Hormatly Prezidentimiziň alyp barýan sport syýasaty ýurdumyzda sagdynlygyň we ruhubelentligiň ýörelgesiniň rowaçlanmagyna ýol açýar. Halkymyzyň saglygyny goramakda we berkitmekde bedenterbiýäni we sporty ösdürmegiň bähbitli netijesine uly ähmiýet berilýär. Şu maksat bilen Garaşsyz döwletimizde ilaty sporta köpçülikleýin çekmekde uly tagallalar edilýär. Şeýle tagallalar özüniň oňyn netijesinem berýär.  Döwlet Baştutanymyzyň sport syýasatynyň gadamynyň batlanýandygyna türkmen türgenleriniň  halkara ýaryşlarynda gazanýan üstünliklerem şaýatlyk edýär. Ýurdumyzyň çar künjeginde gurlup, ulanylmaga berlen döwrebap stadionlarda, sport mekdeplerinde we sport desgalarynda döredilen giň mümkinçilikler türgenlerimiziň ýeňişli menzillerine oňyn täsirini ýetirýär. Garaşsyz döwletimiziň sporty ösdürmäge gönükdirilen halkara ähmiýetli başlangyçlaram bütin dünýäde uly goldawa eýe bolýar. Aýratynam,  halkara sport ýaryşlarynda ýeňiş gazanýan türgenlerimiziň üstünliklerine ýokary baha berilýär. Mälim bolşy ýaly,  hormatly Prezidentimiziň Aşgabat şäherindäki Olimpiýa şäherçesiniň başa-baş söweş sungaty sport toplumynda dünýä derejesindäki sport ýaryşlarynda baýrakly orunlara mynasyp bolan türgenlere we tälimçilere gymmat bahaly sowgatlary dabaraly ýagdaýda gowşurmagy türkmen türgenlerini täze üstünliklere ruhlandyrdy.  Azat ARSLANOW.  

Pasyl çalşygynda keselleriň öňüni almak üçin maslahatlar: Ýaz paslynyň her bir gününiň şemally, ýagmyrly, salkyn we yssy bolup bilýändigini we howanyň derejesiniň üýtgäp durýandygyny nazara alyp, paslyň talaplaryna laýyklykda geýinmeli. Bedeniň kesele garşy göreşijilik ukybynyň ýokary bolmagyny gazanmak üçin sagdyn durmuş ýörelgesini berjaý etmeli.  Ir säher we agşamara arassa howada ýarym sagat pyýada ýöremeli. Bedenterbiýe we sport bilen meşgullanmaly. Şahsy we jemgyýetçilik arassaçylyk tertip-düzgünlerini berjaý etmeli. Elleri elmydama arassa ýagdaýda saklamaly we ýygy-ýygydan sabyn bilen ýuwmaly.  Rahat ukyny almaly. Iş bilen dynç alşy utgaşdyrmaly. Sagdyn iýmitlenmeli. Witaminlere we mikroelementlere baý ter gök önümleri we miweleri iýmeli. Ýiti iýmit zäherlenmeleriň we ýiti içege ýokanç keselleriniň öňüni almak maksady bilen, iýmit önümlerine bildirilýän gigiýeniki talaplaryny doly we dogry berjaý etmeli.  Demir we aýna gaplara gaplanan iýmit önümlerini paslyň yssy günlerinde ürç edip kabul etmekden saklanmaly. Olary diňe söwda merkezlerinden satyn almaly. Öý şertlerinde olary belgileniş nyşanynda görkezilen möhletine laýyklykda saklamaly we ulanmaly.  Gan basyşyňyzy we ganyň düzümindäki süýjüni elmydama gözegçilikde saklamaly. Lukmanyň beren bejergisini talabalaýyk ýerine ýetirmeli. Ýiti respirator ýokanç keseliniň ilkinji alamatlary ýüze çykan ýagdaýynda hökman maşgala lukmanyna ýüz tutmaly.  Türkmenistanyň Saglygy goraýyş we derman senagaty ministrliginiň Saglygy  goraýşyň habarlar merkezi.

Tejene toýa bardyk. Toý gazanlary, taňkalar lasyrdap gaýnaýardy. Hyzmat edýän ýetginjekler mesaýy gürrüň edip oturan on-on bäş sany ýaşula atymyny ýetirip, guşdyrnak gök çaýy gara taňka demläp getirýärdiler. Bizem silkme telpeklerini gapdalyna goýup, tirsekläp, çaýyň mazasyny görüp ýatan ýaşulularyň gapdalynda jaýlaşdyk. Edilýän gürrüňleri diňläp oturşymyza ýaşulularyň gürrüňiniň ýer-ýurt baradadygyna göz ýetirdik. Oturan ýaşulularyň takmynan iň ulusy bolan goja käsesini bir gapdala goýdy-da: — Inim, Hoja, bu gürrüňleriň hemmesini seniň ataň has köp bilerdi. Ol kakasyndan, atasyndan eşiden gürrüňlerini haçan gerek bolsa, şänik döwen ýaly edýärdi. Ýady gowudy, eşidenlerini berk ýatda saklardy. Biz ýaşdyk, şol wagtlar eşidenimizi ýatda saklamandyrys. Indi bolsa giç. Ynha, öz ýaşaýan ýerimize Tejen diýýäris. Şu adyň hem öz taryhy bardyr ahyry — diýende, oturanlardan biri: — Men Tejen adynyň taryhy barada bilýänimi aýdaýyn — diýip, söze başlady. Şonda ol ýaşuly mundan ýüz ýyldan hem has aňyrrakda, garyp halkyň göçüp-gonup ýören döwürlerinde häzirki Tejen derýasynyň suwunyň bol bolup, öz akýan hanasyndan hem çykyp, demirgazyga tarap — aşaklygyna öz ugruna akandygyny, halkyň hem kem-kemden bir ýere toplanyp ýaşap başlandygyny düşündirdi. Şol wagtlar Tejen derýasynyň suwunyň ugrunda ýaşaýan ilatyň derýanyň boýunda maldarçylyk, ekerançylyk bilen meşgul bolar ýaly ýeri peýläp oturýandygyny aýtdy. Haçan-da bolsa, bir wagt derýanyň suwy joşup gelende: “Tijeniň, geçen ýagyndan soň derýanyň suwy joşar...” diýlip, habar ýaýranda  adamlar derýanyň hanasyndan daşa çykyp ýaşapdyrlar. Käte derýanyň bol suwy akymyň aýagynda giden giň çöle siňip gider eken. Şonda joşan derýanyň suwunyň ýaýran ýerleri görlüp, çöl ýerlerde takyrlara akan ýerlerindäki suwlaryň siňip, ýeriň ekin ekmäge amatly bolup, taba gelendigi oba habar berlipdir. Şonda adamlar: “Tijeniň, ýer tapdan çykmanka ekin ekmäge, düme ekmäge wagt boldy...” diýşip, şol ýere göçüpdirler. Şol ekinlerden hem bol hasyl alnypdyr. Şeýlelikde, ilatyň bir ýerde kowçum bolup ýaşap başlamagy bilen demirýoluň geçirilip, “tijen” sözüniň rus dilinde “Tedžen” diýilmeginiň, Tejen stansiýasy diýen adyň döremegine sebäp bolan bolmagy ahmaldyr. 1939-njy ýylda derýadan akan güýçli sil suwy oturymly halka zyýan ýetirýär. Şondan soň Tejen şäheri täzeden gurulýar. Ol ýerden akýan derýanyň adynyň hem Tejen şäherinden geçýändigi sebäpli, Tejen derýasy bolup galan bolmagy mümkin. Meret GURBANOW.  

Gadym döwürlerde Lukman Hekime şäherlileriň biri: «Hormatly Lukmanymyz, eger rugsat berseňiz, bir soragym bar!» diýen. Daşy nepislik bilen örtülip, arap hatlary bilen sünnälenip, haşamlanyp, ýazylan küti kitaby okap, pikir derýasyna çümüp oturan Lukman baş üstüne diýen manyda baş atypdyr. Şäherli: — Ölümiň öňüni almak mümkinmidir? — diýen. — Bu sowala jogap bermek mümkindir — diýip, Lukman şuny aýdan: — Ölümiň dermanyny näçe ýyllar gözlesem-de tapyp bilemok, ýöne ömri uzaltmagyň ýollaryny-ha öwrendim — diýýär. Onda şäherli: «Maňa-da öwretsene» diýip, Lukmana ýalbarýar. Lukman Hekim: «Bolýar, merhemetli kişi, öwredäýerin, ýörüň, ilki sizi öz ýetişdiren bagyma aýlaýyn» diýen. Olar bilelikde Lukman Hekimiň bagyna aýlanýarlar. Şonda Lukman Hekim eline çynar hem armyt nahalyny alyp, şäherlä: — Şu çynar nahalyny ösdürip, ýagşy seredip, şahalaryndan özüňe jaý salarsyň, armyt nahalyny ýetişdiribem, şägirtlerim bilen birlikde miwe bilen hezzetlemäge çagyrarsyň, şeýdibem menden ömür dermanyny alarsyň — diýipdir. Şäherli Lukman Hekimiň sargytlaryny berjaý etjek bolup, her gün açyk howada gam-gussasyz zähmet çekipdir, ýaşy bolsa ýüzi arkalapdyr. Şeýdip Lukman Hekimden pany dünýäniň umytlarynyň myradyňa ýetirýändigini, agtyk, çowluk görmäge maý berýändigini öwrenipdir. Taýýarlan Kakajan GAÝYBOW.  

Uly şäherleriň birinde ady belli, meşhur skripkaçynyň  konserti boldy. Çykyşynyň dowamynda skripkaçy birden durdy-da, gözlerini ýumdy we meýilnamada ýok, ýönekeý, ýöne unudylmajak owadan sazy çaldy. Tomaşaçylaryň hemmesi muňa haýran galdy.  Çykyşdan soň bir habarçy: “Näme üçin ol ýönekeý sazy çaldyňyz?” diýip, ondan sorady. Skripkaçy gözlerini ýaşlandyryp ýylgyrdy-da: — Üçünji hatarda bir aýaly gördüm, ol meniň ejeme gaty meňzeş ekeni. Ejem birnäçe ýyl mundan ozal aradan çykdy. Men çaga wagtym haçan gorksam, ejem hemişe şol sazy hiňlenip bererdi. Şonuň üçinem edil şol wagt men meşhur bolmak däl-de, ýene-de ejemiň ogly bolmak isledim. Sebäbi enäniň mähirli hüwdüsi biziň ilkinji eşidýän sazymyzdyr we şol saz biziň kalbymyzda baky ýaşaýar. Iňlis dilinden terjime eden Mähriban HOJANIÝAZOWA.  

Bagda alma bişipdir, Tänip ýere düşüpdir. Köçeden gatnan, oglan, Saňa synym düşüpdir. Penjegiň gara, oglan, Bäriňe gara, oglan. Bir bäriňe bakmasaň, Ýüregim ýara, oglan. Buýra saçyň bulaşar, Derdim derde ulaşar.     Seni görsem, aýagym, Aýagyma çolaşar. Başym gurban adyňa, Belet däl men adyňa. Günde geçip köçeden, Ýakyp ýörsüň oduňa. Uzyn boýly, hor ýigit, (Belki, işe zor ýigit). Özüň aňmasaň-da, men, Saňa hyrydar, ýigit. Ýazda ýagan ýagyşlar, Ýer ýüzüni nagyşlar. Ýalňyşan bolsam, bilýän, Kalbyň meni bagyşlar. Atamyrat ATABAÝEW.  

Bagda alma bişipdir, Tänip ýere düşüpdir. Köçeden gatnan, oglan, Saňa synym düşüpdir. Penjegiň gara, oglan, Bäriňe gara, oglan. Bir bäriňe bakmasaň, Ýüregim ýara, oglan. Buýra saçyň bulaşar, Derdim derde ulaşar.     Seni görsem, aýagym, Aýagyma çolaşar. Başym gurban adyňa, Belet däl men adyňa. Günde geçip köçeden, Ýakyp ýörsüň oduňa. Uzyn boýly, hor ýigit, (Belki, işe zor ýigit). Özüň aňmasaň-da, men, Saňa hyrydar, ýigit. Ýazda ýagan ýagyşlar, Ýer ýüzüni nagyşlar. Ýalňyşan bolsam, bilýän, Kalbyň meni bagyşlar. Atamyrat ATABAÝEW.  

Berkarar döwletiň täze eýýamynyň Galkynyşy döwründe ýurdumyzyň milli bilim ulgamyny kämilleşdirmekde netijeli işlere badalga berilýär. Hormatly Prezidentimiz bu möhüm ulgamyň işini döwrebaplaşdyrmak bilen bagtyýar ertirimiziň aladasyny edýär. Sebäbi, abadan geljegimiz şu günki ýaş nesle berilýän bilim-terbiýäniň derejesine bagly. Şonuň üçinem döwlet Baştutanymyzyň milli bilim ulgamynyň işini döwrebaplaşdyrmaga gönükdirilen başlangyçlary barha  rowaçlyga beslenýär. Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasy ýurdumyzyň bilim ulgamynyň işini döwrebaplaşdyrmakda möhüm ädim boldy. Okuwçylary okatmagyň usulyýetiniň kämilleşdirilmegi öz içine köp zatlary alýar. Bu ugurda käbir usullary ýatlap geçeliň. Şu meselede ýaş nesle bilim bermegiň innowasion usullarynyň giňden ornaşdyrylmagy uly ähmiýete eýedir. Şeýle hem mugallymlaryň döredijilikli başarnyklaryny hem-de ussatlyklaryny ýokarlandyrmaklary okuwçylara durnukly bilim we mynasyp terbiýe bermeklerinde gowy netijeleriň gazanylmagyna ýardam edýär. Aslynda, mugallymyň öz-özüni kämilleşdirmegi, yzygiderli öwrenip, hünär ussatlygyny ýokarlandyrmagy bähbitli usuldyr. Çünki, mugallymyň yzygiderli kämilleşmegi okuwçylara bilim-terbiýe bermegiň hilini düýpli ýokarlandyrmaga, sapaklary has täsirli geçirmäge we ýaş nesle ynamly bilim bermegine oňyn täsirini ýetirýär. Bilşimiz ýaly, ýurdumyzyň bilim ulgamyny özgertmekde amala aşyrylýan tagallalar ajap eýýamymyzyň mynasyp neslini kemala getirmäge ýardam edýär. Şeýle bähbitli işler “Garaşsyz, baky Bitarap Türkmenistan — bedew batly at-myradyň mekany” ýylynda uly üstünliklere beslenýär. Keýik HEKGIÝEWA.  

Berkarar döwletiň täze eýýamynyň Galkynyşy döwründe ýurdumyzyň milli bilim ulgamyny kämilleşdirmekde netijeli işlere badalga berilýär. Hormatly Prezidentimiz bu möhüm ulgamyň işini döwrebaplaşdyrmak bilen bagtyýar ertirimiziň aladasyny edýär. Sebäbi, abadan geljegimiz şu günki ýaş nesle berilýän bilim-terbiýäniň derejesine bagly. Şonuň üçinem döwlet Baştutanymyzyň milli bilim ulgamynyň işini döwrebaplaşdyrmaga gönükdirilen başlangyçlary barha  rowaçlyga beslenýär. Türkmenistanda umumybilim maksatnamalary boýunça okatmagyň usulyýetini kämilleşdirmegiň 2028-nji ýyla çenli Konsepsiýasy ýurdumyzyň bilim ulgamynyň işini döwrebaplaşdyrmakda möhüm ädim boldy. Okuwçylary okatmagyň usulyýetiniň kämilleşdirilmegi öz içine köp zatlary alýar. Bu ugurda käbir usullary ýatlap geçeliň. Şu meselede ýaş nesle bilim bermegiň innowasion usullarynyň giňden ornaşdyrylmagy uly ähmiýete eýedir. Şeýle hem mugallymlaryň döredijilikli başarnyklaryny hem-de ussatlyklaryny ýokarlandyrmaklary okuwçylara durnukly bilim we mynasyp terbiýe bermeklerinde gowy netijeleriň gazanylmagyna ýardam edýär. Aslynda, mugallymyň öz-özüni kämilleşdirmegi, yzygiderli öwrenip, hünär ussatlygyny ýokarlandyrmagy bähbitli usuldyr. Çünki, mugallymyň yzygiderli kämilleşmegi okuwçylara bilim-terbiýe bermegiň hilini düýpli ýokarlandyrmaga, sapaklary has täsirli geçirmäge we ýaş nesle ynamly bilim bermegine oňyn täsirini ýetirýär. Bilşimiz ýaly, ýurdumyzyň bilim ulgamyny özgertmekde amala aşyrylýan tagallalar ajap eýýamymyzyň mynasyp neslini kemala getirmäge ýardam edýär. Şeýle bähbitli işler “Garaşsyz, baky Bitarap Türkmenistan — bedew batly at-myradyň mekany” ýylynda uly üstünliklere beslenýär. Keýik HEKGIÝEWA.  

“Garaşsyz, baky Bitarap Türkmenistan — bedew batly at-myradyň mekany” diýlip yglan edilen üstümizdäki ýylda jemgyýetimizde möhüm syýasy-jemgyýetçilik waka işjeň taýýarlyk görülýär. Şu günler Türkmenistanda täze döredilen etraplaryň halk maslahatlarynyň agzalarynyň hem-de Türkmenistanyň Mejlisiniň ygtyýarlyk möhletinden öň çykyp giden deputatlarynyň, welaýat, etrap, şäher halk maslahatlarynyň we Geňeş agzalarynyň şu ýylyň 29-njy martynda geçiriljek saýlawlaryna taýýarlyk işleri alnyp barylýar. Bu şanly  ýylymyzyň wajyp wakasy bolmak bilen, oňa taýýarlykly  barmak we  guramaçylykly  geçirmek üçin ähli  tagallalar  edilýär. Häzirki wagtda ýurdumyzyň milli saýlaw kanunçylygyna laýyklykda öňde durýan saýlawlaryň esasy tapgyrlarynyň biri bolan dalaşgärleri hödürlemek boýunça giň gerimli işler alnyp barylýar. Bu mesele boýunça syýasy partiýalar we raýatlar toparlaryndan dalaşgärleri hödürlemäge bagyşlanan mejlisleri we ýygnaklary geçirmek işleri guramaçylykly alnyp barylýar. Bu möhüm syýasy-jemgyýetçilik wakanyň talaba laýyk geçirilmegine hemmämiz saldamly goşandymyzy goşmalydyrys. Resul BAÝRAMOW.

Ýolöten şäher medeniýet öýünde edara-kärhanalarda zähmet çekýän işgärleriň gatnaşmagynda etrap häkimliginiň, TDP-niň etrap komitetiniň, TKA-nyň etrap birleşmesiniň, TMÝG-niň etrap geňeşiniň hem-de beýleki jemgyýetçilik guramalarynyň  bilelikde guramagynda “Bedew batly, at-myratly Watanym!” ady bilen maslahat geçirildi. Maslahatda etrap häkiminiň orunbasary, etrap zenanlar bölüminiň başlygy Ogulboldy Kowusowa, TDP-niň etrap komitetiniň partiýa guramaçysy Şasenem Röwşenowa, TKA-nyň etrap birleşmesiniň başlygy Rozymuhammet Artykow çykyş etdiler. Olar öz çykyşlarynda Watanymyzyň ösüşleri, halkymyzyň baýlygy, köňül buýsanjy we milli mirasy bolan bedewlerimiziň ýyndamlygy dogrusynda täsirli gürrüň etdiler.  Maslahatyň dowamynda Gahryman Arkadagymyzyň döwletli başlangyçlaryny üstünlikli dowam edýän hormatly Prezidentimiziň il-ýurt bähbitli, umumadamzat ähmiýetli beýik tutumlarynyň has-da rowaçlanmagyny arzuw etdiler.  Toýly ANYŞOW.

Şu ýylyň 29-njy martynda geçiriljek syýasy jemgyýetçilik çäresi bolan Türkmenistanyň Mejlisiniň deputatlarynyň, welaýat, etrap, şäher, halk maslahatlarynyň we Geňeşleriň agzalarynyň saýlawlaryna giňden taýýarlyk görülip, häzirki wagtda dalaşgärler bilen saýlawçylaryň duşuşyklary yzygiderli geçirilýär. 102-nji “Jemgyýet” saýlaw okrugy boýunça Türkmenistanyň Mejlisiniň deputatlygyna dalaşgär Mary welaýatynyň Mary şäher Salgyt bölüminiň Hasap we hasabat  bölüminiň başlygy Jumamyradow Atajan Çarymyradowiç, Türkmenistanyň Mejlisiniň Ylym, bili, medeniýet we ýaşlar syýasaty baradaky komitetiniň baş hünärmeni Nepesowa Zyba Serdarowna, 104-nji “Peşanaly” saýlaw okrugy boýunça Türkmenistanyň Mejlisiniň Daşky gurşawy goramak, tebigatdan peýdalanmak we agrosenagat toplumy baradaky komitetiniň baş hünärmeni Myradowa Jahangül Mämmetorazowna, Mary welaýatynyň Mary şäheriniň 36-njy orta mekdebiniň müdiri Alyýew Begenç Berdimyradowiç we Türkmenistanyň Agrar partiýasynyň Mary welaýat Mary şäher komitetiniň başlygy Annadurdyýew Mekan Çarymyradowiç dagylar bilen duşuşygy Mary etrabynyň 38-nji orta mekdebinde hem-de etrabyň medeniýet öýünde duşuşyklar geçirildi. Bu ýerde ilki bilen dalaşgärleriň ynanlan wekilleri çykyş edip, olar 102-nji “Jemgyýet”, 104-nji “Peşanaly saýlaw okruklary boýunça Türkmenistanyň Mejlisiniň deputatlygyna hödürlenen dalaşgärleriň terjimehallary hem-de durmuş ýollary barada gürrüň berdiler. Soňra dalaşgäriň özileri hem çykyş edip öz maksatnamalary bilen saýlawçylary giňden tanyşdyrdylar.

      Türkmenistanyň Kärdeşler arkalaşyklarynyň Mary welaýat birleşmesiniň gurnamagynda Türkmen halkynyň Milli Lideri, Türkmenistanyň Halk maslahatynyň Başlygy Gahryman Arkadagymyzyň Amerikanyň Birleşen Ştatlaryna bolan dostlukly iş saparynyň netijelerine we “Garaşsyz, baky Bitarap Türkmenistan-bedew batly at-myradyň mekany” ýylyna bagyşlanyp maslahat geçirildi. Bu maslahatda çykyş edenler Türkmen halkynyň Milli Lideri Gahryman Arkadagymyzyň ýakynda Amerikanyň Birleşen Ştatlaryna bolan dostlukly iş saparynyň çäklerinde ýokary derejede geçirilen gepleşikleriň, duşuşyklaryň ýurdumyzy ösdürmekdäki ähmiýet we bu döwlet bilen dostlukly gatnaşyklary pugtalandyrmakdaky orny dogrusynda giňişleýin durup geçdiler. Şeýle hem çykyş edenler Hormatly Prezidentimiziň başda durmagynda diýarymyzda gazanylýan üstünlikler we Berkarar döwletiň täze eýýamynyň galkynyşy döwründe Bitarap watanymyzyň dünýä döwletleri bilen alyp barýan hoşniýetli gatnaşyklary barada-da aýratyn nygtadylar. Maslahata gatnaşanlar türkmen halkynyň milli Lideri Gahryman Arkadagymyza we Arkadagly Gahryman Serdarymyza alkyş sözlerini aýtdylar.  

Berkarar döwletiň täze eýýamynyň Galkynyşy döwründe 2026-njy ýylyň «Garaşsyz, baky Bitarap Türkmenistan — bedew batly at-myradyň mekany» diýlip atlandyrylmagy türkmen halkynyň müňýyllyklardan gözbaş alýan milli gymmatlyklaryna goýulýan belent sarpanyň aýdyň nyşany boldy. Bu şygar halkymyzyň taryhy ykbalynyň, ruhy dünýäsiniň hem-de ýaşaýyş pelsepesiniň jemlenmesi hökmünde ulus-ilimizi galkyndyrdy. Bedew ýylynda Garaşsyzlygymyzyň şanly 35 ýyllygynyň giňden baýram ediljekdigi buýsanjymyzy artdyrýar. Toýlaryň bezegi hasaplanylýan behişdi bedewlerimiz öz gözelligi, okgunly bady şan-şöhratymyzy dünýä ýaýýar. Munuň aýdyň mysaly hökmünde Monako Knýazlygynyň Monte-Karlo şäherinde geçirilen 48-nji halkara sirk sungaty festiwalynda «Galkynyş» milli at üstündäki oýunlar toparynyň gazanan üstünliklerini görkezmek bolar. Bu festiwalda topar sirk sungatyna goşan uly goşandy üçin halkara şahadatnamalar bilen sylaglanyldy. Bu waka şanly ýylyň özboluşly badalgasyna öwrüldi. Şeýle-de, golaýda Gahryman Arkadagymyzyň Köpetdagyň eteginde ýerleşýän Arkadag şäherindäki Aba Annaýew adyndaky Halkara atçylyk akademiýasyna we “Görogly” adyndaky Döwlet atçylyk sirkine baryp görmegi, şol ýerde “At — myrat” okuw merkeziniň çagalary hem-de “Galkynyş” milli at üstündäki oýunlar toparynyň agzalary bilen duşuşmagy ildeşlerimizde uly guwanç we hoşallyk duýgusyny döretdi. Bu duşuşyklar ýaşlaryň bedewlere bolan gyzyklanmasyny has-da güýçlendirdi. Milli Liderimiziň “At — myrat” okuw merkezine Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň adyndan 1 million 500 müň manat möçberinde sowgat berilýändigini aýtmagy jemgyýetimizde gyzgyn goldaw tapdy. Bu sahawatly ädim çagalaryň bedewlere bolan söýgüsini artdyrmakda, olaryň kalbynda mähir we watansöýüjilik duýgularyny terbiýelemekde aýratyn ähmiýete eýe boldy. Hormatly Prezidentimiziň «Galkynyş» milli at üstündäki oýunlar toparynyň maddy-enjamlaýyn binýadyny berkitmek maksady bilen bu topary 3 million manat bilen sylaglamak baradaky Karary halkymyzyň göwün guşuny göge göterdi. Bu goldaw toparyň döredijilik mümkinçiliklerini has-da giňeldip, onuň halkara abraýyny ýokarlandyrmaga uly itergi berdi. Behişdi bedewlerimiziň şöhratyna şan goşýan Milli Liderimiz Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak, tutumly işleri hemişe rowaç bolsun! Maksat JANMYRADOW.  

Ajaýyp ýylymyzyň “Garaşsyz, baky Bitarap Türkmenistan — bedew batly at-myradyň mekany” diýlip atlandyrylmagynda giň many-mazmun bar. Çünki türkmen halky bedew atyny sarpalaýar, hormatlaýar. Milli buýsanjyna we guwanjyna öwrülen ahalteke bedewleri türkmen halkynyň gymmatly medeni mirasydyr. Häzirki wagtda ajaýyp bedewlerimiziň sarpasy belent tutulýar. Ahalteke atlarynyň tohum arassalygyny gorap saklamak, olaryň abraýyny dünýä ýaýmak boýunça mynasyp işler alnyp barylýar.  Üstümizdäki ýylyň 16-25-nji ýanwary aralygynda Monako Knýazlygynyň Monte-Karlo şäherinde geçirilen 48-nji halkara sirk sungaty festiwalynda “Galkynyş” milli at üstündäki oýunlar toparyna sirk sungatyna uly goşandy üçin Bütindünýä sirk federasiýasy hem-de Ýewropa Sirk assosiasiýasy tarapyndan halkara şahadatnamalaryň gowşurylmagy ähli türkmen halkyny buýsandyrdy. Bu waka 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” diýen şygarynyň mazmunyny baýlaşdyryp, oňa aýratyn öwüşgin çaýdy. Şeýle buýsançly wakalara beslenýän Diýarymyzyň mundan beýläk-de gülläp ösmegi ugrunda alnyp barylýan işleriň uly üstünliklere beslenmegini arzuwlaýarys. Tawus DURDYÝEWA.

“Garaşsyz, baky Bitarap Türkmenistan — bedew batly at-myradyň mekany” diýlip yglan edilen ýylymyzda türkmen ili hormatly Prezidentimiziň baştutanlygynda tutanýerli zähmet çekýär. Şu tutumly işlere etrabymyzyň ýaşlary hem saldamly goşantlaryny goşýarlar. Şol bir wagtda biz düşündiriş we wagyz-nesihat çärelerine-de uly üns berýäris.  Golaýda “Marygazçykaryş” müdirliginiň Ýaşaýyş jaý jemagat kontorasynyň ýygnaklar jaýynda “Ogul-atanyň dowamy, ini aganyň arkasy” atly wagyz-nesihat duşuşygy geçirildi. Ony  TMÝG-niň etrap geňeşi TDP-niň etrap komiteti, “Marygazçykaryş” müdirliginiň Ýaşaýyş jaý jemagat kontorasy bilen bilelikde guradylar. Duşuşyga atlary agzalan guramalaryň we edaranyň işgärleri gatnaşdylar. Onda Ýaşaýyş jaý jemagat kontorasynyň başlygy Emir Gowkyýew, TDP-niň Oguzhan etrap komitetiniň partiýa guramaçysy Rahmanberdi Mämmeýew, TMÝG-niň etrap geňeşiniň esasy hünärmeni Sähra Ummalyýewa çykyş etdiler. Olar döwlet Baştutanymyzyň alyp barýan ýaşlar syýasatyndan gelip çykýan wezipeler hakda durup geçdiler. Ýaşlarda watansöýüjiligi, ýokary ahlaklylygy, belent adamkärçiligi, halallygy, ynsaplylygy maşgala mukaddesliginiň ruhunda terbiýelemegiň hemişe derwaýysdygy barada täsirli gürrüň etdiler. Atageldi GURBANOW.

Bilşimiz ýaly, ýakynda hormatly Prezidentimiz Türkmenistanyň Ministrler Kabinetiniň giňişleýin mejlisini geçirip, geçen Halkara we parahatçylyk ýylynyň jemini jemledi. Şu möhüm waka mynasybetli TDP-niň etrap komiteti, TKA-nyň etrap birleşmesi we TMÝG-niň etrap geňeşi tarapyndan maslahat geçirildi. Etrabymyzyň medeniýet öýünde geçirilen maslahata atlary agzalan guramalaryň işgärleri gatnaşdylar. Işjeň ýagdaýda geçen maslahatda TDP-niň etrap komitetiniň partiýa guramaçysy Täzegül Pirsýanowa, TKA-nyň etrap birleşmesiniň başlygy Kakajan Durdyýew, TMÝG-niň etrap geňeşiniň başlygy, welaýat halk maslahatynyň agzasy Yklymmyrat Tuwakmyradow çykyş etdiler. Olar 2025-nji ýylyň jemine bagyşlanan mejlisde bellenilişi ýaly, geçen ýylyň ýokary zähmet üstünliklerine, şanly wakalara beslenendigi barada gürrüň etdiler. Şeýle hem “Garaşsyz, baky Bitarap Türkmenistan — bedew batly at-myradyň mekany” ýylynda öňümizde has jogapkärli wezipeleriň durýandygy dogrusynda durup geçdiler. Parahat HAŞYMOW.  

TKA-nyň welaýat birleşmesiniň mejlisler zalynda TDP-niň welaýat, Mary şäher, Oguzhan, Mary, Wekilbazar, Murgap etrap komitetleriniň bilelikde guramagynda “Bedew batly, şan-şöhratly Watanym!” ady bilen maslahat geçirildi. Maslahata Türkmenistanyň Mejlisiniň deputatlary, welaýat, şäher, etrap halk maslahatlarynyň agzalary, TDP-niň welaýat, şäher, etrap komitetleriniň işgärleri we işjeň agzalary gatnaşdylar. Maslahaty TDP-niň welaýat komitetiniň başlygy Kakageldi Gurbanow alyp bardy. Maslahatda Murgap etrabyndaky 1-nji çagalar bakja-bagynyň müdiri, Türkmenistanyň Mejlisiniň deputaty Aýjemal Allanowa, TDP-niň Wekilbazar etrap komitetiniň başlygy Tawus Gylyjowa, TDP-niň Mary etrap komitetiniň başlygy Muhammetgylyç Nepesow, TDP-niň Murgap etrap komitetiniň başlygy Gurbangül Mädenowa çykyş etdiler. Çykyş edenler şanly ýylymyzyň mynasyp şygar bilen atlandyrylandygy, ýurdumyzyň buýsançly wakalary, türkmen bedewiniň sarpalanyşy dogrusynda giňişleýin gürrüň etdiler. Aýparça AKYMOWA.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri