Çagalary goramagyň halkara gününe bagyşlanan çäreler Mary welaýatynyň ähli ýerlerinde ýokary ruhubelentlige beslenip bellenilip geçilýär. Şeýle dabaralaryň biri hem welaýatyň “Marguş” myhmanhanasynda Mary welaýat häkimliginiň, welaýat Baş bilim müdirliginiň bilelikde gurnamaklarynda geçirilip, ol çagalara ýatdan çykmajak pursatlary bagyşlady. Ýokary ruhubelentlige beslenen bu dabara mekdebe çenli çagalar edaralarynda terbiýelenýän körpeler  gatnaşdylar. Şatlyk-şowhuna beslenen baýramçylyk dabarasynda şadyýanja çagalar özleriniň buýsançly kalbyndan çykýan şirin aýdymlaryny we ajaýyp tans çykyşlaryny görkezdiler. Dabaranyň dowamynda çaga dünýäsine mahsus bolan dürli çykyşlary görkezilmegem çagalaryň ýüreklerini joşdurdy. Bu ýerde bagtyýar çagalaryň göwün joşduryjy çykyşlarynda Arkadagly Gahryman Serdarymyzyň saýasynda ýurdumyzyň geljegi bolan ýaş nesiller barada edýän aladalaryň, bagtyýar Watanymyzyň waspy aýratyn beýan edildi. Bagtyýar çagalar özleri üçin döredip berýän giň şertleri üçin Hormatly Prezidentimize alkyşly sözlerini beýan etdiler. Aýgül Berdiliýewa.

TSTP-niň welaýat komiteti Mary nebitgaz orta hünär okuw mekdebi  bilen  bilelikde  “Türkmenistan — behişdi bedewleriň mekany” at bilen wagyz-nesihat duşuşygyny geçirdi. Ady agzalan orta  hünär okuw mekdebiniň mejlisler zalynda guralan bu çäre işjeň häsiýete eýe bolup, oňa TSTP-niň welaýat komitetiniň işgärleri, telekeçiler, mekdebiň mugallymlarydyr talyp ýaşlary gatnaşdylar.  Maslahatda TSTP-niň welaýat komitetiniň başlygy Täzegül Jumadurdyýewa, telekeçi Berdimuhammet Çaryýew, ýokarda ady agzalan mekdebiň mugallymlary Göwher Gurtlyýewa, Hoşgeldi Berdimyradow çykyş etdiler. Maslahatda çykyş edenler üstümizdäki ýylyň “Garaşsyz, baky Bitarap Türkmenistan — bedew batly at-myradyň mekany” diýlip atlandyrylmagynyň çuň many-mazmuny, behişdi bedewlerimiziň şan-şöhraty barada täsirli gürrüň berdiler. Hormatly Prezidentimiziň tagallalary bilen Garaşsyz döwletimizde atçylygy ösdürmekde durmuşa geçirilýän işler dogrusynda durup geçdiler. Röwşen GELDIMYRADOW.

Ýakynda etrap merkezi kitaphanasynda TDP-niň, TAP-nyň etrap komitetleri, TMÝG-niň etrap geňeşi, etrap medeniýet bölümi bilen bilelikde wagyz-nesihat duşuşygyny geçirdiler. “Zyýanly endiklerden daşda duralyň!” atly bu çäre etrap merkezi kitaphanasynda guralyp, oňa ýokarda atlary agzalan guramalaryň we medeniýet bölüminiň işgärleri, etrabyň edara-kärhanalarynda zähmet çekýän ýaşlar gatnaşdylar. Duşuşykda TDP-niň etrap komitetiniň hünärmeni Gunça Welsähedowa, TAP-nyň etrap komitetiniň hünärmeni Uzuk Hommatdurdyýewa, TMÝG-niň etrap geňeşiniň baş hünärmeni Güljan Şabasanowa, etrap merkezi kitaphanasynyň bölüm müdiri Bilbil Nurýagdyýewa çykyş etdiler. Olar ýurdumyzda neşekeşlikdir zyýanly endikleriň öňüni almakda, aýratynam, ýaşlaryň zyýanly endiklerden daşda bolmagyny gazanmakda geçirilýän işler dogrusynda täsirli gürrüň etdiler. Orazjemal  BERDIÝEWA.

Döwlet nyşanlarymyzy we Baş Kanunymyzy sarpalamak, olaryň many-mazmunyny ýaş nesilleriň kalbyna siňdirmek maksady bilen welaýat kitaphanasynyň kiçi mejlisler zalynda welaýat kitaphanasynyň hem-de Türkmengala etrap merkezi kitaphanasaynyň bilelikde guramagynda «Döwletimiziň mukaddes nyşanlary» atly maslahat geçirildi. Oňa kitaphanaçylar, harby gullukçylar, welaýatyň «Marguş» çagalar we ýetginjekler döredijilik öýüniň çagalary, Mary şäherindäki daşary ýurt dillerine ýöriteleşdirilen 11-nji we 23-nji orta mekdepleriň okuwçylary gatnaşdylar. Maslahatyň dowamynda belent sepgitleri we watançylyk ýörelgelerini öz içine alýan birnäçe gymmatly çykyşlara giň orun berlip, onda Türkmengala etrap merkezi kitaphanasynyň kitaphanaçysy Oguljan Paýzyýewa, Türkmenistanyň Döwlet Serhet gullugynyň serkerdesi Merdan Muhamow, welaýat kitaphanasynyň kitaphanaçysy Göwher Ataýewa çykyş etdiler. Olar parahatçylygyň we durnuklylygyň nyşany bolan Döwlet baýdagymyza goýulýan sarpanyň ýokarydygy, onuň giň many-mazmuna eýedigi, Baş Kanunymyzda bellenilýän her bir maddanyň halkymyzyň bähbidine gönükdirilendigi hakynda giňişleýin gürrüň etdiler.  Maslahatyň dowamynda «Marguş» çagalar we ýetginjekler döredijilik öýüniň «Ýaş jahankeşde» gurnagynyň ýolbaşçysy Gülnar Meredowanyň okuwçylarynyň döwlet nyşanlarymyzy, asuda we bagtyýar durmuşymyzy wasp edýän şygyrlary labyzly we joşgunly okap bermekleri gatnaşyjylaryň ählisinde ýakymly ýatlamalary galdyrdy. Merjen ATAÝEWA.  

Welaýat kitaphanasynyň mejlisler zalynda Türkmenistanyň Konstitusiýasynyň we Türkmenistanyň Döwlet baýdagynyň gününe bagyşlanylyp, TDP-niň, TAP-nyň welaýat komitetleriniň, TKA-nyň welaýat birleşmesiniň, TMÝG-niň welaýat geňeşiniň bilelikde guramagynda “Ýazdan görk alan tugum!” ady bilen maslahat geçirildi. Maslahata Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary, ýokarda atlary agzalan edaralaryň we jemgyýetçilik guramalarynyň işgärleri, talyp ýaşlar gatnaşdylar.  Maslahatda TMÝG-niň welaýat geňeşiniň başlygy, Türkmenistanyň Mejlisiniň deputaty Maksat Janmyradow, TDP-niň Mary şäher komitetiniň başlygy Hekimberdi Orazberdiýew, Mary etrabyndaky 8-nji orta mekdebiň mugallymy, KA-nyň ilkinji guramasynyň başlygy Muhammetmyrat Allakulyýew çykyş etdiler. Çykyş edenler Berkarar döwletiň täze eýýamynyň Galkynyşy döwrüniň her bir gününiň toý-baýramlara beslenýändigi, Türkmenistanyň Konstitusiýasynyň we Türkmenistanyň Döwlet baýdagynyň gününe bagyşlanan baýramçylyk dabaralarynyň ýurdumyzyň ähli ýerlerinde ýokary derejede geçirilýändigi dogrusynda giňişleýin gürrüň etdiler.  Sapargül HANOWA.  

 Türkmenistanyň Konstitusiýasynyň we Türkmenistanyň Döwlet baýdagynyň gününe bagyşlanylyp, TAP-nyň welaýat, Mary şäher komitetleriniň bilelikde guramagynda  TKA-nyň welaýat birleşmesiniň mejlisler zalynda “Ýaşyl Tugy täç edinip, öňe barýar eziz Watan!” ady bilen maslahat geçirildi. Maslahata Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary, TAP-nyň welaýat, şäher komitetleriniň işgärleri gatnaşdylar.  Maslahatda TAP-nyň welaýat komitetiniň bölüm müdiri Güljemal Nazarowa, TKA-nyň Şatlyk şäher birleşmesiniň başlygy Gurbanmuhammet Babaýew, TAP-nyň Murgap etrap komitetiniň hünärmeni Näzik Mukymowa çykyş etdiler. Çykyş edenler eziz Watanymyzyň her bir gününiň toý-baýramlara beslenýändigi, Türkmenistanyň Konstitusiýasynyň we Türkmenistanyň Döwlet baýdagynyň güni  mynasybetli geçirilýän  baýramçylyk çäreleriniň ýurdumyzyň ähli ýerinde giňden dabaralanýandygy dogrusynda giňişleýin gürrüň etdiler.  Mähriban MUHAMMETMYRADOWA.  

Ýaş nesilleriň arasynda sagdyn durmuş ýörelgelerini giňden wagyz etmek, olary köpçülikleýin sporta çekmek maksady bilen, TMÝG-niň şäher geňeşiniň göçme kubogyny almak ugrunda şäheriň orta mekdeplerinde bilim alýan oglanlaryň arasynda futbol boýunça ýaryş geçirildi. TMÝG-niň şäher geňeşiniň, welaýat baş bilim müdirliginiň, şäher polisiýa bölüminiň, welaýat saglygy goraýyş müdirliginiň, welaýat bedenterbiýe we sport baradaky baş müdirliginiň bilelikde guramagynda geçirilen ýaryş diýseň çekeleşikli boldy.  «Sport — ýaşlaryň gujurly güýji» ady bilen guralan ýaryş utulan çykdy usulynda bolup, onda toparlardaky okuwçylar öz ussatlyklaryny görkezdiler. Ýaryşa welaýat bedenterbiýe we sport baradaky baş müdirliginiň futbol boýunça tälimçileri eminlik etdiler. Emin agzalarynyň adalatly baha bermeginde TMÝG-niň şäher geňeşiniň göçme kubogyna şäherdäki 27-nji orta mekdebiniň okuwçylary mynasyp boldy. Şeýle-de, 6-njy orta mekdebiň okuwçylary 1-nji, iňlis dili we ynsançylyk ugurly okuw derslerini çuňlaşdyrylyp öwredilýän ýöriteleşdirilen welaýat mekdebiniň okuwçylary 2-nji, 14-nji orta mekdebiň okuwçylary 3-nji orunlary eýelediler.  Ýeňiji bolan toparlara TMÝG-niň şäher geňeşiniň Hormat hatlary hem-de ýadygärlik sowgatlary dabaraly ýagdaýda gowşuryldy.   Annagözel SARYÝEWA. 

Golaýda welaýat çagalar kitaphanasynyň guramagynda şäher, etrap merkezi kitaphanalarynyň çagalar bölümçeleriniň kitaphanaçylarynyň gatnaşmagynda geňeş maslahaty geçirildi. “Okaýşa ýolbaşçylyk etmegiň köpçülikleýin usullary we görnüşleri” ady bilen geçirilen maslahat ähli kitaphanaçylar üçin örän täsirli boldy.  Maslahatda kitaphanaçylar özara tejribe alyşdylar. Onuň dowamynda çagalaryň kitaba bolan söýgüsini artdyrmak we okyjylar bilen işleşmegiň döwrebap usullaryndan peýdalanmak ýaly temalardan giňişleýin gürrüň etdiler. Maslahaty welaýat çagalar kitaphanasynyň direktory Emine Gurbanmyradowa açdy we alyp bardy. Şeýle-de, maslahatda welaýat çagalar kitaphanasynyň bölüm müdiri Ýazsoltan Jumadurdyýewa, Mary etrap merkezi kitaphanasynyň kitaphanaçysy Enejan Salyhowa, Wekilbazar etrap merkezi kitaphanasynyň kitaphanaçysy Bossan Amannazarowa çykyş etdiler. Olar bu maslahatyň welaýatymyzyň kitaphana işgärleriniň hünär derejesini has-da ýokarlandyrmaga ýardam etjekdigini nygtadylar.  Geňeş maslahatynyň barşynda kitaphanaçylar tarapyndan hödürlenen täze usullar — bäsleşikler, edebi agşamlar we sanly ulgam arkaly kitaphananyň işini mahabatlandyrmak ýaly meseleler hemmelerde uly gyzyklanma döretdi. Aýnabat ORAZOWA.

Golaýda Mary şäherindäki Akmämmet Ýazow adyndaky 6-njy orta mekdepde ýurdumyzyň çar künjeginden myhmanlaryň gatnaşmagynda mekdebiň 80 ýyllygyna hem-de mekdebe Akmämmet Ýazowyň adynyň dakylmagynyň 40 ýyllygyna bagyşlanylyp “Bütin geljegim üçin minnetdar saňa, mekdep!” atly dabara  aýdym-sazly dabaraly çäre geçirildi. Oňa bu mekdebi tamamlan uçurymlar, Akmämmet Ýazowyň synpdaşlary, dogan-garyndaşlary, döredijilik adamlary, mekdebiň mugallymlary hem-de okuwçylary gatnaşdylar.  Dabarany mekdebiň müdiri Oguljan Rejebowa açdy we alyp bardy. Ol sözüniň başynda: “Akmämmet Ýazow söweş meýdanynda mertlerçe wepat bolsa-da, onuň ruhy, onuň ady biziň aňymyzda, mekdebimizde ebedilik galdy. Watany söýmek biziň her birimiziň mukaddes borjumyzdyr” diýip, uly buýsanç bilen aýtdy.  Tolgundyryjy geçen dabarada bu mekdebiň uçurymy, meşhur şahyr Nury Baýramowyň 10-njy synpda okap ýören döwri ýazan “Eý, mekdebim, jana-jan!” goşgusy şu günki güne bagyşlanylyp ýazylan ýaly örän täsirli ýaňlandy. Mekdebi tamamlap, ýurdumyzyň dürli künjeklerinde zähmet çekýän sungat ussatlary, ylym -bilim işgärleri, aýratyn hem eziz Watany, mähriban halky üçin söweşde wepat bolan Akmämmet Ýazow tolgunma bilen ýatlanyldy. Dabaranyň dowamynda A. Ýazowyň geçen gahrymançylykly ýoly barada gürrüň edildi. Täsirli gürrüňler, dabaraly çykyşlar hemmeleri tolgundyrdy. A. Ýazowyň ýaşlyk ýyllarynda Watan, ene hakynda ýazan goşgulary mekdebiň okuwçylarynyň dilleriniň senasyna öwrülipdir. Biz muňa dabaranyň dowamynda has-da aýdyň göz ýetirdik.  Soňra dabara mekdebiň mugallymy Bazargeldi Çerkezowyň taýýarlan aýdym-sazly çykyşlary bilen utgaşyp gitdi. Mekdebiň 5-nji synp okuwçylarynyň gatnaşmagyndaky hor toparynyň “Bedew batly bu ýylda”, “Watan waspy”, “Mekdep mugallymyma”, “Eý, mekdebim, jana-jan!”, Akmämet Ýazow barada aýdym-sazly kompozisiýa , “Bahar çemeni”, “Küştdepdi”, “Öňe, öňe, diňe öňe, jan Watanym — Türkmenistan!” ýaly çykyşlary hemmeleriň ünsüni özüne çekdi. A. Ýazowyň ýaşlygyna garamazdan, Watana, zähmeti söýmeklige bagyşlap ýazan goşgularyny, “Üznüksiz önümçilik işi” atly ýazuw işini, düzmelerini, eserlerini oňa gatnaşanlar buýsanç bilen synladylar.  Mekdebiň taryh mugallymy Dünýägözel Baýramowanyň hem söweşde wepat bolan Akmämmet Ýazow hakynda ýazan şygyrlary baýramçylyk dabarasyna ruhubelentlik çaýdy.  Dabaranyň ahyrynda myhmanlar mekdebiň usuly birleşmesiniň taýýarlan usuly işlerine tomaşa etdiler. Mekdep okuwçylarynyň bu dabara taýýarlan sergisi hem oňa gatnaşanlarda uly täsir galdyrdy. Dabaranyň ahyrynda oňa gatnaşanlar duz-çörek iýip, öten-geçenleriň ruhuna aýat-töwir okadylar.  Ogulşat BERKELIÝEWA.

Döwlet nyşanlarymyzy we Baş Kanunymyzy sarpalamak, olaryň many-mazmunyny ýaş nesilleriň kalbyna siňdirmek maksady bilen welaýat kitaphanasynyň kiçi mejlisler zalynda welaýat kitaphanasynyň hem-de Türkmengala etrap merkezi kitaphanasaynyň bilelikde guramagynda «Döwletimiziň mukaddes nyşanlary» atly maslahat geçirildi. Oňa kitaphanaçylar, harby gullukçylar, welaýatyň «Marguş» çagalar we ýetginjekler döredijilik öýüniň çagalary, Mary şäherindäki daşary ýurt dillerine ýöriteleşdirilen 11-nji we 23-nji orta mekdepleriň okuwçylary gatnaşdylar. Maslahatyň dowamynda belent sepgitleri we watançylyk ýörelgelerini öz içine alýan birnäçe gymmatly çykyşlara giň orun berlip, onda Türkmengala etrap merkezi kitaphanasynyň kitaphanaçysy Oguljan Paýzyýewa, Türkmenistanyň Döwlet Serhet gullugynyň serkerdesi Merdan Muhamow, welaýat kitaphanasynyň kitaphanaçysy Göwher Ataýewa çykyş etdiler. Olar parahatçylygyň we durnuklylygyň nyşany bolan Döwlet baýdagymyza goýulýan sarpanyň ýokarydygy, onuň giň many-mazmuna eýedigi, Baş Kanunymyzda bellenilýän her bir maddanyň halkymyzyň bähbidine gönükdirilendigi hakynda giňişleýin gürrüň etdiler.  Maslahatyň dowamynda «Marguş» çagalar we ýetginjekler döredijilik öýüniň «Ýaş jahankeşde» gurnagynyň ýolbaşçysy Gülnar Meredowanyň okuwçylarynyň döwlet nyşanlarymyzy, asuda we bagtyýar durmuşymyzy wasp edýän şygyrlary labyzly we joşgunly okap bermekleri gatnaşyjylaryň ählisinde ýakymly ýatlamalary galdyrdy. Merjen ATAÝEWA.  

 Türkmenistanyň Konstitusiýasynyň we Türkmenistanyň Döwlet baýdagynyň gününe bagyşlanylyp, TAP-nyň welaýat, Mary şäher komitetleriniň bilelikde guramagynda  TKA-nyň welaýat birleşmesiniň mejlisler zalynda “Ýaşyl Tugy täç edinip, öňe barýar eziz Watan!” ady bilen maslahat geçirildi. Maslahata Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary, TAP-nyň welaýat, şäher komitetleriniň işgärleri gatnaşdylar.  Maslahatda TAP-nyň welaýat komitetiniň bölüm müdiri Güljemal Nazarowa, TKA-nyň Şatlyk şäher birleşmesiniň başlygy Gurbanmuhammet Babaýew, TAP-nyň Murgap etrap komitetiniň hünärmeni Näzik Mukymowa çykyş etdiler. Çykyş edenler eziz Watanymyzyň her bir gününiň toý-baýramlara beslenýändigi, Türkmenistanyň Konstitusiýasynyň we Türkmenistanyň Döwlet baýdagynyň güni  mynasybetli geçirilýän  baýramçylyk çäreleriniň ýurdumyzyň ähli ýerinde giňden dabaralanýandygy dogrusynda giňişleýin gürrüň etdiler.  Mähriban MUHAMMETMYRADOWA.  

“Garaşsyz, baky Bitarap Türkmenistan — bedew batly at-myradyň mekany” ýylynyň şanly senesi bolan Türkmenistanyň Konstitusiýasynyň we Türkmenistanyň Döwlet baýdagynyň güni uly şatlyk-şowhuna beslendi. Ýurdumyzyň ähli ýerlerinde bolşy ýaly, bu baýramçylygyň dabarasy biziň welaýatymyzda-da giňden ýaýbaňlandyryldy. Mary şäherindäki Baş baýdak meýdançasy ir säherden köp adamly boldy. Toý lybasly meýdançadaky ýaşyl Baýdaklaryň buýsançly görnüşi dabaranyň şowhunyny has-da artdyrdy. Bu sene mynasybetli bu ýere ýygnanan adamlaryň ruhubelentligi dabara baýramçylyk öwüşginini çaýdy.  Baýramçylyk mynasybetli Döwlet baýdagyny galdyrmak dabarasyna welaýat häkimliginiň ýolbaşçylary, şäher, etrap häkimleri, Türkmenistanyň Mejlisiniň deputatlary, edara-kärhanalaryň ýolbaşçylary, syýasy partiýalaryň we jemgyýetçilik guramalarynyň hem-de ýaşuly nesliň wekilleri we ýaşlar gatnaşdylar. Dabarada Marynyň Ýolaman Hummaýew adyndaky ýörite sazçylyk mekdebiniň talyplarynyň ýerine ýetirmeklerinde Türkmenistanyň Döwlet senasy ýaňlandy we buýsançly owazyň astynda Döwlet baýdagy galdyryldy. Baýdak galdyrmak dabarasynda welaýatyň häkimi Döwranberdi Annaberdiýew, Sakarçäge etrabynyň ýaşaýjysy Tuwakmyrat Jumaýew, welaýat statistika müdirliginiň bölüm başlygy, Türkmenistanyň Mejlisiniň deputaty Jumageldi Ataýew, welaýat halk maslahatynyň başlygy Maksat Atajanow çykyş etdiler. Çykyş edenler dabara gatnaşyjylary Türkmenistanyň Konstitusiýasynyň we Türkmenistanyň Döwlet baýdagynyň güni bilen mähirli gutladylar. Hormatly Prezidentimiz Arkadagly Gahryman Serdarymyzyň baştutanlygynda durmuşa geçirilýän giň möçberli işler, ýetilen sepgitler dogrusynda buýsançly gürrüň etdiler. Soňra bu dabara aýdym-sazly çykyşlara utgaşdy. Welaýatymyzyň medeniýet we sungat ussatlarynyň aýdym-sazly çykyşlary, tansçylaryň şowhunly tanslary baýramçylyk dabarasynyň şatlyk-şagalaňyny artdyrdy. Aýparça AKYMOWA.

Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli Türkmenistanyň Agrar Partiýasynyň Mary welaýat we Mary şäher komitetleriniň hem-de Mary  welaýat Taryhy we ülkäni öwreniş muzeýiniň bilelikde gurnamaklarynda terbiýeçilik ähmiýetli, wagyz – nesihat çäresi geçirildi. Bu dabara Türkmenistanyň Agrar Partiýasynyň welaýat, şäher, etrap komitetleriniň işgärleri we işjeň agzalary we muzeý işgärleri uly ruhubelentlikde  gatnaşdylar. Dabaranyň dowamynda çykyş edenler beýik özgertmeleriň we ösüşleriň ýoly bilen öňe barýan eziz ýurdumyzda  ynsanperwerlik, parahatçylyk söýüjilik, hoşniýetli goňşyçylyk ýörelgelerini öňe sürýän Arkadagly Gahryman  Serdarymyzyň ýolbaşçylygynda Konstitusiýamyza we Döwlet baýdagymyza belent sarpa goýulýar we bu goşa baýramyň Diýarymyzda ýokary ruhubelentlikde bellenilmegi halkymyzy täze ýeňişlere ruhlandyrýan diýip uly buýsanç bilen belläp geçdiler. Şeýle-de  Hormatly Prezidentimiziň döwletli baştutanlygynda halkymyzyň milli öwüşginli medeni mirasyny  goramak, aýawly saklamak we muzeýleşdirmek işleriniň üstünlikli alnyp barylýandygyny we  ýurdumyzda hereket edýän döwlet muzeýlerindäki gadymy türkmen taryhynyň öçmez syrlary bolan milli medeni gymmatlyklarymyzyň, taryhy tapyndylarymyzyň sanynyň barha artýandygyny aýratyn nygtap geçdiler. Hormatly Prezidentimiziň ýolbaşçylygynda halkymyzyň geçmiş taryhyny, milli mirasyny gorap, geljekki nesillere miras goýmak, muzeý gymmatlyklarynyň üsti bilen Watanymyzyň şöhratly taryhyna söýgi döretmek, şeýle-de, muzeý hünärmenleriniň hünär ussatlygyny kämilleşdirmek dogrusynda täsirli gürrüňler edildi. Dabara gatnaşan bagtyýar adamlar asudalygyň we bagtyýarlygyň nyşany bolan, parahatçylyk we adalatlylyk baradaky milli düşünjeleri özünde jemleýän  Konstitusiýamyz,  dostlugymyzyň we hoşniýetliligimiziň nyşany hökmünde ýer ýüzünde belentde pasyrdaýan Döwlet baýdagymyz biziň milli guwanjymyzdyr, dünýä ýaň salýan abraýymyz we mertebämizdir diýip ýürek buýsançlaryny belläp geçdiler. Dabara gatnaşanlar halkymyzyň medeni mirasyny  goramak, aýawly saklamak we geljekki nesillere miras goýmak ugrunda giň mümkinçilikleri döredip berýän Hormatly Prezidentimiziň janynyň sag bolmagyny, ömrüniň uzak bolmagyny, alyp barýan döwlet ähmiýetli işleriniň diňe rowaçlyklara beslenmegini tüýs ýürekden arzuwladylar. Aýnabat Annagurbanowa.

    Türkmenistanyň Kärdeşler Arkalaşyklarynyň Mary welaýat birleşmesiniň gurnamagynda Türkmenistanyň Konstitusiýasynyň we Döwlet baýdagynyň güni mynasybetli okuw maslahaty geçirildi.Okuw maslahatyna Türkmenistanyň Kärdeşler Arkalaşyklarynyň welaýat çäk birleşmeleriniň,pudaklaýyn geňeşleriniň we ilkinji guramalarynyň ýolbaşçylary,bölüm müdirleri,hünärmenleri gatnaşdylar. Bu ýerde çykyş eden adamlar maslahata gatnaşanlary Türkmenistanyň Konstitusiýasynyň we Döwlet baýdagynyň güni mynasybetli gutladylar.Şeýle-de Hormatly Prezidentimiziň alyp barýan il-ýurt bähbitli syýasatlaryny wagyz etmekde,ilkinji guramalaryň alyp barýan işleriniň netijeliligini ýokarlandyrmakda durmuşa geçirilýän işler dogrusynda durup geçdiler. Kärdeşler Arkalaşygy guramalaryna täze iş usullaryny ornaşdyrmak, iş  tejribesini alyşmak barada hem aýratyn nygtalyp geçildi.Okuw maslahatyna gatnaşanlar Kärdeşler Arkalaşyklarynyň işlerini özgertmekde amala aşyrýan işleri üçin Türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini aýtdylar. Çarymuhammet Saparow.

    “Garaşsyz baky Bitarap Türkmenistan bedew batly at myradyň mekany” ýylynda Türkmenistanyň döwlet energetika institutynda, “Türkmenistanyň konstitusiýasynyň we Türkmenistanyň Döwlet baýdagynyň güni” mynasybetli Türkmenistanyň Magtymguly adyndaky Ýaşlar guramasynyň Mary welaýat Geňeşi we şäher, etrap Geňeşleri hem-de Türkmenistanyň Döwlet energetika institutynyň bilelikde guramaklarynda  “Baýdagymyz-başymyzyň täjidir, Kanunymyz-kalbymyzyň güýjidir” atly aýdym-sazly maslahat duşuşygy geçirildi. Duşuşyga ýaşlar guramasynyň Mary welaýat geňeşiniň işgärleri, institutyň professor mugallymlary we talyp ýaşlary gatnaşdylar. Maslahatda çykyş edenler “Garaşsyz baky Bitarap Türkmenistan bedew batly at myradyň mekany” ýylynda ýurdumyzda alynyp barylýan işler we Garaşsyzlyk ýyllary içinde milli ykdysadyýetimizi ähli taraplaýyn ösdürmekde Esasy Kanunymyzyň  ähmiýeti we Watanymyzyň asudalygynyň, jebisliginiň, erkana ýaşaýşymyzyň nyşany hökmünde belentde parlaýan ýaşyl Tugumyzyň mukaddesligi dogrusynda giňişleýin gürrüňler etdiler. Maslahata gatnaşanlar il-ýurt bähbitli uly işleri durmuşa geçirýän, Watanymyzyň halkara abraýyny belende göterýän türkmen halkynyň Milli Lideri Gahryman Arkadagymyzyň we Arkadagly Gahryman Serdarymyzyň adyna alkyş sözlerini aýtdylar. Şeýle-de bu ýerde talyp ýaşlaryň aýdym-sazly çykyşlaryna-da uly orun berildi. Nurjahan Mämmedowa.

   Berkarar döwletiň täze eýýamynyň Galkynyşy döwründe Hormatly Prezidentimiz Arkadagly Gahryman Serdarymyzyň, Türkmen halkynyň Milli Lideri Gahryman Arkadagymyzyň parasatly baştutanlygynda türkmen halkymyz ösüşlerden ösüşlere barýar. Her bir günümiz toý – baýramlara, şanly wakalara beslenýär. Her ýyl Türkmenistanyň Konstitusiýasynyň we Döwlet baýdagynyň güni uly dabaralar bilen bellenip geçirilýär. Şu goşa mukaddeslige bagyşlanyp Türkmenistanyň Demokratik partiýasynyň Mary welaýat, Mary, Baýramaly şäher, Oguzhan, Mary, Wekilbazar, Sakarçäge, Baýramaly, Garagum, Türkmengala, Ýolöten, Murgap etrap komitetleriniň we welaýat Baş bilim müdirliginiň bilelikde gurnamagynda “Parahatlyk nyşany sen baýdagym, adalat Kanunym köňül aýdymym” atly dabaraly maslahat geçirildi. Maslahata Türkmenistanyň Mejlisiniň deputatlary, welaýat, şäher, etrap Halk Maslahatynyň agzalary, Türkmenistanyň Demokratik partiýasynyň Mary welaýat, şäher, etrap komitetleriniň işgärleri we işjeň agzalary, köpçülikleýin habar beriş serişdeleriniň wekilleri gatnaşdylar. Bu maslahatda edilen çykyşlarda Diýarymyzyň Garaşsyzlygyny, hemişelik Bitaraplygyny pugtalandyrmakda, raýatlarymyzyň hukuklaryny kepillendirmekde, milli ykdysadyýetimizi ähli taraplaýyn ösdürmekde Esasy Kanunymyzyň orny we ähmiýeti barada giňişleýin gürrüň edildi. Bu ýerde çykyş edenler Watanymyzyň asudalygynyň, jebisliginiň, erkana ýaşaýşymyzyň nyşany hökmünde belentde parlaýan ýaşyl Tugumyzyň mukaddesligi dogrusynda hem buýsançly söhbet etdiler. Maslahata gatnaşanlar il-ýurt bähbitli uly işleri durmuşa geçirýän, Watanymyzyň halkara abraýyny belende göterýän Hormatly Prezidentimiziň adyna alkyş we hoşallyk sözlerini beýan etdiler. Nabat Atajanowa.

«Garaşsyz, baky Bitarap Türkmenistan — bedew batly at-myradyň mekany» ýylyny ýeňişlere besleýän türkmen ili Arkadagly Gahryman Serdarymyzyň baştutanlygynda has-da bagtyýar ertirine barýar. Ajap eýýamymyzda toýlary goşa-goşadan gelýän halkymyz uly toýuna taýýarlyk görýär. Türkmenistanyň Konstitusiýasynyň we Döwlet baýdagynyň baýramynyň buýsançly aýratynlygy Garaşsyz, baky Bitarap döwletimiziň berkararlygynda jemlenýänligindedir. Esasy Kanunymyz ýurdumyzyň berkararlygyny hukuk taýdan ykrar edip, ähli ugurlardaky ösüşlerimiziň hukuk binýadyny pugtalandyrýar.   Türkmenistanyň Konstitusiýasynyň kabul edilen güni gadymy türkmen halkynyň demokratik, hukuk we dünýewi döwleti gurmakdaky wajyp hem-de aýgytly ädimi hökmünde taryha girdi. Bilşimiz ýaly, Konstitusiýamyz Garaşsyz, baky Bitarap döwletimiziň Esasy Kanuny bolmak bilen, ýurdumyzyň hereket edýän kanunçylygynyň binýady bolup durýar. Onda döwletiň gurluşynyň hukuk ýagdaýy kesgitlenilýär.   Esasy Kanunymyzda Döwlet baýdagymyzyň Türkmenistanyň özygtyýarly döwlet hökmündäki nyşanlaryň biridigi bellenen. Döwlet baýdagymyz döwletimiziň özygtyýarlylygyny we berkararlygyny alamatlandyrýan mukaddeslikdir. Merdana ata-babalarymyz şan-şöhrata beslenen gahrymançylykly asyrlary  aşyp, bu gün türkmen ili abraý-mertebesi dünýä dolan Garaşsyz, Bitarap Türkmenistan döwletine guwanýar we buýsanýar.  Güljeren MYRADOWA.

Berkarar döwletiň täze eýýamynyň Galkynyşy döwründe Türkmenistanyň Konstitusiýasynyň we Döwlet baýdagynyň baýramynyň bilelikde bellenilmegi çuň mana eýedir. Halkymyz bu iki mukaddeslige uly sarpa goýýar. Baýdak ýurduň geçmişini, şu gününi we geljegini özünde jemleýär. Türkmen halky parahatçylygy we abadançylygy hemişe arzuw edip gelipdir. Bu arzuwlar biziň Döwlet baýdagymyzda öz beýanyny tapýar. Bu bolsa, halkymyzyň ruhy-ahlak däplerine, watansöýüjilik ýörelgelerine, şöhratly ata-babalarymyzyň wesýetine pugta eýerilýändigini subut edýär. Türkmenistanyň Döwlet baýdagy Birleşen Milletler Guramasynyň edara binasynyň we beýleki iri halkara guramalarynyň öňünde, dünýäniň köp sanly döwletlerinde, şeýle hem ähli şäherlerimizde we obalarymyzda buýsançly parlaýar.  Türkmenistanyň Konstitusiýasynda ýurdumyzda jemgyýetiň we döwletiň iň gymmatly hazynasynyň adamdygynyň aýratyn nygtalyşy ýaly, Berkarar döwletimizde amala aşyrylýan özgerişleriň halkymyzyň ýaşaýyş-durmuşyny has-da ýokary götermäge, jemgyýetiň kadaly we durnukly ösüşini üpjün etmäge gönükdirilýändigi örän buýsandyryjydyr. Watanymyzda durmuş-ykdysady ösüşde, medeni-ynsanperwer ulgamda hem-de jemgyýetçilik-syýasy durmuşda gazanylýan üstünlikler, ýetilýän belent sepgitler geriminiň giňligi bilen häsiýetlenýär. Döwletli Diýarymyzda dabaraly bellenilip geçilýän toý baýramlar bolsa, şol ajaýyp üstünliklere, belent sepgitlere çuň many öwüşginini çaýýar.   Halkymyz bagtyýar durmuşda ýaşaýandygy üçin Gahryman Arkadagymyza, Arkadagly Gahryman Serdarymyza alkyş sözlerini aýdýar.   Myrat ATAÝEW. 

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri