Düýn ir säher bilen Türkmenistanyň Saglygy goraýyş we derman senagaty işgärleriniň güni mynasybetli Mary etrabynyň Täze güýç geňeşliginiň çäginde welaýat Inçekesel hassahanasynyň täze binasy gurlup, ulanylmaga berildi. Hassahananyň öňündäki meýdançada baýramçylyk çykyşlary ýaýbaňlandyryldy. Marynyň Kemine adyndaky döwlet drama teatrynyň artistleriniň hem-de medeniýet we sungat ussatlarynyň ajaýyp çykyşlary dabara gatnaşyjylara ruhy lezzet paýlady. Şatlyk-şowhuna beslenen açylyş dabarasynda talyp ýaşlaryň, lukmanlaryň ýaşyl Tugumyzy pasyrdatmagy bolsa, baýramçylyk ruhubelentligini has-da artdyrdy. Açylyş dabarasynda täsirli çykyşlara-da giň orun berildi. Onda welaýatyň häkimi Döwranberdi Annaberdiýew hormatly Prezidentimiziň Türkmenistanyň Saglygy goraýyş we derman senagaty işgärlerine iberen Gutlagyny okady. Şeýle-de, dabarada Türkmenistanyň hormatly il ýaşulusy Allaberdi Çaryýew, Mary etrap hassahanasynyň 2-nji çagalar bölüminiň müdiri, Türkmenistanyň Mejlisiniň deputaty Çary Gurbanmyradow hem-de “Hil merkezi” hususy kärhanasynyň inženeri Kemal Şamyradow çykyş etdiler. Olar öz çykyşlarynda Gahryman Arkadagymyzyň, Arkadagly Gahryman Serdarymyzyň saýasynda ynsan saglygyny goramakda, dikeltmekde giň gerimli işleriň ýola goýulýandygy, bu ulgamyň ýylsaýyn uly ösüşlere eýe bolýandygy, hünär baýramçylygynda döwrebap hassahananyň açylyp ulanylmaga berilmeginiň ýokarda aýdylanlara şaýatlyk edýändigi dogrusynda aýdyp, ähli lukmanlary Türkmenistanyň Saglygy goraýyş we derman senagaty işgärleriniň güni hem-de döwrebap hassahananyň açylyp, ulanylmaga berilmegi bilen gutladylar. Şowhuna beslenen dabaranyň dowamynda döwrebap hassahananyň gurluşygynda tapawutlanyp zähmet çeken gurluşykçylara hormatly Prezidentimiziň adyndan gymmat bahaly sowgatlar gowşuryldy. Şeýle-de, welaýatyň häkimi D.Annaberdiýew hassahananyň baş lukmanyna hormatly Prezidentimiziň adyndan saglygy goraýyş gulluk awtoulaglarynyň açarlaryny uly dabara bilen gowşurdy. Soňra ýaşulular hassahananyň toý bagyny kesip berdiler. Şol pursat dürli reňkli şarlar al-asmana uçuryldy. Açylyş dabarasyna gatnaşyjylaryň Gahryman Arkadagymyza, Arkadagly Gahryman Serdarymyza aýdýan alkyşly sözleri bolsa gyzgyn el-çarpyşmalar bilen utgaşyp gitdi. Soňra ýaşuly nesliň wekilleri hem-de dabara gatnaşyjylar hassahananyň içine aýlanyp gördüler. Sülgün ŞADYÝEWA.

“Türkmenistan” ýaşlar we bedenterbiýe sport guramasynyň welaýat bölümi Sakarçäge etrabyndaky orta mekdepleriň okuwçy oglan-gyzlarynyň arasynda stoluň üstünde oýnalýan tennis boýunça ýaryş geçirdi. Ýokary guramaçylykly geçen bu ýaryşda okuwçy oglan-gyzlar özleriniň ukyp-başarnygyny görkezip, baýrakly orunlary eýelediler. Oglanlaryň arasynda geçen ýaryşda etrapdaky 10-njy orta mekdebiň okuwçylary 1-nji, 13-nji orta mekdebiň okuwçylary 2-nji, 33-nji orta mekdebiň okuwçylary 3-nji orunlara mynasyp boldular.  Gyzlaryň arasynda geçen ýaryşda etrapdaky 2-nji orta mekdebiň okuwçylary 1-nji, 35-nji orta mekdebiň okuwçylary 2-nji, 2-nji orta mekdebiň okuwçylary 3-nji orunlara mynasyp boldular.  Ýaryşda ýeňiji bolanlar “Türkmenistan” ýaşlar we bedenterbiýe sport guramasynyň welaýat bölüminiň Hormat hatlary bilen sylaglanyldy. Ogulkeýik ORAZDURDYÝEWA.

 Golaýda Wekilbazar etrap häkimliginiň, TDP-niň etrap komitetiniň, TMÝG-niň etrap geňeşiniň bilelikde guramagynda Halkara parahatçylyk we ynanyşmak ýylynda bellenilip geçiljek hemişelik Bitaraplygymyzyň 30 ýyllyk baýramy mynasybetli “Bitaraplyk — baky berkararlygyň binýady” atly wagyz-nesihat çäresi geçirildi.  Etrabyň Mollanepes şäherçesindäki medeniýet öýünde geçirilen wagyz-nesihat çäresinde TDP-niň etrap komitetiniň başlygy Tawus Gylyjowa, TKA-nyň etrap birleşmesiniň başlygy Ýeňiş Nurmyradow, TMÝG-niň etrap geňeşiniň başlygy Nagmat Hümmedow, etrabyň J.Atajanow geňeşliginiň ýaşaýjysy Begmuhammet Hojaberdiýew çykyş etdiler. Olar öz çykyşlarynda hemişelik Bitaraplyk baýramynyň 30 ýyllygyna görülýän taýýarlyklar öňde durýan wezipeler barada gürrüň etdiler.  Çäräniň ahyrynda halkymyzy bagtyýar durmuşda ýaşadýan ýurdumyzy ösüşlerden-ösüşlere alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.   Ogulşat BERKELIÝEWA.

Hormatly Prezidentimiziň parasatly baştutanlygynda ýurdumyzda bagtyýar geljegimiziň eýeleri bolan ýaş nesilleriň terbiýesi, maşgala mukaddesligi hakyndaky alada aýratyn üns berilýär. Ýaş nesillerimiziň kämil ynsanlar bolup ýetişmegi ugrunda beýik işler durmuşa geçirilýär. Ýakynda TDP-niň, TAP-nyň etrap komitetleriniň, TMÝG-niň etrap geňeşiniň, etrap polisiýa bölüminiň, etrap bilim bölüminiň, etrap merkezi kitaphanasynyň bilelikde guramagynda Wekilbazar etrap medeniýet öýünde «Nesil terbiýesi maşgaladan başlanýar” ady bilen wagyz-nesihat duşuşygy geçirildi. Duşuşyga ýokarda ady agzalan syýasy partiýalaryň we jemgyýetçilik guramanyň işgärleri, etrap polisiýa, bilim bölümleriniň wekilleri, kitaphanaçylar gatnaşdylar.  Duşuşykda TDP-niň etrap komitetiniň başlygy Tawus Gylyjowa, TAP-nyň etrap komitetiniň hünärmeni Täzegül Gurdowa, TMÝG-niň etrap geňeşiniň esasy hünärmeni Hajar Garryýewa çykyş etdiler. Çykyş edenler ata-babalarymyzdan gelýän milli ýörelgelerimiz, maşgala mukaddesligi, zenan mertebesi hakynda giňişleýin gürrüň etdiler.  Bilbil NURÝAGDYÝEWA.

Golaýda TMÝG-niň şäher geňeşiniň guramagynda şäherdäki 3-nji saglyk öýünde «Saglyk durmuşyň gymmatly baýlygydyr» ady bilen duşuşyk geçirildi. Oňa lukmanlar gatnaşdylar. Türkmenistanyň Saglygy goraýyş we derman senagaty işgärleriniň güni mynasybetli guralan duşuşykda TMÝG-niň şäher geňeşiniň baş hünärmeni Göwher Kakageldiýewa, şäherdäki 3-nji Saglyk öýüniň ykdysatçysy ilkinji ýaşlar guramasynyň başlygy Aýna Nurberdiýewa hem-de welaýat Saglygy goraýyş müdirliginiň ykdysatçysy, ilkinji ýaşlar guramasynyň başlygy Wepa Hojaýew çykyş etdiler. Olar öz çykyşlarynda saglyk ulgamynda gazanylýan üstünlikler hakynda aýdyp, ähli saglyk ulgamynyň işgärlerini hünär baýramçylygy bilen gutladylar.  Duşuşygyň dowamynda Türkmenistanyň Saglygy goraýyş we derman senagaty işgärleriniň güni mynasybetli saglyk ulgamda zähmet çekýän ýaşlara TMÝG-niň şäher geňeşi tarapyndan ýadygärlik sowgatlary gowşuryldy.  Mähri SAPAROWA.

Ýakynda etrap hassahanasynyň ýygnaklar zalynda TDP-niň etrap komitetiniň, TMÝG-niň etrap geňeşiniň, etrap hassahanasynyň, etrabyň arassaçylyk we keselleriň ýaýramagyna garşy göreşmek gullugynyň, etrap bilim bölüminiň, etrap merkezi kitaphanasynyň bilelikde guramagynda “Il saglygy — ýurt baýlygy” atly wagyz-nesihat çäresi geçirildi. Oňa saglygy goraýyş ulgamynyň, jemgyýetçilik guramalarynyň işgärleri gatnaşdylar.  Çärede TDP-niň etrap komitetiniň işgäri Sülgün Akmyradowa, TMÝG-niň etrap geňeşiniň bölüm müdiri Tylla Rahmedowa, etrap hassahanasynyň lukmany Aýna Mämmedowa, etrabyň arassaçylyk we keselleriň ýaýramagyna garşy göreşmek gullugynyň başlygy Serdar Orazow, etrap merkezi kitaphanasynyň kitaphanaçysy Jennet Jumaýewa, etrap bilim bölüminiň hünärmeni Ogulaman Orazmyradowa çykyş etdiler. Çykyş edenler Arkadagly Gahryman Serdarymyzyň baştutanlygynda ýurdumyzda raýatlaryň saglygyny gorap saklamakda alnyp barylýan giň gerimli işler, sagdyn nesliň kemala gelmeginde sagdyn durmuş ýörelgelerine eýermegiň ähmiýeti, maşgala mukaddesligi, ahlak tämizligi barada giňişleýin we täsirli gürrüň etdiler. Rahym GARLYÝEW.

Ýakynda welaýat çagalar hassahanasynda TAP-nyň şäher komitetiniň guramagynda Türkmenistanyň Saglygy goraýyş we derman senagaty işgärleriniň güni mynasybetli maslahat geçirildi. Ak ýektaýly lukmanlaryň gatnaşmagynda geçirilen maslahat örän täsirli boldy.  Maslahatda TAP-nyň şäher komitetiniň esasy hünärmeni Gurbanjemal Iliýewa, welaýat çagalar hassahanasynyň lukmanlary Jumamyrat Mosyýew, Leýli Taňryberdiýewa, Arzygül Källiýewa çykyş etdiler. Çykyş edenler Gahryman Arkadagymyzyň, Arkadagly Gahryman Serdarymyzyň saýasynda saglyk ulgamynda uly ösüşlere eýe bolunýandygy, ynsan saglygy ugrunda taýsyz tagallalaryň edilýändigi dogrusynda giňişleýin durup geçdiler. Şeýle-de, çykyş edenler hünär baýramçylygy bilen ak ýektaýly lukmanlary gutlap, olara jan saglygyny, işlerinde uly üstünlikleriň hemra bolmagyny arzuw etdiler.  Maslahatyň ahyrynda welaýat çagalar hassahanasynda yhlasly zähmet çekýän lukmanlara TAP-nyň şäher komitetiniň ýadygärlik sowgatlary gowşuryldy. Mekan ANNADURDYÝEW.

   Türkmenistanyň Halk Maslahatynyň mejlisinde kabul edilen taryhy – syýasy ähmiýetli kararlary we çözgütleri halk köpçüligine wagyz – nesihat etmek bilen baglanyşykly maslahatlar we duşuşyklar Mary welaýatynda hem yzygiderli geçirlip durulýar. Mary welaýat häkimliginiň we Türkmenistanyň Döwlet energetika institutynyň bilelikde gurnamagynda “Türkmenistanyň Halk Maslahatynyň mejlisi-ýetilen ösüşler, giň mümkinçilikler, geljekki ugurlar” atly maslahat duşuşygy geçirildi. Bu maslahat duşuşygyna institutyň professor mugallymlary, talyp ýaşlary uly ruhubelentlik bilen gatnaşdylar. Maslahat duşuşygynda çykyş edenler Türkmenistanyň Halk Maslahatynyň mejlisinde il – ýurt bähbitli täze taryhy çözgütleriň kabul edilmegi, ýurdumyzy ösüşleriň täze belentliklerine çykarmak baradaky teklipleriň orta atylmagy halkymyzyň uly goldawa eýe bolandygyny bellediler. Gahryman Arkadagymyzyň we Arkadagly Gahryman Serdarymyzyň Türkmenistanyň Halk Maslahatynyň mejlisinde taryhy we çuňňur many – mazmunly çykyşlary halkymyzyň ýürek töründe uly orun alyp, ýurdumyzda geljekde amala aşyrylmaly belent maksatly işlere badalga berdi – diýlip, bu maslahatda durlup geçildi. Maslahatyň dowamynda çykyş edenler halkymyzy bagtyýar durmuşda ýaşadýan, Watanymyzyň gülläp ösmegine aýratyn aladalaryny gönükdiren türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini beýan etdiler. Dursun ILBEGIÝEWA.

     “Halkara parahatçylyk we ynanyşmak” ýylynda geçirlen Türkmenistanyň Halk Maslahatynyň ähmiýetini halk köpçüligine wagyz – nesihat etmek bilen baglanyşykly maslahatlar we duşuşyklar Mary welaýatynda hem yzygiderli geçirlip durulýar. Türkmenistanyň Kärdeşler arkalaşyklarynyň Milli Merkeziniň hem-de Türkmenistanyň Kärdeşler arkalaşyklarynyň Mary welaýat birleşmesiniň bilelikde gurnamagynda “Türkmenistanyň Halk Maslahatynyň çözgütleri-aýdyň maksatlar, möhüm wezipeler” atly maslahat duşuşygy geçirildi. Bu maslahat duşuşygyna Türkmenistanyň Kärdeşler arkalaşyklarynyň Mary welaýat Ylym we bilim hem-de Agrosenagat ulgamynyň işjeň agzalary uly ruhubelentlik bilen gatnaşdylar. Maslahat duşuşygynda çykyş edenler Türkmenistanyň Halk Maslahatynyň nobatdaky mejlisi “Halkara parahatçylyk we ynanyşmak” ýylynyň şanly wakasy bolandygyny, mejlisde il – ýurt bähbitli täze taryhy çözgütleriň kabul edilmegi halkymyzyň uly goldawa eýe bolandygyny bellediler. Maslahatyň dowamynda çykyş edenler halkymyzy bagtyýar durmuşda ýaşadýan, Watanymyzy gülläp ösdürýän türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza özleriniň alkyşly sözlerini aýtdylar. Dursun ILBEGIÝEWA.

 Golaýda Wekilbazar etrap häkimliginiň, TDP-niň etrap komitetiniň, TMÝG-niň etrap geňeşiniň bilelikde guramagynda Halkara parahatçylyk we ynanyşmak ýylynda bellenilip geçiljek hemişelik Bitaraplygymyzyň 30 ýyllyk baýramy mynasybetli “Bitaraplyk — baky berkararlygyň binýady” atly wagyz-nesihat çäresi geçirildi.  Etrabyň Mollanepes şäherçesindäki medeniýet öýünde geçirilen wagyz-nesihat çäresinde TDP-niň etrap komitetiniň başlygy Tawus Gylyjowa, TKA-nyň etrap birleşmesiniň başlygy Ýeňiş Nurmyradow, TMÝG-niň etrap geňeşiniň başlygy Nagmat Hümmedow, etrabyň J.Atajanow geňeşliginiň ýaşaýjysy Begmuhammet Hojaberdiýew çykyş etdiler. Olar öz çykyşlarynda hemişelik Bitaraplyk baýramynyň 30 ýyllygyna görülýän taýýarlyklar öňde durýan wezipeler barada gürrüň etdiler.  Çäräniň ahyrynda halkymyzy bagtyýar durmuşda ýaşadýan ýurdumyzy ösüşlerden-ösüşlere alyp barýan Gahryman Arkadagymyza, Arkadagly Gahryman Serdarymyza alkyş sözlerini aýtdylar.   Ogulşat BERKELIÝEWA.

     “Halkara parahatçylyk we ynanyşmak” ýylynda geçirlen Türkmenistanyň Halk Maslahatynyň ähmiýetini halk köpçüligine wagyz – nesihat etmek bilen baglanyşykly maslahatlar we duşuşyklar Mary welaýatynda hem yzygiderli geçirlip durulýar. Türkmenistanyň Kärdeşler arkalaşyklarynyň Milli Merkeziniň hem-de Türkmenistanyň Kärdeşler arkalaşyklarynyň Mary welaýat birleşmesiniň bilelikde gurnamagynda “Türkmenistanyň Halk Maslahatynyň çözgütleri-aýdyň maksatlar, möhüm wezipeler” atly maslahat duşuşygy geçirildi. Bu maslahat duşuşygyna Türkmenistanyň Kärdeşler arkalaşyklarynyň Mary welaýat Ylym we bilim hem-de Agrosenagat ulgamynyň işjeň agzalary uly ruhubelentlik bilen gatnaşdylar. Maslahat duşuşygynda çykyş edenler Türkmenistanyň Halk Maslahatynyň nobatdaky mejlisi “Halkara parahatçylyk we ynanyşmak” ýylynyň şanly wakasy bolandygyny, mejlisde il – ýurt bähbitli täze taryhy çözgütleriň kabul edilmegi halkymyzyň uly goldawa eýe bolandygyny bellediler. Maslahatyň dowamynda çykyş edenler halkymyzy bagtyýar durmuşda ýaşadýan, Watanymyzy gülläp ösdürýän türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza özleriniň alkyşly sözlerini aýtdylar. Dursun ILBEGIÝEWA.

      Beýik geljegi nazarlaýan eziz Watanymyzda durmuşa geçirilýän işler “Döwlet adam üçindir” diýilýän baş ýörelgeden gözbaş alýar. Köp ugurly döwlet maksatnamalary ýurdumyzyň her bir raýatynyň bähbitlerine gönükdirilýär. Eziz Diýarymyzda döwletli başlangyçlary halkymyz bilen maslahatlaşmak asylly däbe öwrüldi. Şu maksat bilen her ýyl türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň ýolbaşçylygynda ençeme raýatlarymyzyň gatnaşmagynda Türkmenistanyň Halk Maslahatynyň mejlisi geçirilýär. Bu maslahatda ýurdumyzyň geljekki rowaçlyklaryny hem-de halkymyzyň eşretli durmuşyny nazarlaýan maksatnamalaýyn işler ara alnyp maslahatlaşylýar we olar boýunça degişli çözgütler kabul edilýär. Halkara Parahatçylyk we ynanyşmak ýylynda şanly Garaşsyzlygymyzyň 34 ýyllyk toýunyň giňden dabaralanýan günlerinde paýtagtymyzda geçirilen Türkmenistanyň Halk Maslahatynyň mejlisinde türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň kabul eden maksatnamalary, eden taryhy çykyşlarynyň ähmiýeti her bir raýaty begendirýär. Ýokary guramaçylykda geçirilen maslahatda Gahryman Arkadagymyzyň we Arkadagly Gahryman Serdarymyzyň eden çykyşlaryny, döwleti ýörelgelerini halkymyzyň arasynda wagyz etmekde ýurdumyzyň dürli künjeklerinde wagyz-nesihat duşuşyklary, dabaraly çäreler yzygiderli geçirilýär.  Ýaňy ýakynda hem Türkmenistanyň Agrar Partiýasynyň Mary welaýat etrap we Baýramaly etrap  komitetleriniň bilelikde gurnamaklarynda “Halk maslahaty – bagtyýar halkymyzyň Watançylyk ýörelgesi, mizemez göreldesidir” ady bilen  terbiýeçilik ähmiýetli wagyz-nesihat çäresi geçirildi. Çuňňur many-mazmuna ýugrulan bu maslahata Türkmenistanyň Mejlisiniň deputatlary, Mary welaýat halk maslahatynyň agzalary, Agrar partiýanyň işgärleri we işjeň agzalary gatnaşdylar. Dabaranyň dowamynda çykyş edenler Hormatly Prezidentimiziň taýsyz tagallalary netijesinde  halkymyzyň ýaşaýyş – durmuş meselesini barha özgerdip, ýurdumyzy jennet ýaly owadan, dünýäniň öňde barjy döwletleriniň hatarynda tanalmagy ugrunda alyp barýan döwlet ähmiýetli işler dogrusynda, obasenagat toplumyny ösdürip, azyk howpsuzlygyny üpjün etmek we eksport mümkinçilikleri ýokarlandyrmakda öňde goýlan maksatnamalar dogrusynda täsirli gürrüňleri etdiler. Ýurdumyzda oba hojalyk önümlerini öndürijiler maliýe-ykdysady taýdan goldanylýar. Daýhanlara dünýäniň öňdebaryjy oba hojalyk tehnikalaryny  we enjamlaryny satyn almak üçin ýeňillikli esasda karzlar berilýär. munuň özi bolsa oba hojalyk işgärlerini, babadaýhanlary täze zähmet üstünliklere ruhlandyrýar diýip aýratyn belläp geçdiler. Agzybirlik, bir-birege sarpa goýmak, ähli ädimleri maslahatly etmek üstünlikleriň binýadyny düzýär. Şol binýadyň düzüminiň ynamdan berkidilmegi bolsa üstünlikleriň, gazanylýan zähmet ýeňişleriniň dowamlylygyny we netijeliligini üpjün edýär. Türkmenistanyň Halk Maslahaty hem özgerişli zamanamyzda ugur alnan belent maksatlaryň üstünlige beslenmegi üçin halk bilen döwletleriň arasyndaky baglaýjy güýje öwrüldi. Döwlet ähmiýetli meseleleri ara alyp maslahatlaşmak, il-ýurt bähbitli maksatnamalaryň ýerine ýetirilişine halk köpçüligini giňden çekmek, teklipleri işläp taýýarlamak, Garaşsyz, hemişelik Bitarap döwletimiziň mundan beýläkde has-da kuwwatlanmagyna ýardam bermek Türkmenistanyň Halk Maslahatynyň baş maksady we esasy wezipesi bolup durýar diýip, dabarada çykyş edenler buýsanç bilen belläp geçdiler. Maslahata gatnaşanlar Watanymyzy  ösüşleriň ak ýolundan ynamly öňe alyp barýan, halkymyzyň bagtyýar geljegi üçin dünýä nusgalyk işleri durmuşa geçirýän  Milli Liderimiz Gahryman Arkadagymyzyň we Arkadagly Gahryman Serdarymyzyň janlarynyň sag, ömürleriniň uzak bolmagyny, beýik tutumly işleriniň diňe üstünliklere beslenmegini tüýs ýürekden arzuwladylar.

    Mary myhmanhanasynyň mejlisler jaýynda Türkmenistanyň Demokratik Partiýasynyň Mary welaýat, Mary şäher we Mary etrap komitetleriniň bilelikde gurnamaklarynda döwletimiziň Garaşsyzlygynyň 34 ýyllyk baýramynyň öňüsyrasynda bolup geçen Türkmenistanyň Halk Maslahatynyň mejlisinde kabul edilen taryhy – syýasy ähmiýetli kararlary we çözgütleri halk köpçüligine wagyz – nesihat etmek bilen baglanyşykly maslahat geçirilip, oňa dürli ulgamlarda zähmet çekýän raýatlarymyz uly ruhubelentlik bilen gatnaşdylar. Bu ýerde çykyş edenler döwletli maslahatda il – ýurt bähbitli täze taryhy çözgütleriň kabul edilmegi, ýurdumyzy ösüşleriň täze belentliklerine çykarmak baradaky teklipleriň orta atylmagy halkymyzyň uly goldawyna eýe bolandygyny bellediler. Gahryman Arkadagymyzyň we Arkadagly Gahryman Serdarymyzyň Türkmenistanyň Halk Maslahatynyň mejlisinde taryhy we çuňňur many – mazmunly çykyşlary halkymyzyň ýürek töründe uly orun alyp, ýurdumyzda geljekde amala aşyrylmaly belent maksatly işlere badalga berdi – diýlip, bu maslahatda durlup geçildi. Maslahatyň dowamynda çykyş edenler halkymyzyň ýaşaýyş – durmuş derejelerini ýokarlandyrylmagyny yzygiderli üpjün etmäge gönükdirilen döwlet syýasatyny amala aşyrýan türkmen halkynyň Milli Lideri Gahryman Arkadagymyza hem-de Hormatly Prezidentimiz Arkadagly Gahryman Serdarymyza alkyş sözlerini beýan etdiler. Toýmyrat GURBANOW.

Toýlary toýlara, baýramlary baýramlara ulaşyp, her bir güni uly zähmet üstünlikleri bilen garşylaýan eziz Diýarymyzda ösüşiň ak ýolundan  rowana gelejege alyp barýan Gahryman Arkadagymyzyň, Arkadagly Gahryman Serdarymyzyň saýasynda asuda Watanymyzda Ýaşulularyň halkara güni uly dabaralara beslendi. Şu baýramçylyk mynasybetli welaýatyň Baýramaly şäheriniň medeniýet öýüniň öňündäki toý meýdançasynda geçirilen dabara welaýatyň il sylagly ýaşululary we kümüş saçly eneleri ýokary ruhubelentlikde gatnaşdylar. Olar Halkara ýaşulular güni mynasybetli welaýatyň ussat estrada aýdymçylarynyň, tans toparlarynyň çykyşlaryny el çarpyşmalary bilen gyzgyn garşy aldylar. Ýerine ýetirilen aýdym - sazlarda Watanymyzyň bedew batly ösüşlerini, türkmen halkynyň Milli Lideri Gahryman Arkadagymyzyň, Hormatly Prezidentimiz Arkadagly Gahryman Serdarymyzyň il-halk, döwlet bähbitli belent tutumly işleri joşgun bilen wasp edildi. Baýramaly şäher Medeniýet öýünde Ýaşulularyň halkara güni mynasybetli Mary welaýat häkimliginiň, Türkmenistanyň Demokratik partiýasynyň welaýat komitetiniň, Türkmenistanyň Magtymguly adyndaky Ýaşlar guramasynyň welaýat Geňeşiniň, Türkmenistanyň Senagatçylar we telekeçiler partiýasynyň welaýat komitetiniň we welaýat medeniýet müdirliginiň gurnamaklarynda geçirilen aýdym-sazly baýramçylyk dabarasyna gatnaşýanlary medeniýet öýüniň girelgesinde çagalar sungat mekdebiniň skripkaçylary şowhunly sazlary bilen garşy aldylar. Bu ýerde ýaşulular suratkeşleriň çeken surat sergisine we Milli Lidermiziň hem-de Hormatly Prezidentimiziň kitaplarynyň sergisine aýlanyp gördüler. Soňra medeniýet öýüniň dabaralar jaýynda  welaýatyň il sylagly ýaşululary, kümüş saçly eneleri, welaýatyň syýasy partiýalary we jemgyýetçilik guramalaryň işgärleri we işjeň agzalary hem-de bagtyýar talyplaryň gatnaşmagynda dabara dowam etdi. Dabarada edilen çykyşlarda Türkmen halkynyň Milli Lideri, Türkmenistanyň il Ýaşulusy Gahryman Arkadagymyza hem-de Hormatly Prezidentimiz Arkadagly Gahryman Serdarymyza ýaşululara goýulýan belent sarpa, uly hormat üçin  alkyş sözleri aýdyldy. Her bir türkmen öýüniň  törüni bezeýän ak sakally gojalar we mährem eneler taryhy geçmişimizi, aňyrdan gelýän milli däp-dessurlarymyzy dowam etdirmekde aýratyn orna eýedir  diýip buýsanç bilen bellediler. Berkarar döwletimiziň täze eýýamynyň Galkynyşy döwrüniň toý baýramlarynyň ýaraşygy bolan dili senaly ýaşulular, kümüş saçly eneler ähli babatda görelde mekdebidir. Edilen buýsançly çykyşlarda asuda, parahat Watanymyzda  ýaşuly nesle aýratyn hormat, sarpa goýulýandygy, olara Gahryman Arkadagymyz, Arkadagly Gahryman Serdarymyz tarapyndan giň şertler we amatly mümkinçilikler döredilýändigi öz beýanyny tapdy. Soňra dabara gatnaşyjylaryň şowhunly el çarpyşmalarynyň astynda hormatly ýaşululara we mährem enelere  welaýatyň syýasy partiýalarynyň we jemgyýetçilik guramalarynyň baýramçylyk sowgatlary gowşuryldy. Aýdym-sazlar bilen dowam eden dabara toý şatlygyna şatlyk goşdy. Welaýatyň medeniýet we sungat ussatlarynyň, aýdym-saz we tans toparlarynyň, estrada aýdymçylarynyň ýerine ýetiren çykyşlary hem täsirli boldy. Olarda asuda Watanymyzyň, parahat ýurdymyzyň, Gahryman Arkadagymyzyň, Arkadagly Gahryman Serdarymyzyň alyp barýan beýik işleriniň, mährem enelerimiziň waspy belentden ýetirildi. Halkymyzyň bagtyýar durmuşda ýaşamaklary ugrynda taýsyz tagallalary edýän Milli Liderimiz, Gahryman Arkadagymyza, Hormatly Prezidentimiz Arkadagly Gahryman Serdarymyza çäksiz alkyşlar beýan edildi.    Halkara parahatçylyk we ynanyşmak ýylynda ýurdumyzda uludan toýlanýan Ýaşulularyň halkara güni mynasybetli dabara gatnaşanlar soňra Mary welaýat kitaphanasyna baryp, ol ýerde döredilen mümkinçilikler bilen tanyşdylar. Welaýatyň ýaşuly nesilleriniň wekilleri ilki bilen bu kitaphananyň giň we ýagty okalga  otaglaryna aýlanyp gördüler we bu ýerde özleri üçin niýetlenilen okalga otagynda Türkmen halkynyň Milli Lideri Gahryman Arkadagymyzyň we Hormatly Prezidentimiz Arkadagly Gahryman Serdarymyzyň  ýiti zehininden syzylyp çykan ajaýyp  eserlerini okap, ruhy lezzet aldylar.      Bu günki baýramçylyk gününde göwünleri galkynan ýaşulular we kümüş saçly eneler gymmatly kitap hazynalaryny özünde jemleýän bu kitaphananyň täsin muzeýine-de baryp, ol ýerde ýerleşdirilen gadymy döwürlere degişli bolan kitap eserlerini synladylar. Kitaphananyň obserwatoriýasynda bolmak bilen myhmanlar ol ýerde asman giňişligindäki jisimleriň täsinliklerini uly gyzyklanma bilen synladylar we olaryň aýratynlyklary dogrusynda kitaphana işgärleriniň  beren gyzykly gürrüňlerini höwes bilen diňlediler.      Soňra hormatly myhmanlary Mary şäherindäki Bagt köşgi toý-dabaralar merkezinde medeniýet, sungat ussatlary garşy aldylar. Ýerine ýetirilen aýdym-sazlarda ýurdumyzda ýaşuly nesle goýulýan belent hormat-sarpa giňden wasp edildi. Bu ýerde ýaşuly nesle halkymyzyň milli naz-nygmatlary hödür edildi. Hormatly myhmanlar ýaşuly nesle goýulýan hormat-sarpa üçin türkmen halkynyň Milli Lideri Gahryman Arkadagymyza, Hormatly Prezidentimiz  Arkadagly Gahryman Serdarymyza alkyş sözlerini aýtdylar. Azat BEGLANOW.

Halkara parahatçylyk we ynanyşmak ýyly mynasybetli Mary welaýatynyň Arassaçylyk we keselleriň ýaýramagyna garşy göreşmek gullugynyň mejlisler jaýynda maslahat geçirildi. Mary welaýatynyň Saglygy goraýyş müdirliginiň, Mary welaýatynyň Arassaçylyk we keselleriň ýaýramagyna garşy göreşmek gullugynyň bilelikde gurnamagynda geçirlen bu dabaraly maslahata welaýatyň saglyk ulgamynyň işgärleri gatnaşdylar. Geçirlen bu maslahatda çykyş eden adamlar Hormatly Prezidentimiziň parasatly ýolbaşçylygynda Garaşsyz, baky Bitarap ýurdumyzda gazanylýan ösüşler dogrusynda täsirli gürrüňler edildi. Dabaraly maslahata gatnaşanlar döwletimizi ösüşleriň aýdyň maksatly ýollary bilen öňe alyp barýan, eziz Watanymyzyň pajarlap ösmegi üçin taýsyz tagallalar edýän Türkmen Halkynyň Milli Lideri Gahryman Arkadagymyza, Arkadagly Gahryman Serdarymyza alkyş hem hoşallyk sözlerini aýtdylar Parahat GURBANOW.

Ýakynda şäher häkimliginiň mejlisler zalynda  şäher häkimliginiň, şäher halk maslahatynyň hem-de  TMÝG-niň şäher geňeşiniň bilelikde guramagynda «Halk maslahaty – geljegi nurlandyrýan aýgytly ädimler»  ady bilen  maslahat geçirildi. Oňa şäher halk maslahatynyň agzalary, ýaşuly nesliň wekilleri, şäheriň edara-kärhanalarynda zähmet çekýän ýaşlar we talyplar gatnaşdylar. Maslahatda TMÝG-niň şäher geňeşiniň başlygy, şäher halk maslahatynyň başlygy Resul Baýramow çykyş etdi we maslahaty alyp bardy. Şeýle-de, maslahatda Mary şäheriniň ýaşaýjysy, il sylagly ýaşuly Atabaý Jumagulyýew, mährem ene Altyn Mämmedowa, welaýat Polisiýa müdirliginiň polisiýanyň ýol gözegçiligi gullugynyň wagyz-nesihat boýunça gözegçisi Annamuhammet Hümmedow, welaýat statistika müdirliginiň bölüm müdiri Jumageldi Ataýew, TDEI-niň talyby Aýnur Rejepowa çykyş etdiler.  Olar öz çykyşlarynda türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň Türkmenistanyň Halk Maslahatynyň nobatdaky mejlisinde eden taryhy çykyşynyň mazmuny hem ähmiýeti, ondan gelip çykýan wajyp wezipeleri durmuşa geçirmekde ýaşlara aýratyn bil baglanylýandygy barada giňişleýin gürrüň etdiler. Annagözel SARYÝEWA.

Şu günler ýurt boýunça geçirilýän ýol hereketiniň howpsuzlygynyň biraýlygy tamamlanyp barýar. Bu möhüm meselä etrabymyzda-da uly üns berlip, degerli işler geçirildi we geçirilýär. Golaýda etrapdaky 20-nji orta mekdepde “Berkarar döwletde ömrümiz rahat” atly wagyz-nesihat çäresi geçirildi. Bu duşuşygy TDP-niň etrap komiteti, TKA-nyň etrap birleşmesi, TMÝG-niň etrap geňeşi, etrap bilim bölümi, etrabyň polisiýa bölümi bilelikde guradylar. Oňa atlary agzalan guramalaryň we edaralaryň işgärleri, mugallymlardyr okuwçylar gatnaşdylar. Duşuşykda TDP-niň etrap komitetiniň hünärmeni Jennet Taganowa, TKA-nyň etrap birleşmesiniň hünärmeni Eziz Annaýew, TMÝG-niň esasy hünärmeni Gülkamar Muhammetdurdyýewa, etrabyň polisiýa bölüminiň PÝGB-niň kiçi gözegçisi, polisiýanyň uly seržanty Muhammet Hanow çykyş etdiler. Olar hormatly Prezidentimiziň tabşyrygyna laýyklykda geçirilýän biraýlygyň barşynda alnyp barylýan işler barada durup geçdiler. Şeýle işleriň köçe-ýollaryň hadysasyzlygyny gazanmakda uly ähmiýete eýe bolýandygyny belläp geçdiler. Bu möhüm meselede düşündiriş we wagyz-nesihat çäreleriniň ähmiýetiniň üstünde durup geçdiler. Atageldi GURBANOW.

Golaýda TKA-nyň welaýat birleşmesiniň ýygnaklar zalynda Türkmenistanyň Halk Maslahatynyň mejlisiniň taryhy, syýasy ähmiýetini jemgyýetçilik köpçüliginiň arasynda wagyz etmek maksady bilen TAP-nyň welaýat, etrap, şäher komitetleriniň bilelikde guramagynda “Halk Maslahaty — bagtyýar halkymyzyň Watançylyk ýörelgesi, mizemez göreldesi” atly çäre geçirildi. Oňa TAP-nyň welaýat, etrap, şäher komitetleriniň işjeň agzalary, Türkmenistanyň Mejlisiniň deputatlary, welaýat, etrap, şäher halk maslahatlarynyň agzalary, Türkmenistanyň Halk Maslahatyna gatnaşan wekiller hem-de Şa serpaýyna eýe bolan kärendeçi daýhanlar gatnaşdylar.  Täsirli geçen wagyz-nesihat çäresinde TAP-nyň welaýat komitetiniň guramaçylyk we syýasy işler bölüminiň müdiri Güljemal Nazarowa, Murgap etrabyndaky 1-nji çagalar bagynyň müdiri, Türkmenistanyň Mejlisiniň deputaty Aýjemal Allanowa, TAP-nyň Baýramaly şäher komitetiniň başlygy, etrap halk maslahatynyň agzasy Selbi Kommanowa, TAP-nyň Ýölöten etrap komitetiniň başlygy Ýagşymyrat Tairow, TAP-nyň Mary şäher komitetiniň başlygy, etrap halk maslahatynyň agzasy Mekan Annadurdyýew, Mary etrabynyň telekeçi-kärendeçisi Türkmenistanyň “Watana bolan söýgüsi üçin” medalynyň eýesi Atamyrat Alyýew çykyş etdiler. Olar 2025-nji ýylyň 19-njy sentýabrynda geçirilen Türkmenistanyň Halk Maslahatynyň Mejlisinde Gahryman Arkadagymyzyň, Arkadagly Gahryman Serdarymyzyň sözlän taryhy çykyşynyň many-mazmuny,  maslahatdan gelip çykýan wezipeler barada giňişleýin durup geçdiler.   Çäräniň ahyrynda Türkmenistan döwletimizi parahat, asuda saklamakda, halkymyzy bagtyýar ýaşatmakda, Watanymyzy ösdürmekde alyp barýan döwletli işleri üçin Gahryman Arkadagymyza, Arkadagly Gahryman Serdarymyza alkyş sözlerini aýtdylar.   Ogulşat BERKELIÝEWA.

Bahar paslynyň ajaýyp gözelligi

Fotoreportaj: Futbol boýunça Türkmenistanyñ çempionaty 12-nji tapgyr Altyn Asyr - Merw

Fotoreportaj: Futbol boýunça Türkmenistanyñ çempionaty Merw 1-1 Altyn Asyr

Fotoreportaž: Mary welaýaty: Çagalary goramagyň halkara güni mynasybetli geçirilen dabaralardan pursatlar

Fotoreportaž: Mary welaýatynda Bütindünýä welosiped güni bellenilip geçildi.

Fotoreportaž: Mary welaýaty: Türkmenistanyň ÝUNESKO agzalygyna kabul edilmeginiň 30 ýyllygyna bagyşlanan dabaralardan pursatlar.

Fotoreportaj: DÇ-2026 saýlama tapgyry Türkmenistan 0-1 Eýran yslam respublikasy

Fotoreportaj: Mary şäheriniň Çagalar çeperçilik mekdebiniň okuwçylarynyň işleri