Mary welaýat häkimliginiň, Türkmenistanyň demokratik  we Agrar partiýalarynyň Mary welaýat komitetleriniň, Kärdeşler Arkalaşyklarynyň welaýat birleşmesiniň, Ýaşlar guramasynyň welaýat geňeşiniň, welaýat Zenanlar bölüminiň hem-de Mary welaýat medeniýet müdirliginiň bilelikde gurnamaklarynda ,,Türkmenistanyň Halk maslahaty: aýdyň maksatlar, anyk wezipeler-röwşen geljegiň hatyrasyna” atly maslahat geçirildi. Mary welaýat kitaphanasynda geçirilen bu maslahatda çykyş edenler  golaýlap gelýän ýurt Garaşsyzlygymyzyň 35 ýyllyk baýramynyň öňüsyrasynda geçiriljek Halk maslahatynyň nobatdaky mejlisiniň ähmiýeti we oňa görülýän taýýarlyk işleri dogrusynda durup geçip, bu syýasy möhüm çärede il-ýurt bähbitli garaljak meseleleriň, kabul ediljek çözgütleriň ýurdumyzy mundan beýläk-de has-da ösdürilmekligine gönükdiriljekligi barada-da aýratyn nygtap bellediler. Çykyş edenleriň belleýişleri ýaly ýurdumyzda agzybirligi, parahatçylygy, jebisligi, asudalygy ündeýän asylly ýörelgelerimize eýermek bilen her ýylda geçirilýän Türkmenistanyň Halk maslahatynyň mejlisinde kabul edilýän çözgütler ýurdumyz we halkymyz üçin örän ähmiýetlidir. Munuň şeýledigine bolsa Hormatly Prezidentimiziň parasatly baştutanlygynda Watanymyzda gazanylýan her bir belent sepgitler aýdyňlygy bilen äşgär edýär.  Bu günki maslahata gatnaşanlar halkymyza baky bagtyýarlygy bagyş eden türkmen halkynyň milli Lideri, Türkmenistanyň Halk maslahatynyň başlygy Gahryman Arkadagymyza we Arkadagly Gahryman Serdarymyza alkyş sözlerini beýan etdiler.  Merjen Çaryýarowa.

         Türkmen halkynyň Milli Lideri Gahryman Arkadagymyzyň daşary döwletlerden getirilýän harytlaryň ornuny tutup bilýän bäsleşige ukyply önümleri öz ýurdumyzda öndürip,döwletimiziň içki bazarynda haryt bolçulygyny döretmek baradaky öňdengörüjilikli beýik başlangyçlary Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyz tarapyndan üstünlikli durmuşa geçirilýär. Bu gün döwletimiz tarapyndan berilýän bimöçber ýardam-goldawlar esasynda Mary welaýatyndaky hususy kärhanalaryň,hojalyk jemgyýetleriniň işjeň telekeçilerem önümçiligi köpugurly esasda ösdürýärler.Türkmenistanyň Senagatçylar we telekeçiler birleşmesiniň agzasy bolan Mary welaýatynyň Mary etrabynyň Peşanaly şäherçesiniň çäginde ýerleşýän “Gyrawly suw” hojalyk jemgyýetiniň telekeçileriniň senagat ugurly täzeçe gözegli işlerem şunuň bir mysalydyr. Olar mundan bir ýyl ozal ýurdumyzda ilkinji bolup azyk önümlerini saklamaklyga niýetlenilen uly göwrümli sowadyjylary köpçülikleýin öndürmekligi ýola goýdular.Hojalyk jemgyýetiniň önümçilik bölüminde Hytaý Halk Respublikasynyň öňdebaryjy kompaniýasynyň hünärmenleriniň kömegi arkaly dostlukly döwletde öndürilen awtomatlaşdyrylan enjamlar toplumy gurnalyp,önümçilige girizildi. Baglaşylan özara şertnama esasynda şol kompaniýadan sowadyjylaryň önümçiliginde gerekli çig maly almaklyk ýola goýuldy. Bu ýerde täze önümçiligiň ýola goýulmagy bilen ýaşlaryň ýigrimiden köprägine iş orunlary döredildi.Dostlukly döwletde hünär kämilligini birkemsiz ele alyp gelen telekeçi ýaşlar bu gün kärhanada ornaşdyrylan döwrebap,kämil tehnologiýaly enjamlara ussatlyk bilen erk edýärler.  Kompýuterler arkaly dolandyrylýan enjamlar toplumynda önümçilik sowadyjylaryň daşky diwaryny gurnamak üçin gerekli ak reňkli ýumşak galaýyny işläp bejermekden başlanýar. Galaýylara deşik deşmek,gyralaryny eplemek, bükmek we beýleki tehnologiki işler ýörite enjamlaryň kömegi bilen ýerine ýetirilýär.Bu ýerdäki büküji enjamda bolsa önümiň daşky diwary taýýar görnüşine getirilýär. Önümçiligiň indiki tapgyrynda ýörite enjamlar arkaly sowadyjynyň iýmit saklanylýan içki diwary taýýar edilýär we ol mehanizm arkaly daşky diwaryň içinde ýerleşdirilýär. Soňra bolsa sowadyjynyň daşky hem-de içki diwarlarynyň arasyna iýmit köpürjigi basyş arkaly guýulýar.Şol köpürjik sowadyjyda ýerleşdirilen iýmitiň belli bir temperaturada saklanmagyna ýardam berýär.Kärhanada önümleri öndürmekdäki işleriň ýene bir tapgyry sowadyjynyň içindäki temperaturany ölçäp,ony awtomatiki usulda öçürýän we ýapýan enjamy (termostaty),ulgamyň içinde basyşyň artmagyny üpjün edýän dwigateli (kompressory),ulgamdaky çyglylygy tutup galýan süzgüçleri we beýleki enjamlary düzmek, sowadyjy gazy (freony) guýmaklyk bilen dowam etdirilýär.Hojalyk jemgyýetinde öndürilýän önümler kärhananyň hil barlaghanasynda pugta gözden geçirilip,harytlara kepillik derejesi berilýär.”Gyrawly suw” hojalyk jemgyýetinde häzirki wagtda bir gapyly,iki gapyly hem-de üç gapyly uly göwrümli sowadyjylar köpçülikleýin öndürilýär.Kärhanada Türkmen Döwlet standartlary gullugy tarapyndan bildirilýän talaplara doly laýyk gelýän uly göwrümli sowadyjylaryň her aýda üç ýüzden köpräginiň öndürilýändigini aýtmak gerek. LORS haryt nyşany bilen öndürilýän şol önümlere azyk önümçiligi bilen meşgullanýan döwlet hem-de hususy ulgamyň kärhanalary,şeýle hem ýurdumyzyň sebitlerindäki iri söwda merkezleri, jemgyýetçilik iýmiti kärhanalary, telekeçilik dükanynyň eýeleri tarapyndan uly isleg bildirilýär.Çünki,bahalary elýeterli bu ýokary hilli, bäsleşige ukyply harytlar dürli azyk önümlerini,miweli suwlary,şöhlat önümlerini 2-8 sowuklyk derejesindäki temperaturada saklamaga mümkinçilik berýär.Hojalyk jemgyýetiniň ýolbaşçylarynyň aýtmaklaryna görä,kärhana taslama kuwwatlygyna çykarylanda bu ýerde ýaşlaryň ýene-de otuzdan köprägine iş orunlary dörediler we her aýda sowadyjylaryň bir ýarym müňden köprägi öndüriler.Hojalyk jemgyýetinde häzir ilatymyz tarapyndan gündelik durmuş hajatlarynda ulanylýan sowadyjylaryň önümçiligi hem köpçülikleýin ýola goýuldy.Kärhananyň telekeçileri geljekde öz öndürýän önümlerini daşary bazara-da çykarmagy maksat edinip,beýik Garaşsyzlygymyzyň 35 ýyllyk şanly baýramçylygynyň hormatyna iş depginlerini barha artdyrýarlar.Olar hususy telekeçiligi ösdürmäge döredilýän giň şertler üçin türkmen halkynyň Milli Lideri Gahryman Arkadagymyza hem-de hormatly Prezidentimiz Arkadagly Gahryman Serdarymyza tüýs ýürekden çykýan alkyş sözlerini aýdýarlar.   Sapardurdy Ýaýlymow.

      “Garaşsyz, baky Bitarap Türkmenistan – Bedew batly at myradyň mekany” ýylynda ýurdymyzda amala aşyrylýan özgertmeleriň netijesinde Türkmenistanyň Medeniýet ministrliginiň gurnamagynda “Taryhy ýadygärlikleriň ata-babalarymyzyň miras galan gymmatlyklary öwrenmekdäki orny” atly meýdan şertlerindäki okuw maslahaty geçirildi. Hormatly Prezidentimiziň tagallalary bilen taryhy ýadygärliklerimizi aýawly gorap saklamak, olary dünýä derejesinde wagyz etmek, şeýle-de rejelemek, dikeltmek, abatlamak boýunça netijeli işler alnyp barylýar. Türkmen halkynyň dünýä medeniýetiniň altyn hazynasyna goşan edebi-medeni mirasy Gahryman Arkadagymyzyň tagallasy bilen bütin äleme ýaýylýar, türkmen topragynyň baý taryhy gymmatlyklaryny özünde jemleýän  ýadygärlikler tutuş dünýä ýüzünde şöhratlanýar. Ata-babalarymyzdan miras galan mukaddeslikler üstünden  näçe asyrlar geçse-de, öz gözelliklerini saklap, şu günlerimize gelip ýetipdir. Bu taryhy ýadygärlikler we olar baradaky gyzykly maglumatlar dünýä taryhçylarynyň ünsüni özüne çekýär. Mary welaýatynyň çäginde ýerleşýän “Gadymy Merw” taryhy-medeni döwlet goraghanasyndaky ýadygärlikler hem dünýäniň köp sanly alymlarynda, syýahatçylarynda aýratyn gyzyklanma döredýär. Goraghananyň çägindäki ýadygärlikler içgin öwrenilýär hem-de rejelenýär. Suwhan Kulyýew.

        “Garaşsyz, baky Bitarap Türkmenistan – Bedew batly at myradyň mekany” ýylynda ýurdymyzda amala aşyrylýan özgertmeleri, ýetilen belent sepgitleri netijesinde. Baýramaly şäher-etrap häkimlikleriniň taýýarlamaklarynda ”Bedew bady bilen,öňe Watanym” ady bilen  Baýramaly şypahanasynyň Medeniýet öýünde dabaraly çäre geçirildi. Çärä Bilim ulgamynyň işgärleri, ak sakgally ýaşulylar we kümüş saçly eneler  hem gatnaşdy.Çäräniň ahyrynda Baýramaly etrap medeniýet öýüniň  işgärleriniň taýýarlan çykyşlaryna  uly orun berildi. Dabaranyň dowamynda Türkmen halkynyň Milli Lideri, Gahryman Arkadagymyza we Hormatly Prezidentimiz, Arkadagly Gahryman Serdarymyza Alkyşlarynyň çäksizdigini beýan etdiler. Suwhan Kulyýew.

    Ýurt Garaşsyzlygymyzyň 35 ýyllyk şanly toýunyň öňüsyrasynda geçiriljek Halk maslahatynyň nobatdaky mejlisiniň ähmiýeti we oňa görülýän taýýarlyk işlerine bagyşlanyp Magtymguly adyndaky Ýaşlar guramasynyň Mary welaýat geňeşiniň hem-de Kärdeşler Arkalaşyklarynyň Mary welaýat we Oguzhan etrap birleşmeleriniň bilelikde gurnamaklarynda maslahat geçirildi. Bu maslahatda edilen çykyşlarda ,,Garaşsyz, baky Bitarap Türkmenistan-bedew batly at-myradyň mekany” ýylynda geçiriljek Halk maslahatynyň nobatdaky mejlisiniň mukaddes Garaşsyzlyk baýramynyň 35 ýyllygynyň öňüsyrasynda  geçirilmeginiň we onda ýurdumyzda gazanylan belent sepgitlere ser salmak we geljekde döwletimizi gülledip ösdürmekde öňde durýan wezipeleri ara alyp maslahatlaşmak bilen halkymyzyň ýaşaýyş-durmuş derejesini ýokarlandyrmakdaky ähmiýeti dogrusynda täsirli gürrüňler edildi. Şeýle-de bu ýerde çykyş edenler watanymyzyň geljegi bolan ýaşlaryň ýurdumyzyň at-abraýyny belende götermekde, döwletimiziň pajarlap ösmegine goşýan mynasyp goşantlary dogrusynda hem buýsanç bilen belläp geçdiler.  Merjen Çaryýarowa.

Türkmenistanyň Konstitusiýasynyň 4-nji maddasynda kesgitlenilişi ýaly, Türkmenistanda jemgyýetiň we döwletiň iň ýokary gymmatlygy adamdyr. Şonuň üçin hem hormatly Prezidentimiz halkyň saglygyny goramakda we berkitmekde tutumly işlere badalga berýär. Ilaty bedenterbiýä we sporta köpçülikleýin çekmek halkymyzyň saglygyny goramakda möhüm ähmiýete eýe bolýar. Gahryman Arkadagymyzyň ýurdumyzda sporty ösdürmekdäki başlangyçlaryny üstünlikli dowam edýän hormatly Prezidentimiziň sport syýasatynyň çärelerinde türkmen sportuny ösdürmekde uly işler durmuşa geçirilýär. Garaşsyz döwletimizde bedenterbiýäniň we sportuň ösdürilmegi halkyň saglygyny goramakda we berkitmekde uly ähmiýete eýe bolýar. Şol bir wagtda bu ulgamda ýetilýän belent sepgitler jemgyýetimizde sagdyn durmuş ýörelgesiniň berkararlygyny gazanmakda-da gowy netijesini berýär. Ýurdumyzyň sport ulgamynyň kanunçylygynyň kämilleşdirilmegi onuň ösüşiniň rowaçlanmagyna kuwwatly itergi berýär. Türgenlerimiz dünýä çempionatlarynda, halkara ýaryşlarynda şowly çykyş edip, Garaşsyz, baky Bitarap Türkmenistanymyzyň halkara sport abraýynyň täze belentliklere çykmagyna oňyn täsirini ýetirýär. Sporty ösdürmekde Türkmenistan döwletimiziň öňe süren umumadamzat bähbitli başlangyçlaram dünýä jemgyýetçiliginde uly goldaw tapýar we gyzyklanma döredýär. Mysal üçin, 2018-nji ýylda Türkmenistanyň başlangyjy esasynda BMG-niň Baş Assambleýasynyň kabul eden Kararnamasy bilen 3-nji iýun “Bütindünýä welosiped güni” diýlip yglan edildi. Şonuň ýaly-da, 2024-nji ýylyň sentýabrynda Türkmenistanyň başlangyjy bilen BMG-niň Baş Assambleýasynyň 78-nji sessiýasynda “Birleşen Milletler Guramasynyň oýunlary” atly Kararnama kabul edildi we resminama Milletler Bileleşigine agza döwletler tarapyndan gyzgyn goldanyldy. Muhammettöre ATAKOW.

Ýakynda welaýat kitaphanasynyň mejlisler zalynda TMÝG-niň welaýat geňeşiniň, welaýat kitaphanasynyň bilelikde guramagynda “Garaşsyzlyk bilen galkynýar Watan” ady bilen maslahat geçirildi. Maslahata welaýat halk maslahatynyň agzalary, dürli kärde zähmet çekýän ýaşlar, kitaphanaçylar gatnaşdylar. Maslahatda Mary etrap merkezi kitaphanasynyň kitaphanaçysy, Türkmenistanyň “Watana bolan söýgüsi üçin” medalynyň eýesi Akgözel Serdarowa, Mary şäheriniň merkezi şäher kitaphanasynyň kitaphanaçysy, Türkmenistanyň Ýaşlar baýragynyň eýesi Maral Gulowa, welaýat çagalar kitaphanasynyň kitaphanaçysy Oguljennet Nurberdiýewa, welaýat kitaphanasynyň kitaphanaçysy Gunça Ataýewa çykyş etdiler. Çykyş edenler ýurdumyzda halk maslahatynyň geçirilmeginiň ähmiýetiniň uludygy, jemgyýetde demokratik däpleri pugtalandyrmak, halkymyzyň abadan ýaşaýşyny üpjün etmekde alnyp barylýan işler, halkyň bähbidine gönükdirilýän beýik tagallalar dogrusynda gürrüň etdiler. Gülbahar NAZAROWA.

Ýakynda Mary şäherindäki 37-nji çagalar bagynda şäheriň çagalar baglaryna gatnaýan körpeleriň arasynda welaýat baş bilim müdirliginiň hem-de TMÝG-niň şäher geňeşiniň bilelikde guramagynda «Başarjaň eller» atly döredijilik bäsleşiginiň şäher tapgyry geçirildi. Çagalar bagynda terbiýelenýän körpeleriň döredijilik başarnyklarynyň ösmegine, çaga şahsyýetiniň işjeň ýagdaýda kemala gelmegine, çagalarda çeperçilik işine bolan gyzyklanmany döretmek, gözellik duýgularyny kemala getirmek, milli amaly-bezeg sungatyna söýgi döretmek, körpelerde ünsliligi, erjelligi we özbaşdaklygy terbiýelemek, zehinli körpeleri ýüze çykarmak, bilim edaralarynyň şekillendiriş sungaty boýunça işini döwrebap ýola goýmak, olara goldaw bermek maksady bilen geçirilen bäsleşik, diýseň, gyzykly boldy. Bäsleşikde çagalar surat çekmek, ýelimlemek, gurnamak boýunça döredijilik işini taýýarlamak, ýerine ýetirilen işi barada gysgaça gürrüň bermek ýaly şertler boýunça bäsleşdiler. Eminler topary taýýarlanan işleriň mazmunyna, hiline we arassalygyna aýratyn üns berip, ýeňijileri yglan etdiler. Onda şäherdäki 49-njy çagalar bagynyň körpesi 1-nji, 18-nji çagalar bagynyň körpesi 2-nji, 37-nji çagalar bagynyň körpesi 3-nji orunlara mynasyp boldular. Ýeňiji bolanlara welaýat baş bilim müdirliginiň we TMÝG-niň şäher geňeşiniň Hormat hatlary we ýadygärlik sowgatlary gowşuryldy. Şeýle-de, olar bäsleşigiň welaýat tapgyryna gatnaşmaga hukuk gazandylar. Annagözel SARYÝEWA.

Ýakynda Mary şäherindäki 4-nji sport mekdebinde hapkido boýunça welaýatyň açyk birinjiligi ugrunda ýaryş geçirildi. Oňa welaýatymyzyň, Aşgabat şäheriniň we Ahal, Daşoguz welaýatlarynyň türgenleri gatnaşdylar. Ýaryş, diýseň, çekeleşikli geçdi. Ýaryşda türgenler dürli agram derejesinde öz aralarynda ýaryşyp, ýaş aýratynlygyna görä ukyp-başarnyklaryny, ussatlyklaryny görkezdiler. Emin agzalarynyň adalatly eminlik etmeginde ýeňiji bolan türgenler öňe saýlandylar. Ýaryşa gatnaşyjy türgenleriň 47-si 1-nji, ýene-de şonçasy 2-nji, 77-si bolsa 3-nji orunlara eýe bolmagy başardylar. Ýeňiji bolan türgenlere welaýat hapkido söweş sungaty milli merkezi tarapyndan Hormat hatlary we medallar dabaraly ýagdaýda gowşuryldy. Gulmyrat GULOW.

      Mary welaýat häkimliginiň, Türkmenistanyň demokratik  we Agrar partiýalarynyň Mary welaýat komitetleriniň, Kärdeşler Arkalaşyklarynyň welaýat birleşmesiniň, Ýaşlar guramasynyň welaýat geňeşiniň, welaýat Zenanlar bölüminiň hem-de Mary welaýat medeniýet müdirliginiň bilelikde gurnamaklarynda ,,Türkmenistanyň Halk maslahaty: aýdyň maksatlar, anyk wezipeler-röwşen geljegiň hatyrasyna” atly maslahat geçirildi. Mary welaýat kitaphanasynda geçirilen bu maslahatda çykyş edenler  golaýlap gelýän ýurt Garaşsyzlygymyzyň 35 ýyllyk baýramynyň öňüsyrasynda geçiriljek Halk maslahatynyň nobatdaky mejlisiniň ähmiýeti we oňa görülýän taýýarlyk işleri dogrusynda durup geçip, bu syýasy möhüm çärede il-ýurt bähbitli garaljak meseleleriň, kabul ediljek çözgütleriň ýurdumyzy mundan beýläk-de has-da ösdürilmekligine gönükdiriljekligi barada-da aýratyn nygtap bellediler. Çykyş edenleriň belleýişleri ýaly ýurdumyzda agzybirligi, parahatçylygy, jebisligi, asudalygy ündeýän asylly ýörelgelerimize eýermek bilen her ýylda geçirilýän Türkmenistanyň Halk maslahatynyň mejlisinde kabul edilýän çözgütler ýurdumyz we halkymyz üçin örän ähmiýetlidir. Munuň şeýledigine bolsa Hormatly Prezidentimiziň parasatly baştutanlygynda Watanymyzda gazanylýan her bir belent sepgitler aýdyňlygy bilen äşgär edýär.  Bu günki maslahata gatnaşanlar halkymyza baky bagtyýarlygy bagyş eden türkmen halkynyň milli Lideri, Türkmenistanyň Halk maslahatynyň başlygy Gahryman Arkadagymyza we Arkadagly Gahryman Serdarymyza alkyş sözlerini beýan etdiler.  Merjen Çaryýarowa.

    Ýurt Garaşsyzlygymyzyň 35 ýyllyk şanly toýunyň öňüsyrasynda geçiriljek Halk maslahatynyň nobatdaky mejlisiniň ähmiýeti we oňa görülýän taýýarlyk işlerine bagyşlanyp Magtymguly adyndaky Ýaşlar guramasynyň Mary welaýat geňeşiniň hem-de Kärdeşler Arkalaşyklarynyň Mary welaýat we Oguzhan etrap birleşmeleriniň bilelikde gurnamaklarynda maslahat geçirildi. Bu maslahatda edilen çykyşlarda ,,Garaşsyz, baky Bitarap Türkmenistan-bedew batly at-myradyň mekany” ýylynda geçiriljek Halk maslahatynyň nobatdaky mejlisiniň mukaddes Garaşsyzlyk baýramynyň 35 ýyllygynyň öňüsyrasynda  geçirilmeginiň we onda ýurdumyzda gazanylan belent sepgitlere ser salmak we geljekde döwletimizi gülledip ösdürmekde öňde durýan wezipeleri ara alyp maslahatlaşmak bilen halkymyzyň ýaşaýyş-durmuş derejesini ýokarlandyrmakdaky ähmiýeti dogrusynda täsirli gürrüňler edildi. Şeýle-de bu ýerde çykyş edenler watanymyzyň geljegi bolan ýaşlaryň ýurdumyzyň at-abraýyny belende götermekde, döwletimiziň pajarlap ösmegine goşýan mynasyp goşantlary dogrusynda hem buýsanç bilen belläp geçdiler.  Merjen Çaryýarowa.

Golaýda Murgap etrap häkimliginiň, TKA-nyň etrap birleşmesiniň, TMÝG-niň etrap geňeşiniň bilelikde guramagynda etrap medeniýet öýünde “Arkadagly Gahryman Serdar bilen öňe barýar Türkmenistan” ady bilen duşuşyk geçirildi. Duşuşyk Türkmenistanyň Halk Maslahatynyň nobatdaky mejlisine görülýän taýýarlyk işlerine bagyşlanyldy. Duşuşyga etrap häkimliginiň jogapkär işgärleri, etrabyň jemgyýetçilik guramalarynyň, medeniýet öýüniň işgärleri gatnaşdylar. Duşuşykda TMÝG-niň welaýat geňeşiniň başlygynyň orunbasary Kakajan Täçgulyýew, TMÝG-niň etrap geňeşiniň başlygy Laçyn Rahmanowa, TKA-nyň etrap birleşmesiniň esasy hünärmeni Aýdursun Annagylyjowa, etrap medeniýet öýüniň işgäri Güljan Nurýagdyýewa çykyş etdiler. Çykyş edenler ýurdumyzyň syýasy-jemgyýetçilik durmuşynda möhüm waka boljak Türkmenistanyň Halk Maslahatynyň nobatdaky mejlisine görülýän taýýarlyk işleri, milli demokratiýamyzyň dabaralanmasy, Garaşsyzlyk ýyllarynda gazanylan üstünlikler dogrusynda giňişleýin gürrüň etdiler. Akjemal REJEBOWA.

Häzirki wagtda ýurdumyzyň ähli ýerinde “Garaşsyz, baky Bitarap Türkmenistan — bedew batly at-myradyň mekany” ýylynyň şanly wakalaryna — Garaşsyzlygymyzyň 35 ýyllyk baýramyna hem-de Türkmenistanyň Halk Maslahatynyň nobatdaky mejlisine taýýarlyk işleri giňden ýaýbaňlandyrylýar. Şu möhüm wakalara bagyşlanylan wagyz-nesihat çäreleri barha işjeň häsiýete eýe bolýar. Golaýda mekdebimizde ýokarda ýatlanan taryhy wakalar mynasybetli “Halk Maslahaty — ösüşlerimiziň möhüm binýady” atly “tegelek stoluň” başynda söhbetdeşlik geçirildi. Oňa TMÝG-niň etrap geňeşiniň, beýleki jemgyýetçilik guramalarynyň hem-de etrabyň bilim ulgamynyň işgärleri gatnaşdylar. Bu çärede TMÝG-niň etrap geňeşiniň esasy hünärmeni Sülgün Ataýewa, etrap bilim bölüminiň hünärmeni Öwezmyrat Gylyjow, mugallymlar Orazmyrat Garaýew, Röwşen Gurtlyýew we beýlekiler çykyş etdiler. Olar Türkmenistanyň Halk Maslahatynyň mejlisiniň döwletimiziň we jemgyýetimiziň durmuşyndaky ornunyň möhüm ähmiýeti, ýurdumyzy mundan beýläk-de ösdürmekde, halkymyzyň ýaşaýyş-durmuş şertlerini gowulandyrmakda kabul edilýän döwlet ähmiýetli, il-gün bähbitli çözgütler barada giňişleýin gürrüň berdiler. Hojadurdy AKYMOW.

Golaýda etrap häkimligi, TDP-niň etrap komiteti, TMÝG-niň etrap geňeşi we etrap bilim bölümi bilen maslahat geçirdi. Bu maslahatda beýik Garaşsyzlygymyzyň 35 ýyllygynyň öň ýanynda geçiriljek Türkmenistanyň Halk Maslahatynyň nobatdaky mejlisine taýýarlyk görmek bilen bagly durmuşa geçirilmeli wezipeler ara alnyp maslahatlaşyldy. Oňa Türkmenistanyň Mejlisiniň deputatlary, etrap häkimliginiň ýolbaşçylary, ýokarda atlary agzalan guramalaryň we edaralaryň işgärleri gatnaşdylar. Duşuşykda etrap häkiminiň orunbasary Gülbahar Nurýagdyýewa, TDP-niň etrap komitetiniň başlygy, etrap halk maslahatynyň başlygy Muhammetnazar Täşliýew, etrapdaky daşary ýurt dillerine ýöriteleşdirilen 33-nji orta mekdebiň mugallymy, Türkmenistanyň Mejlisiniň deputaty Akmuhammet Bekmyradow çykyş etdiler. Olar çykyşlarynda Türkmenistanyň Konstitusiýasyna laýyklyka, Türkmenistanyň Halk Maslahatynyň halk häkimiýetiniň ýokary wekilçilikli edarasy bolup durýandygy, döwürleriň we nesilleriň özara baglanyşygy, Watanymyzyň gadymdan gelýän demokratik ýörelgelere ykrarlydygyny alamatlandyrýandygy barada gürrüň etdiler. Häzirki wagtda Garaşsyzlygymyzyň 35 ýyllyk baýramynyň öň ýanynda geçiriljek Türkmenistanyň Halk Maslahatynyň mejlisine görülýän taýýarlyk işleri dogrusynda durup geçdiler. Babajan MUHAMMEDOW.

Türkmen halkynyň Milli Lideri Gahryman Arkadagymyzyň beýik başlangyçlaryny mynasyp dowam edýän hormatly Prezidentimiz Arkadagly Gahryman Serdarymyzyň parasatly içeri we daşary syýasaty uly üstünliklere beslenýär. Garaşsyz, hemişelik Bitarap döwletimiziň ösüş-özgerişli menzilleri “Garaşsyz, baky Bitarap Türkmenistan — bedew batly at-myradyň mekany” diýlip yglan edilen ýylda has-da rowaçlanýar. Hormatly Prezidentimiziň öňdengörüjilikli daşary syýasaty BMG we iri halkara guramalary, sebitiň we dünýäniň döwletleri bilen deňhukukly we özara bähbitli hyzmatdaşlygy ösdürmekde uly ähmiýete eýe bolýar. Garaşsyz, baky Bitarap Türkmenistanyň BMG-niň Baş Assambleýasynyň belent münberinden öňe sürýän umumadamzat bähbitli başlangyçlaram dünýä jemgyýetçiliginde uly gyzyklanma döredýär we giňden goldanylýar. Şol beýik başlangyçlar bütin dünýäde parahatçylygy pugtalandyryp, döwletleriň we halklaryň arasynda deňhukukly hyzmatdaşlygy we dost-doganlyk gatnaşyklaryny hil taýdan täze derejelere çykarmaga gönükdirilendir. Golaýda Birleşen Milletler Guramasynyň ABŞ-nyň Nýu-Ýork şäherindäki ştab-kwartirasyndan hoş habar gelip gowuşdy. Has takygy, Türkmenistanyň başlangyjy esasynda şu ýylyň 24-nji iýulynda BMG-niň Baş Assambleýasynyň 80-nji sessiýasynyň 106-njy plenar mejlisinde “2028-nji ýyl — Halkara hukuk ýyly” atly Kararnama kabul edildi. Bu resminamany Milletler Bileleşigine agza döwletleriň 78-si goldady. Hormatly Prezidentimiziň öňe süren başlangyjynyň häzirki döwrüň talaplaryna doly laýyk gelip, halkara gatnaşyklarynda kanunylygyň, adalatlylygyň we hukugyň ähmiýetiniň pugtalandyrylmagyna gönükdirilen tagallalaryň halkara jemgyýetçiliginde giň goldawa eýe bolýandygyny aýdyň äşgär edýär. Görşümiz ýaly, Türkmenistanyň başlangyjy esasynda “2028-nji ýyl — Halkara hukuk ýyly” atly Kararnamanyň kabul edilmegi hormatly Prezidentimiziň baştutanlygynda Garaşsyz, baky Bitarap Türkmenistanymyzyň halkara ähmiýetli başlangyçlarynyň bütin dünýäde uly goldaw tapýandygyny aýdyň görkezdi. Munuň özi ýurdumyzyň parahatçylyk söýüjilikli döwlet hökmünde halkara abraýynyň täze belentliklerine çykýandygyna subutnamadyr. Döwlet Baştutanymyzyň oýlanyşykly daşary syýasaty rowaç alyp, Türkmenistan döwletimiziň halkara abraýy buýsançly belentliklere çykýar. Hormatly Prezidentimiz Arkadagly Gahryman Serdarymyzyň parasatly we öňdengörüjilikli daşary syýasaty Garaşsyz, hemişelik Bitarap döwletimiziň halkara giňişligindäki at-abraýynyň ýokary göterilmeginde möhüm ähmiýete eýe bolýar. Türkmenistan döwletimiziň öňe süren umumadamzat bähbitli başlangyçlarynyň özenini Ýer ýüzünde howpsuzlygy, parahatçylygy pugtalandyrmak hem-de döwletleriň arasynda ykdysady-söwda, medeni we ynsanperwer hyzmatdaşlygy durnukly ösdürmek düzýär. Halkara ähmiýetli başlangyçlarda halklaryň arasyndaky dost-doganlyk gatnaşyklarynyň giňeldilmegine kuwwatly itergi berýär. Hormatly Prezidentimiziň ýurdumyzyň adyndan eden teklibi biragyzdan goldanylyp, BMG-niň Baş Assambleýasynda kabul edilen bu başlangyç şanly ýylymyzyň taryhy wakasy boldy. “Maru — şahu jahan”.

Däp bolşy ýaly, her ýyl Garaşsyzlygymyzyň öň ýanynda Türkmenistanyň Halk Maslahatynyň mejlisi geçirilýär. Halkymyzda “Maslahatly il myrada ýeter”, “Maslahatly biçilen don gysga bolmaz” diýen pähimler bar. Türkmen halky müňýyllyklaryň dowamynda möhüm çözgütleri köpçülik bilen maslahatlaşyp kabul etmegiň özboluşly ýörelgelerini kemala getiripdir. Ýurduň abadançylygy, ösüşi, howpsuzlygy, durmuş-ykdysady kadalary bilen bagly çözgütleriň ählisi il-gün bilen geňeşilip kabul edilipdir. Munuň özi döwleti dolandyrmagyň adalatly, demokratik nusgasy bolup, ýaşuly nesliň durmuş tejribesine, halk köpçüliginiň bähbitleriniň nazara alynmagyna esaslanypdyr. Türkmenistanyň Halk Maslahaty hem milli demokratik däplerimiziň müňýyllyklaryň synagyndan geçen tejribesiniň häzirki döwrüň talaplaryna kybap getirilip, jemgyýeti dolandyrmagyň täze milli nusgasydyr. Häzirki döwürde Halk Maslahatynyň düzümine jemgyýetiň ähli gatlaklaryndan wekiller, il sylagly ýaşulular, kümüş saçly eneler, ykdysadyýetiň dürli pudaklarynda zähmet çekýän hünärmenler, işewürler, işçiler, daýhanlar, alymlar, döwlet edaralarynyň ýolbaşçylary we beýlekiler girýär. Şeýle giň gerimli wekilçilik kabul edilýän çözgütleriň il-günüň bähbidine gyşarnyksyz eýermegini şertlendirýär. Ýakynda Milli Liderimiz, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde Türkmenistanyň Halk Maslahatynyň Prezidiumynyň mejlisi geçirildi. Mejlisde türkmen halkynyň Milli Lideri öz taryhy çykyşynda ýurdumyzyň Garaşsyzlyk döwründe, şol sanda “Garaşsyz, baky Bitarap Türkmenistan — bedew batly at-myradyň mekany” ýylynda bitirilen işler, ýetilen belent sepgitler barada aýtdy. Gahryman Arkadagymyz bu üstünlikleriň, ilkinji nobatda, halkymyzyň agzybirliginde, jebisliginde gazanylandygyny nygtady. Milli Liderimiziň öz çykyşynda belleýşi ýaly, Halk Maslahatynyň nobatdaky mejlisinde dürli ugurlarda gazanylan üstünlikleriň we ýetilen sepgitleriň netijeleri jemlener. Şunuň bilen birlikde, ýurdumyzyň geljekki ösüşiniň täze ugurlary kesgitlenip, öňde durýan möhüm wezipeler ara alnyp maslahatlaşylar. Hakykatdan hem bu gün türkmen halkymyz hormatly Prezidentimiz Arkadagly Gahryman Serdarymyzyň parasatly baştutanlygynda bir supra jemlenip, döredijilikli zähmet çekip, bagtyýar, eşretli durmuşyň hözirini görüp ýaşaýar. Häzirki döwürde Milli Liderimiziň tabşyryklaryndan ugur alnyp, welaýat şäher, etrap häkimlikleriniň, Türkmenistanyň Mejlisiniň deputatlarynyň, şeýle hem syýasy partiýalaryňdyr jemgyýetçilik guramalarynyň agzybir tagallalary esasynda umumymilli foruma taýýarlyk işleri alnyp barylýar. Türkmenistan döwletimizi gülledip ösdürýän, halkara abraýyny arşa göterýän Milli Liderimiz Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlary sag, ömürleri uzak, il-ýurt bähbitli işleri rowaç bolsun! Kakageldi GURBANOW.

Garaşsyz, baky Bitarap Türkmenistanyň daşary syýasat ugrunyň özenini parahatçylyk, ynanyşmak we özara bähbitli hyzmatdaşlyk düzýär. Hormatly Prezidentimiz Serdar Berdimuhamedowyň baştutanlygynda ýurdumyz ählumumy meseleleri çözmekde, sebitara durnuklylygy berkitmekde hem-de medeni-ynsanperwer köprüleri gurmakda dünýä giňişliginde nusgalyk görelde görkezýär. Ýurdumyzyň daşary syýasat strategiýasy diňe bir ikitaraplaýyn gatnaşyklar bilen çäklenmän, ählumumy ösüşe hyzmat edýän giň gerimli taslamalary öz içine alýar. Ýakynda BMG-niň Baş Assambleýasynyň 80-nji sessiýasynyň 106-njy plenar mejlisinde Türkmenistanyň başlangyjy bilen «2028-nji ýyl — Halkara hukuk ýyly» atly Kararnamanyň biragyzdan kabul edilmegi ýokarda agzanlarymyza doly şaýatlyk edýär. Umuman, Türkmenistanyň daşary syýasat sahypalary ýyl-ýyldan täze taryhy üstünlikler bilen baýlaşýar. Ýurdumyzyň halkara gatnaşyklary ulgamyndaky ynamly ädimleri halklaryň we döwletleriň arasynda parahatçylygyň, dostlugyň hem-de durnukly ösüşiň kepili bolup dabaralanýar. Uzukjemal HOMMADOWA.

             “Garaşsyz, baky Bitarap Türkmenistan – bedew batly, at – myradyň mekany” ýylynda ýurdumyzyň ähli künjeklerinde bolşy ýaly, Mary welaýatynda hem, ýurt Garaşsyzlygynyň şanly 35 ýyllyk baýramynyň öňüsyrasynda geçiriljek Türkmenistanyň Halk Maslahatynyň nobatdaky Mejlisine taýýarlyk işleri giň gerimde alnyp barylýar. Türkmenistanyň Halk Maslahatynyň ähmiýeti we nobatdaky Halk maslahatyny ýokary guramaçylykly geçirmekde öňde durýan wezipelere bagyşlanyp Türkmenistanyň Senagatçylar we telekeçiler partiýasynyň Mary welaýat komitetiniň hem-de Mary welaýat Baş bilim müdirliginiň bilelikde gurnamagynda “Halk maslahaty- demokratiýanyň milli nusgasy” ady bilen maslahat geçirilip, ol çuň many-mazmuna eýe boldy.  Mary şäheriniň 36-njy orta mekdebinde geçirilen bu täsirli maslahat duşuşygyna Türkmenistanyň Senagatçylar we telekeçiler partiýasynyň Mary welaýat komitetiniň hem-de bilim ulgamynyň işgärleri uly ruhubelentlik bilen gatnaşdylar. Maslahatyň dowamyndaky çykyşlarda “Garaşsyz, baky Bitarap Türkmenistan – bedew batly at – myradyň mekany” diýlip, atlandyrylan ýylymyzda geçiriljek Halk maslahatynyň nobatdaky mejlisiniň ähmiýeti dogrusynda buýsanç bilen bellediler. Maslahatyň ahyrynda maslahata gatnaşanlar mundan beýläkde ýurdumyzyň ähli ugurlarynyň pajarlap ösmegini, asuda we erkana Watanymyzyň her bir gününiň uly ösüşlere eýe bolmagyny, halkymyzy ak ertirlere alyp barýan türkmen halkynyň Milli Lideri Gahryman Arkadagymyzyň hem-de peder ýoluny mynasyp dowam edýän Hormatly Prezidentimiz Arkadagly Gahryman Serdarymyzyň il-ýurt bähbitlerine gönükdirilen dünýä nusgalyk işleriniň barha rowaçlyklara beslenmegini arzuwladylar. Dursun Ilbegiýewa.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri