiniň partiýa guramaçysy, etrap zenanlar bölüminiň başlygynyň orunbasary Täzegül Pirsýanowa çykyş etdiler. Çykyş edenler ýurdumyzyň syýasy-jemgyýetçilik durmuşynda möhüm waka bolan Türkmenistanyň Halk Maslahatynyň nobatdaky mejlisiniň ýokary guramaçylykly geçirilendigi, halk bähbitli çözgütleriň kabul edilendigi, şeýle-de, Garaşsyzlyk ýyllarynda gazanylan üstünlikler dogrusynda giňişleýin gürrüň etdiler. Muhammetgylyç NEPESOW.

Welaýatymyzyň ähli ýerlerinde bolşy ýaly, etrabymyzda hem Türkmenistanyň Halk Maslahatynyň mejlisinden gelip çykýan çözgütleri ilatyň arasynda düşündirmek boýunça wagyz-nesihat duşuşyklary yzygiderli geçirilýär. Etrabymyzyň Mollanepes şäherçesindäki medeniýet öýünde etrap häkimliginiň, TDP-niň, TAP-nyň etrap komitetleriniň bilelikde guramagynda wagyz-nesihat duşuşygy geçirildi. Duşuşykda etrap häkiminiň orunbasary Akgözel Muradowa, TDP-niň etrap komitetiniň başlygy Tawus Gylyjowa, etrabyň Mülkýusup geňeşliginiň Parahatlyk obasynyň ýaşaýjysy, Türkmenistanyň Hormatly il ýaşulusy Berdi Şirow, etrabyň Mülkamaşa geňeşliginiň ýaşaýjysy Ejekeýik Nurýagdyýewa, etrapdaky 35-nji orta mekdebiň müdiri Juma Şirmämmedow çykyş etdiler. Olar öz çykyşlarynda Türkmenistanyň Halk Maslahatynyň mejlisiniň döwlet ähmiýetli, il-gün bähbitli möhüm wezipelerini, ara alyp maslahatlaşmak, eziz Watanymyzy mundan beýläk hem ösdürmek barada gürrüň etdiler. Hormatly Prezidentimiziň baştutanlygynda ýurdumyzda ylymly-bilimli ýaşlary ýetişdirmek, olaryň döredijilik başlangyçlaryny goldamak babatda giň gerimli işleriň durmuşa geçirilýändigi dogrusynda durup geçdiler. Çykyşlarda Watanymyzy, halkymyzy nurana geljege alyp barýan türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň, Arkadagly Gahryman Serdarymyzyň adyna alkyş sözleri aýdyldy. Oguljan ORAZGELDIÝEWA.

Golaýda etrabymyzyň merkezi kitaphanasynda “Türkmenistanyň Halk Maslahaty — taryhy özgertmeleriň başlangyjy” atly maslahat geçirildi. Maslahat sentýabr aýynda guramaçylykly geçirilen Türkmenistanyň Halk Maslahatynyň nobatdaky mejlisine bagyşlanyldy. Wagyz-nesihat çäresini TDP-niň etrap komiteti, TMÝG-niň etrap geňeşi, etrap bilim bölümi we beýleki jemgyýetçilik guramalary bilelikde guradylar. Oňa Türkmenistanyň Mejlisiniň deputatlary ýokarda atlary agzalan guramalaryň işgärleri hem-de edara-kärhanalarda zähmet çekýän ýaşlar gatnaşdylar. Işjeň ýagdaýda geçen maslahatda TDP-niň etrap komitetiniň başlygy, etrap halk maslahatynyň başlygy Muhammetnazar Täşliýew, etrapdaky daşary ýurt dillerine ýöriteleşdirilen 33-nji orta mekdebiň mugallymy, Türkmenistanyň Mejlisiniň deputaty Akmuhammet Bekmyradow, TMÝG-niň etrap geňeşiniň bölüm müdiri Tylla Rahmedowa we beýlekiler çykyş etdiler. Olar ählumumy forumyň ýokary derejede geçendigi, onda döwlet ähmiýetli, il-gün bähbitli meseleleriň ara alnyp maslahatlaşylandygy barada gürrüň etdiler. Öňde durýan wajyp wezipeleri durmuşa geçirmegiň çözgütleriniň maslahatlaşylandygy dogrusynda durup geçdiler. Babajan MUHAMMEDOW.

      Garaşsyz, baky Bitarap Diýarymyzda her ýylyň 6-njy oktýabrynda Hatyra güni giňden bellenilip geçilýär. Hatyra gününde Watanymyzyň azatlygy, erkinligi ugrundaky söweşlerde wepat bolan ildeşlerimizi hem-de 1948-nji ýylyň Aşgabat ýer titremesinde şehit bolan merhumlary hatyralamaklyga bagyşlanan çäreler geçirilýär. Şu gün Mary welaýatynda-da Hatyra çäreleri geçirildi. Mary welaýat häkimliginiň gurnamagynda Mary Nebitgaz orta hünär okuw mekdebiniň talyp ýaşlarynyň Mary Welaýat taryhy we ülkäni öwreniş muzeýine gezelenji guraldy. Muzeý işgärleri talyp ýaşlary 1941-1945-nji ýyllaryň Beýik Watançylyk urşunda ildeşlerimiziň Watanymyzyň azatlygy ugrundaky söweşlerde görkezen gahrymançylygyny hem-de mertligini aňladýan muzeý gymmatlyklary bilen tanyşdyrdylar. Bu muzeý gymmatlyklarynyň ýaş neslimizi watançylyk ruhunda terbiýelemekdäki, halkymyzyň milli däp – dessurlaryna, ýol – ýörelgelerine hormat goýmakdaky ähmiýeti dogrusynda beren çuň mazmunly gürrüňleri talyp ýaşlarda aýratyn täsir galdyrdy. Gezelenç wagtynda muzeý işgärleri 1948-nji ýylyň Aşgabat ýer titremesinde şehit bolan ildeşlerimizi hatyralap, olary ýagşylykda ýatladylar. Sapardurdy Ýaýlyýew.

     Garaşsyz, baky Bitarap ýurdumyzda Türkmenistanyň Halk Maslahatynyň nobatdaky Mejlisiniň üstünlikli geçirilmegi, döwletimiziň Garaşsyzlygynyň 35 ýyllyk baýramynyň giňden bellenilmegi şu toý dabaralara beslenen günlerde Köpetdagyň gözel künjeginde Türkmenistanyň Prezidentiniň döwrebaplaşdyrylan ahalteke atçylyk toplumynyň dabaraly açylmagy mynasybetli Mary welaýat häkimliginiň gurnamagynda hoşallyk maslahaty geçirildi. Her bir güni şanly dabaralara, toý baýramlara beslenýän ýylymyzda geçirlen bu hoşallyk maslahaty “Garaşsyz Türkmenistan bedew batly ösüşler ýolunda” – diýlip atlandyryldy. Ýokary ruhubelentlige beslenen bu hoşallyk maslahatyna Türkmenistanyň Mejlisiniň deputatlary, welaýat, şäher, etrap halk maslahatynyň agzalary, ýaşuly nesliň wekilleri, kümüş saçly eneler, jemgyýetçilik guramalarynyň we edara – kärhanalaryň ýolbaşçylary, ussat atşynaslar hem-de bagtyýar ýaşlar gatnaşdylar. Hoşallyk maslahatyndaky çykyşlarda türkmen halkynyň Milli Lideri, Türkmenistanyň Halk Maslahatynyň başlygy Gahryman Arkadagymyzyň hem-de Hormatly Prezidentimiz Arkadagly Gahryman Serdarymyzyň parasatly ýolbaşçylygynda üstünlikli amala aşyrylýan döwlet syýasaty netijesinde ýurdumyz nurana geljege, ýagty ertirlere tarap batly gadamlar bilen öňe barýar. Halkymyzyň ýaşaýyş – durmuş derejeleri yzygiderli ýokarlanyp, jemgyýetçilik syýasy durmuşymyzda täze sahypalar açylýar. Ata – Watanymyzy mundan beýläk-de gülledip ösdürmekde, döwletimiziň iň ýokary gymmatlygy bolan adamyň hukuklaryny we azatlyklaryny üpjün etmekde uly işler durmuşa geçirilýär – diýlip buýsançly sözler beýan edildi. Şu şanly taryhy döwürde ýurdumyzda Gahryman Arkadagymyzyň başlyklyk etmeginde üstünlikli geçirilen Türkmenistanyň Halk Maslahatynyň nobatdaky Mejlisinde kabul edilen il – ýurt bähbitli çözgütler, giň gerimde bellenilen mukaddes Garaşsyzlygymyzyň 35 ýyllyk toýunyň dabaralary, toý baýramly günlerde Köpetdagyň gözel künjeginde Türkmenistanyň Prezidentiniň döwrebaplaşdyrylan 1200 orunlyk ahalteke atçylyk toplumynyň açylyş dabarasy bu şanly ýylymyzy täze many – mazmun bilen baýlaşdyryp, halkymyzyň buýsançly başlaryny hasam belende göterdi – diýlip, hoşallyk maslahatyndaky çykyşlarda nygtaldy. Türkmenistanyň Prezidentiniň ahalteke atçylyk toplumynyň açylyp ulanylmaga berilmegi keremli toprakda kemala gelen, owadanlygy, ýyndamlygy bilen ady rowaýata öwrülen ahalteke bedewlerimiziň şan – şöhratyny dünýä ýaýmakda alnyp barylýan döwlet bähbitli işleriniň aýdyň nyşany boldy. Bu dabara türkmen halkynyň Milli Lideri Gahryman Arkadagymyzyň we Hormatly Prezidentimiziň gatnaşmagy, bu ýerde ussat halypa çapyksuwarlaryň arasynda toý ýaryşynyň geçirilmegi hem diýseň täsirli bolup, halkymyzyň göwün guşuny ganatlandyrdy. Türkmen halkynyň Milli Lideri Gahryman Arkadagymyz täze toplumda halypa hem ussat çapyksuwarlaryň  arasynda geçirilen ýaryşda öz agtygy Kerimgulynyň seýislän “Daghan” atly atyna atlanyp, ýaryşa goşulmagy özüniň at çapmakda ýokary ussatlygy görkezip, pellehana ilkinji bolup gelmegi hem-de baş baýraga mynasyp bolmagy bagtyýar raýatlarymyzyň baýramçylyk şatlygyny goşalandyrdy – diýlip hoşallyk maslahatynda aýratyn nygtalyp geçildi. Mälim bolşy ýaly Gahryman Arkadagymyzyň hem-de Hormatly Prezidentimiziň taýsyz tagallalary netijesinde ýurdumyzda arassa ganly ahalteke bedewleriniň sanyny artdyrmak, olaryň şan – şöhratyny dünýä ýaýmak boýunça uly işler alnyp barylýar. Täze taryhy döwürde ady rowaýata öwrülen behişti bedewleriň arasynda halkara atly sport we gözellik bäsleşikleriniň, festiwallaryň, maslahatlaryň geçirilmegi, ýurdumyzyň “Galkynyş” milli at üstündäki oýunlar toparynyň daşary döwletlerde üstünlikli çykyş edip, baýrakly orunlara mynasyp bolmagy hem munuň aýdyň subutnamasydyr. Ýaňy – ýakynda bolup geçen Türkmenistanyň Halk Maslahatynyň nobatdaky mejlisinde “Türkmenistanda ahalteke bedew atlarynyň döwlet goragy hakynda” Türkmenistanyň kanunynyň kabul edilmegi-de munuň şeýledigini aýdyňlygy bilen görkezýär. Behişti bedewlerimiz taryhy gözbaşyny asyrlaryň jümmüşinden alyp gaýdýar. Türkmen seýisleri müňýyllyklaryň dowamynda gözellikde deňi – taýy bolmadyk täsin bedewleri mähir we söýgi bilen ösdürip ýetişdiripdirler hem-de kemala getiripdirler – diýlip hoşallyk maslahatynda buýsançly sözleri beýan edildi. Maslahata gatnaşyjylar ýurdumyzda ahalteke bedewlerini ösdürmekde, baş sanyny artdyrmakda, olaryň şan – şöhratyny dünýä ýaýmakda alyp barýan işleri üçin türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini aýtdylar. Hoşallyk maslahatyň dowamy welaýatyň medeniýet we sungat ussatlarynyň, estrada aýdymçylarynyň, ýörite sazçylyk mekdebiniň zehinli ýaşlarynyň aýdym – sazly çykyşlary bilen utgaşdy. Ussatlyk bilen ýerine ýetirilen aýdym – sazlarda Gahryman Arkadagymyzyň we Hormatly Prezidentimiziň alyp barýan il – ýurt bähbitli rowaç işleri, ahalteke bedewlerimize goýýan belent hormat sarpalary, behişti bedewlerimiziň gözelligi, atşynaslaryň çekýän päk zähmetleri joşgunly wasp edildi. Hoşallyk maslahatynda welaýatyň ähli ilatynyň we maslahata gatnaşanlaryň adyndan türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza Ýüzlenme kabul edildi. Soňra welaýatyň gözel künjegindäki “Türkmeniň ak öýi” binasynyň ýanyndaky köpçülikleýin dabaraly çäreleri geçirmäge niýetlenen binasynda Türkmenistanyň Halk maslahatynyň nobatdaky Mejlisiniň üstünlikli geçirilmegi, baş baýramymyz bolan Garaşsyzlyk toýunyň giň gerimde bellenilmegi hem-de Köpetdagyň gözel künjeginde Türkmenistanyň Prezidentiniň döwrebaplaşdyrylan ahalteke atçylyk toplumynyň dabaraly açylmagy mynasybetli toý sadakasy berildi. Toý – sadakasynda okalan töwirde il agzybirligi, ýurt abadançylygy, Gahryman Arkadagymyzyň hem-de Hormatly Prezidentimiz Arkadagly Gahryman Serdarymyzyň janlarynyň sag ömürleriniň uzak, amala aşyrýan döwletli işleriniň rowaç bolmagy dileg edildi. Çarymuhammet Saparow.

        Halkara ýaşulular güni mynasybetli Mary welaýat häkimliginiň gurnamagynda welaýatyň Baýramaly şäheriniň medeniýet öýünde baýramçylyk dabarasy geçirildi.Hormatly myhmanlary çagalar sungat mekdebiniň ýaş sazandalary özleriniň çalýan şirin mukamlary bilen garşy aldylar.Bu ýerde ýaş suratkeşleriň döreden ýokary çeperçilikli surat eserleriniň giň sergileri ýaýbaňlandyryldy.Dabarada hormatly Prezidentimiz,Arkadagly Gahryman Serdarymyzyň Birleşen Milletler Guramasynyň Baş Assambleýasy tarapyndan ykrar edilen Halkara ýaşulular güni mynasybetli ýurdumyzyň ýaşulularyna,mährem enelerimize iberen mähirli gutlagynyň okalmagy hemmelerde ýokary ruhubelentligi döretdi.Baýramçylykda edilen çykyşlarda ömri nusgalyk mekdebe öwrülen ýaşuly nesliň wekillerine gutlag sözleri aýdyldy. Dabarada çykyş eden ýaşulular,kümüş saçly mährem eneler özleriniň ýaşaýyş-durmuş derejesini ýokarlandyrmak,saglygyny pugtalandyrmak ugrunda döwlet derejesinde edilýän bimöçber aladalar üçin Türkmen halkynyň Milli Lideri Gahryman Arkadagymyza,hormatly Prezidentimiz Arkadagly Gahryman Serdarymyza tüýs ýürekden sagbolsun aýdyp,Gahryman Arkadagymyzyň,hormatly Prezidentimiziň janlarynyň sag,ömürleriniň uzak,il-halk, döwlet bähbitli belent tutumly işleriniň hemişe rowaç bolmagyny arzuw etdiler.Baýramçylykda hormatly myhmanlara welaýatyň jemgyýetçilik guramalarynyň,syýasy partiýalaryň adyndan ýadygärlik sowgatlaryny,bagtyýar körpeler tarapyndan ter gül desseleriniň gowşurylmagy şu günki çäräniň iň dabaraly pursatlary boldy. Bu ýerde welaýat medeniýet müdirliginiň bagşy sazandalarynyň,meşhur estrada aýdymçylarynyň ussatlyk bilen ýerine ýetiren aýdymlary hemmelere ruhy lezzet berdi.Asuda,parahat Watanymyzy,türkmen halkynyň Milli Lideri Gahryman Arkadagymyzyň,hormatly Prezidentimiz Arkadagly Gahryman Serdarymyzyň ýurdumyzy gülledip ösdürmekde alyp barýan rowaç işlerini,halkymyzyň döwletlilik ýörelgelerini,bagtyýar garrylygy wasp edýän aýdymlar belent heňlerde ýerne ýetirildi.Ýaşuly nesliň wekilleri Mary welaýat kitaphanasynda gezelençde bolup,medeniýet ojagynyň okalga zallarynda döredilen şertler,täze neşir edilen kitaplar bilen tanyşdylar,Gahryman Arkadagymyzyň,hormatly Prezidentimiziň zehin ylhamyndan dörän gymmatly eserleriniň baý sergilerini höwes bilen synladylar.Kitaphanadaky asman jisimlerini öwrenýän obserwatoriýa hem myhmanlarda ýakymly täsirleri galdyrdy.Garaşsyz,baky Bitarap Diýarymyzda ýaşuly nesle goýulýan belent hormat-sarpanyň aýdyň alamaty bolan şu günki baýramçylykda toý mekanynda-da aýdym-sazly dabara geçirildi.Dabaranyň dowamynda hormatly myhmanlara baýramçylyk duz-tagamlary hödür edildi.  Sapardurdy Ýaýlymow.

 Berkarar döwletiň täze eýýamynyň Galkynyşy döwründe ,,Garaşsyz, baky Bitarap Türkmenistan-bedew batly at-myradyň mekany” ýylynda Döwletimiziň mukaddes Garaşsyzlygynyň 35 ýyllyk baýramçylygy Mary welaýatynda-da mynasyp belent toý tutumlary bilen bellenilip geçildi. Baýramçylyk dabaralary welaýatyň ähli etrap, şäher merkezlerinde, obalarynda toý şatlygy bilen utgaşyp, şowhunly çärelere giň gerim berildi. Baýramçylyk gününde welaýat merkezindäki Baş Baýdak meýdançasynyň töweregi ir säherden hasam köp adamly boldy. Mary welaýat, Mary şäher häkimlikleriniň, Demokratik, Agrar partiýasynyň Mary welaýat komitetleriniň, Kärdeşler Arkalaşyklarynyň welaýat birleşmesiniň, Ýaşlar guramasynyň welaýat geňeşiniň, Türkmenistanyň Zenanlar birleşiginiň Mary welaýat Zenanlar bölüminiň, welaýatyň Bilim, Saglygy goraýyş we Medeniýet bölümleriniň bilelikde gurnamaklarynda geçirilen bu baýramçylyk dabarasy egsilmejek toý şatlyklaryna beslendi. Mukaddes Garaşsyzlygymyzyň baýramçylygynyň dabarasy baş Baýdak meýdançasynda döwlet Senamyzyň ýerine ýetirilmeginde, mukaddes döwlet Baýdagymyzyň ýokary galdyrylmagy bilen başlandy. Welaýat häkimliginiň jogapkär işgärleriniň, Türkmenistanyň Mejlisiniň deputatlarynyň, welaýat Halk maslahatynyň agzalarynyň, welaýatyň ýaşuly nesliniň, kümüş saçly mährem eneleriň, welaýat, şäher, etrap häkimlikleriniň işgärleriniň, jemgyýetçilik guramalarynyň, welaýatyň bagtyýar raýatlarynyň,bilim, saglyk, medeniýet, sport ulgamlarynyň wekilleriniň, talyp ýaşlaryň gatnaşmaklarynda geçirilen bu dabarada baýramçylyk mynasybeli gutlag sözleri aýdyldy. Bu ýerdäki baýramçylyk çykyşlarynda Garaşsyzlyk ýyllary içinde ýurdumyzda gazanylan üstünlikler, ýetilen belent sepgitler we türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň dünýä nusgalyk beýik başlangyçlary barada buýsançly sözler beýan edildi. Baýramçylyk dabarasynda parahatçylygyň we asudalygyň nyşany bolan ak kepderileriň we dürli gornüşli şarlaryň asmana uçurylmagy toý şatlygyny hasam artdyrdy. Dabaranyň dowamynda welaýatyň medeniýet, sungat ussatlarynyň, estrada aýdymçylarynyň, teatr artistleriniň, Marynyň Ýolaman Hummaýew adyndaky ýörite sazçylyk mekdebiniň talyp ýaşlarynyň aýdymdyr sazlary, tanslary, edebi sazly çykyşlary giňden ýaýbaňlandy. Halkymyzyň ruhy dünýäsini baýlaşdyrýan aýdym – sazlaryň owazy uzaklara ýaň saldy. Ýerine ýetirilen göwün göteriji çykyşlarda Berkarar döwletiň täze eýýamynyň Galkynyşy döwrüniň, Garaşsyz, baky Bitarap ata Watanymyzyň, Hormatly Prezidentimiziň il-halk, umumyadamzat bähbitli rowaç işleriniň hem-de uly toý – dabaralara beslenýän “Garaşsyz, baky Bitarap Türkmenistan-bedew batly at-myradyň mekany” ýylymyzyň waspy belentden ýetirildi. Baýramçylyk öwüşgininde bezelen baş Baýdak meýdançasynda şirinden – şirin mukamlaryň ýaňlanmagynda ýerine ýetirilen hoş owazly aýdymlar, joşgunly tanslar bu ýere ýygnanan bagtyýar raýatlarymyzyň baýramçylyk şatlygyny artdyryp, göwün guşuny ganatlandyrdy. Döwletiiziň mukaddes Garaşsyzlygynyň 35 ýyllyk baýramçylyk dabarasyna gatnaşan welaýatyň bagtyýar ýaşaýjylary ýurdumyzy batly gadamlaryň ösüşli ýollary bilen öňe alyp barýan we halkymyzyň bagtyýar durmuşyny üpjün etmekde amala aşyrýan belent maksatly işleri üçin türkmen halkynyň Milli Lideri Gahryman Arkadagymyza we Hormatly Prezidentimiz Arkadagly Gahryman Serdarymyza alkyş sözlerini beýan etdiler. Çarymuhammet Saparow

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri